Showing posts with label ဆောင်းပါးကဏ္ဍ. Show all posts
Showing posts with label ဆောင်းပါးကဏ္ဍ. Show all posts

Aug 5, 2010

ယုံကြည်ရာအချက်များကို နှီးနှောဖလှယ်ခြင်းသည် ဖြစ်နိုင်ပါသလား။

ယုံကြည်ရာအချက်များကို နှီးနှောဖလှယ်ခြင်းသည် ဖြစ်နိုင်ပါသလား။

အခြားဘာသာတွေနဲ့ တွေ့ဆုံနှီးနှောတဲ့အခါမှာ မိမိတို့ဘာသာရဲ့ ကိုယ်ပိုင်ဝိသေသတွေကို ဆက်လက်ပြီး ထိန်းသိမ်းထားဖို့ ဆိုတာတော့ ဟုတ်ပါပြီ။ ဒါပေမဲ့လို့ အယူဝါဒပိုင်း (doctorines)နဲ့ ယုံကြည်ရာအချက်များ (beliefs)ကို ဆွေးနွေးဖလှယ်ခြင်း (Dialogue of Discourse)ဆိုတာကိုတော့ သံသယတွေ အခုလိုရှိနိုင်တယ်။ ယုံကြည်ရာ အယူဝါဒများ ဖလှယ်ခြင်း (theological exchange) ဆိုတာက တကယ်ပြုလုပ် နိူင်ပါမလား။ ဒီလိုအဆင့်ထိ မလုပ်ဘဲ တခြားနည်းလမ်းတွေနဲ့ပဲ နှီးနှောဆက်သွယ်ကြရင် ပိုမကောင်းဘူးလား။ ဒီမေးခွန်းတွေအတွက် အဖြေဘယ်လိုပေးနိုင်မလဲဆိုတာကို လေ့လာကြရအောင်။

သူ့ဘာသာ မှန်တယ်၊ ငါ့ဘာသာ မှန်တယ်ဆိုပြီး အငြင်းအခုံတွေ ဖြစ်လာနိုင်ပါတယ်။ ဘာသာတရားရဲ့ ယုံကြည်ရာအချက်တွေနဲ့ ပတ်သက်ပြီး ဆွေးနွေး ဖလှယ်ကြပြီ ဆိုတာနဲ့ ဘာသာရေး အငြင်းပွားမှုတွေ ဖြစ်လာဖို့က သေချာနေတဲ့အတွက် တချို့က ဒီလိုမျိုး ဆွေးနွေးရမှာကို သဘောမတူကြဘူး။ ဘယ်သူပဲဖြစ်ဖြစ် ကိုယ့်ဘာသာရဲ့ ယုံကြည်ချက်တွေကို ကာကွယ်ပြီး ပြောလိုတဲ့သဘော၊ ကိုယ့်ဘာသာ မှန်တယ်ဆိုတာကို သက်သေပြလိုတဲ့ သဘောတွေရှိကြတာပါပဲ။

တချို့ဆိုရင် မိမိဘာသာရဲ့ ယုံကြည်ချက်တွေက တစ်ခြားဘာသာတွေထက် ပိုပြီး မြင့်မြတ်တယ်လို့တောင် ပြောတတ်ကြတယ်။ သူများဘာသာထဲမှာ အမှားအယွင်း၊ ချွတ်ယွင်းချက်တွေကို မရမက ရှာဖွေတွေ့နိုင်အောင် ကြိုးစားကြတယ်။ ဒီလို အပြောခံရတယ် ဆိုရင် တစ်ဖက်ကလည်း အသာတကြည်နဲ့ ခေါင်းငုံ့ခံပြီး တုန့်ပြန်မှာတော့ မဟုက်ပါဘူး။ ပေါက်ကွဲမှုတွေ၊ ငြင်းခုံမှုတွေ ပြင်းထန်လာမှာပဲ၊ သဘောတူညီမှုဆိုတာတော့ ဘယ်လိုမှ မရနိုင်ဘူး။ အကျိုးတစ်စုံတစ်ရာ မရှိတဲ့အပြင်၊ ခါးသီးမှုတွေပဲ ကျန်ရစ်မှာဖြစ်တယ်။ ဒါကြောင့်လည်းပဲ ဒီလိုအယူဝါဒတွေနဲ့ ပတ်သက်ပြီး ဆွေးနွေးခြင်း မပြုလုပ်တာ ပိုကောင်းလိမ့်မယ်လို့ ထင်ရဖွယ်ပါတယ်။

ဖော်ပြပါ အခက်အခဲတွေရှိတာကတော့
အမှန်ပဲ။ ဒါပေမဲ့ ဒီလိုပြဿနာမျိုးတွေ ဖြစ်မလာရအောင်လို့ ရှောင်ရှားနိုင်တဲ့နည်းလမ်း အဖြေတွေလည်း ရှိပါတယ်။ အယူဝါဒတွေကို ဆွေးနွေးဖလှယ်တယ်ဆိုတာ၊ ဘယ်ဘာသာက အနိုင်ရမလဲဆိုတာကို ယှဉ်ပြိုင်တဲ့ စကားရည်လုပွဲ မဟုက်ပါဘူး။ သူများ ဘာသာကို မှားတယ်။ နိမ့်ကျတယ်ဆိုပြီး သက်သေပြလိုခြင်းက နှီးနှောဖလှယ်လိုသူ တစ်ဦးရှိသင့်တဲ့ စိတ်ထားမျိုး မဟုတ်ဘူး။ ဘာသာရေး အငြင်းအခုံတွေဖြစ်အောင် ဖန်တီးလိုတဲ့သဘောမျိုးပဲ ဖြစ်ပါတယ်။ စစ်မှန်တဲ့သဘောနဲ့ နှီးနှောဖလှယ်လိုသူဟာ သူများ ရှင်းပြတာတွေကို နားထောင်လိုတယ်၊ နားလည်သဘောပေါက်လိုစေတဲ့ မျှော်လင့်ချက် ရှိတယ်။ တစ်ခု သတိပြုရမှာက တစ်ဖက် လူပြောတာတွေကို နားလည်သဘောပေါက်တယ် ဆိုတာ သူပြောတာတွေကို လက်ခံရမယ်၊ သဘောတူရမယ်လို့ မဆိုလိုပါဘူး။

ယုံကြည် ကိုးကွယ်မှု မတူညီကြတဲ့ အုပ်စုနှစ်ဖွဲ့ဟာ စတွေ့တွေ့ချင်းပဲ ယုံကြည်ရာအချက်တွေနဲ့ ပတ်သတ်ပြီး ဆွေးနွေးခြင်း မပြုလုပ်သင့်ဘူး။ ဒါက လူရဲ့ စိတ်သဘာဝကြောင့် ဖြစ်တယ်။ ဘာနဲ့ပဲ အစပြုသင့်သလဲ ဆိုရင် Dialogue of life မိမိတို့ဘ၀နဲ့ အရင် သက်သေခံမယ်။ လူမှုရေးနဲ့ဆိုင်တဲ့ လုပ်ငန်းတွေမှာ ပူးပေါင်း လက်တွဲပြီး အရင်လုပ်ကြရမယ်။ တစ်ဦးနဲ့တစ်ဦး ရင်းနှီး သိကျွမ်းလာကြပြီး၊ ယုံကြည် စိတ်ချမှုတွေ တိုးပွားလာပြီဆိုတဲ့အခါ၊ မိမိဘာသာအကြောင်း ပုိုင်ပိုင်နိုင်နိုင်၊ ကျွမ်းကျွမ်းကျင်ကျင် လေ့လာတတ်မြောက်ပြီးပြီ ရှိတဲ့အခါကျမှသာလျှင်၊ သူ့ဘာသာနဲ့ ကိုယ့်ဘာသာ ဘယ်သွန်သင်ချက်၊ ဘယ်ယုံကြည်ချက်တွေမှာ ကွာခြားမှုတွေ ရှိနေသလဲဆိုတာကို ဆွေးနွေးကြဖို့ အသင့်တော်ဆုံး ဖြစ်ပါတယ်။

ဘုန်းတော်ကြီးရစ်ချက်လှမင်းဦး

Jul 11, 2010

စုံစမ်းနှောင့်ယှက်ခြင်းကို အောင်မြင်ခြင်း


စုံစမ်းနှောင့်ယှက်ခြင်းကို အောင်မြင်ခြင်း


လူသားတွေဟာ မကောင်းမှုနဲ့ ကောင်းမှု၊ ဒုစရိုက်နဲ့ သုစရိုက်ကြားမှာ အမြဲရုန်းကန်နေရတာ သံသယရှိစရာ မလိုတော့ပါဘူး။ နေ့စဉ် သတင်းစာ၊ ဂြိုလ်တု၊ ရုပ်မြင်သံကြားကြည့်လိုက်တာနဲ့၊ ရေဒီယိုနားထောင်လိုက်တာနဲ့ အကြမ်းဖက်မှုတွေ၊ ကြောက်မက်ဖွယ်ကောင်းတဲ့ လူ့အသက် သေဆုံး၊ သတ်ဖြတ်မှုတွေအကြောင်း နေ့စဉ်နေ့တိုင်း ပြောင်ပြောင်တင်းတင်း၊ ရှင်းရှင်းလင်းလင်း မြင်နေကြား နေရတာတွေက သက်သေပါပဲ။ ဒါတွေက ဘာကြောင့် ဖြစ်နေတာလဲ၊ ဘာတွေ မှားယွင်းနေတာလဲ။


ဒီမေးခွန်းတွေကို ရိုးရိုးသားဖြေရရင်တော့ လူသားတွေ မှားနေတာပါပဲ၊ လူသားရဲ့ ဇာတိထဲမှာကိုက မကောင်းမှုဖက်ကို ယိမ်းယိုင်မှု ရှိနေပါတယ်။ ဒါဟာအပြစ်ရဲ့ အကျိုးဆက်ဖြစ်လို့ ကျွန်တော်တို့ လူသားအားလုံး တစ်ဦး မကျန် ဟာ ဒီအပြစ်နဲ့ ရုန်းကန်တိုက်ခိုက် နေရပါတယ်။ ပြင်းထန်လှတဲ့အပြစ်၊ မကောင်းမှုဒုစရိုက်ရဲ့ နောက်ကွယ်ကနေ တွန်းအားပေးနေတဲ့ အင်အားစုတစ်ခုကတော့ ရှိကိုရှိရ ပါလိမ့်မယ်။
ဒါကတော့ ရှည်ရှည်၊ ဝေးဝေးစဉ်းစား နေစရာ မလိုပါဘူး၊၊ စာတန်လို့ခေါ်တဲ့ နတ်ဆိုး၊ နတ်မိစ္ဆာ အဖျက်အင်အားစုများပင် ဖြစ်ပါတယ်၊ နတ်ဆိုး နတ်မိစ္ဆာ အဖျက်အင်အားစုတွေဟာ ကျွန်တော်တို့ အလယ်မှာ အသက်ရှင်လှုပ်ရှားနေပြီး သူတို့ရဲ့ ပန်းတိုင်က ကျွန်တော်တို့ကို နှောင့်ယှက်ဖျက်ဆီးဖို့၊ ကျွန်တော်တို့လူသားတွေကို အသုံးချပြီး ဘုရားကို တိုက်ခိုက်ဖို့ ဖြစ်ပါတယ်။

"တွေ့ကြုံရမည့် နှောင့်ယှက်မှုများ"
ခရစ်တော်ရဲ့ စုံစမ်းနှောင့်ယှက်ခြင်းအကြောင်းကို ကျမ်းစာထဲမှာ တွေ့ရတဲ့အတိုင်း၊ စုံစမ်းခြင်းနဲ့ ပတ်သက်ပြီး ယေဘုယျ အမှန်တရား အချို့ကို ဝေမျှလိုပါတယ်။

ပထမဦးဆုံး ကျွန်တော်တို့ နားလည်ထားရမယ့် အချက်က နှောင့်ယှက်ခြင်းရဲ့ မူလအရင်းအမြစ်ဟာ နတ်ဆိုးဖြစ်ပါတယ်။ ဘုရားမဟုတ်ပါဘူး၊ ရှင်ယာကုတ်က သူရဲ့ သြ၀ါဒစာ(၁း၁၃)မှာ "စုံစမ်းနှောင့်ယှက်ခြင်းကို ခံရသူသည်၊ ငါ့အား ထာဝရဘုရား စုံစမ်းသွေးဆောင်လျက်နေသည် ဟုမဆိုစေနှင့်။ မကောင်းမှုသည် ဘုရားသခင်အား မသွေးဆောင်နိုင်၊ ထုိ့ပြင် ကိုယ်တော်တိုင် အဘယ်သူကိုမျှ စုံစမ်း သွေးဆောင်တော်မမူ" လို့ ဆိုထားပါတယ်။

ဒုတိယ သိထားသင့်တဲ့အချက်ကတော့ စုံစမ်းနှောင့်ယှက်ခြင်းတွေဟာ အပြစ် မဟုတ်ဘူး ဆိုတာပါပဲ။နှောင့်ယှက်ခြင်းကို ခုခံတွန်းလှန် ရပါမယ်။ နှောက်ယှက်ခြင်းခံရပြီလို့ သိတာနဲ့ စိတ်ဓါတ် ကျမသွားရပါဘူး။ နှောင့်ယှက်ခြင်းဟာ အပြစ်မဟုတ်၊ အပြစ်ဆိုတာ နှောင့်ယှက်ခြင်းကို အရှုံးပေးလိုက်ပြီး နတ်ဆိုးရဲ့ အလိုကို အမှန်တကယ် ပြုလုပ်လိုက်ခြင်းသာ ဖြစ်ပါတယ်။

တတိယအချက်ကတော့ နှောင့်ယှက်ခြင်း မခံရတဲ့သူ ဘယ်သူမှမရှိဘူး၊ အားလုံးဟာ တစ်ချိန်မဟုတ် တစ်ချိန်(သို့) မကြာခဏဆိုသလိုပဲ နှောင့်ယှက်ခြင်း ခံရနေရမှာသာ ဖြစ်ပါတယ်။ တကယ်တန်းပြောရရင်တော့ နေ့စဉ် ကျွန်တော်တို့ ရွေးချယ်လုပ်ကိုင်ရတဲ့ အမှုတိုင်း၊ ကျွန်တော်တို့ရဲ့ ဆုံးဖြတ်ချက်တိုင်းမှာ စုံစမ်းနှောင့်ယှက်ခြင်းတွေ ပါဝင်နေပြီး ဒါတွေကို ကျွန်တော်တို့ နေ့စဉ် ကြုံတွေ့ နေကြပါတယ်။

စတုတ္ထအချက်ကတော့ နှောင့်ယှက်ခြင်းရဲ့ အင်အားဟာ လူသားရဲ့ လိုချင်တပ်မက်မှု ဆန္ဒထဲမှာ တွေ့ရပါတယ်။ (ရှင်ယာကုပ်၁း၁၄)မှာလည်း "လူသည် စုံစမ်းသွေးဆောင်ခြင်း ခံရသည်ဆိုသည်မှာ မိမိ၏ ဆိုးညစ်သော လိုအင်ဆန္ဒ ဆွဲဆောင်ရာ နောက်သို့ လိုက်ပါခြင်းပင် ဖြစ်သည်။ ထို လိုအင်ဆန္ဒသည် သန္ဓေယူကာ အပြစ်ဒုစရိုက်ကို မွေးဖွား၏။ အပြစ်ဒုစရိုက် ကြီးပြင်းလာသောအခါ သေခြင်းကို မွေးဖွားလေ၏"လို့ သတိပေးထားပါတယ်။

ပဉ္စမနဲ့ အရေးကြီးဆုံး နားလည်ကျင့်သုံး ရမယ့် အချက်ကတော့ နှောင့်ယှက်ခြင်း ဘယ်လိုပဲ ဖြစ်ဖြစ် ဘယ်လောက်ပဲပြင်းထန်၊ပြင်းထန် ထွက်ပေါက်ရှိပါတယ်။ မခုခံတွန်းလှန်နိုင်တဲ့ နှောင့်ယှက်ခြင်းမျိုးဆိုတာ မရှိနိုင်ဘူးဆိုတာပါပဲ။ (၁ကော၁၀း၁၃)မှာ "ထာဝရဘုရားသည် ကတိတည်တော်မူသောအရှင် ဖြစ်တော်မူသဖြင့် သင်တို့အား မိမိတို့ခံနိုင်သည်ထက်ပို၍ စုံစမ်းနှောင့်ယှက်ခြင်းကို ခံစေတော်မူလိမ့်မည် မဟုတ်။ စုံစမ်းနှောင့်ယှက်ခြင်း ခံရချိန်၌လည်း ခံထမ်းနိုင်သော ခွန်အားကို ပေးတော်မူသဖြင့် ထိုစုံစမ်းနှောင့်ယှက်ခြင်းမှ လွတ်မြောက်ရန် လမ်းဖွင့်ပေးတော်မူလိမ့်မည်"လို့ ဆိုကာ နှောင့်ယှက်ခြင်းကို တွန်းလှန်နိုင်မှာဖြစ်ကြောင်း တရားပေးထားပါတယ်။ ဒါဟာ (ဟေဗြဲ၎း၁၅)အတိုင်း လူသားတွေနည်းတူ စုံစမ်းသွေးဆောင်ခြင်း အမျိုးမျိုးကိုခံခဲ့ရတဲ့ ခရစ်တော်ဟာ ကျွန်တော်တို့ကို သေချာပေါက် ကူညီဖေးမမယ် ဆိုတာ သိစေတာပါပဲ။


"နတ်ဆိုး၏ ပရိယာယ်"
(၂ကော၂း၁၁)မှာ "ငါတို့သည် စာတန်၏ ပရိယာယ်များကို သိကြ၏။ သို့မှသာ ငါတို့ အပေါ်အနိုင် မရစေရန် တားဆီးနိုင်ပေမည်"လို့ ဆိုထားပါတယ်။ သမ္မာကျမ်းစာမှာ ပါရှိတဲ့အတိုင်း ခရစ်တော်အပေါ် စာတန်နတ်ဆိုးရဲ့ တိုက်ကွက် ပရိယာယ်နဲ့ နတ်ဆိုးကို ဘယ်လို အောင်နိုင် လိုက်သလဲဆိုတာကို သိရှိပါတယ်။ ခရစ်တော် နှောင့်ယှက်ခြင်းခံရတဲ့ အချိန်က ဂျော်ဒန်မြစ်မှာ ဆေးကြောခြင်း ဗတ္တိဇံမင်္ဂလာခံပြီးစ အချိန်၊ ခမည်းတော်ဘုရားက သားတော်ရဲ့ သာသနာလုပ်ငန်း၊ ကယ်တင်ခြင်း လုပ်ငန်းတော်ကြီးအတွက် အသိအမှတ်ပြုကာ သူချစ်မြတ်နိုးရတဲ့ သားတော်အဖြစ် သက်သေခံပေးထားလို့ ခံယူချက်တွေအပြည့်နဲ့ စိတ်အားထက်သန်နေတဲ့ အချိန်၊ ရက်(၄၀)ပတ်လုံး အစာရေစာရှောင်ကာ ဥပုသ်စောင့်ပြီးစမို့ ၀ိညာဉ်ခွန်အားတွေနဲ့ ပြည့်ဝအားတက်နေတဲ့အချိန် ဖြစ်ပါတယ်၊၊ ဆိုလိုတာက ခရစ်တော် စုံစမ်းနှောင့်ယှက်ခြင်း ခံရတဲ့အချိန်ဟာ သူ့ဘ၀မှာ ဘုရားတရားနဲ့ ပြည့်ဝနေလို့ အကောင်းဆုံး၊ ၀မ်းအသာဆုံး၊ အဆင့်မြင့်ဆုံး အထွတ်အထိပ်ရှိချိန် ဖြစ်တယ်ဆိုတာ မမေ့သင့်ပါ။ ဒီအချိန်မှာပဲ နတ်ဆိုးက လာပြီး "အရှင်သည် ထာဝရဘုရား၏ သားတော်မှန်လျှင် ဤကျောက်ခဲများကို မုန့်ဖြစ်လာစေရန် အမိန့်ပေးတော်မူပါ"လို့ နှောင့်ယှက်လာပါတယ်။

ဆေးကြောခြင်းမင်္ဂလာခံစဉ်က ထာဝရ ဘုရားရဲ့သားတော်ဖြစ်တယ်လို့ ခမည်းတော်ဘုရား သက်သေခံတဲ့အတိုင်း၊ ခရစ်တော်ဟာ အမှန်တကယ်ပဲ သားတော်ဘုရား ဖြစ်တယ်။ ဒီအမှန်တရားနဲ့ပဲ နတ်ဆိုးက ခရစ်တော်ကို နှောင့်ယှက်ခဲ့ပါတယ်၊ ခရစ်တော်က သာမန်ပဲ ဆိုရင်တော့ ဒီလိုနှောင့်ယှက်ခြင်းမျိုးရှိမှာ မဟုတ်ပါဘူး။ ဒီလိုသဘောတရားအရ ကျွန်တော်တို့ရဲ့ အားသန်တဲ့အချက်၊ ခံယူချက်ပြည့်ဝတယ် ဆိုတဲ့အရာ၊ ငါကတော့ ဒီလိုလူစားမျိူးမဟုတ်ဘူး၊ ဒါမျိုး ဘယ်တော့မှ ငါမလုပ်ဘူးဆိုတဲ့ သဘောထားမျိုး စတဲ့အားကောင်းတယ်ဆိုတဲ့ အရာမျိုးမှာ နှောင့်ယှက်ခံရတာဟာ ကျွန်တော်တို့ရဲ့ အားနည်းချက်အပေါ်ကို နတ်ဆိုးက အခွင့်ကောင်းယူပြီး နှောင့်ယှက်တာထက်၊ ပိုကြောက်စရာ ကောင်းပါတယ် ပိုပြီး အထိနာ တတ်ပါတယ်။

ကျွန်တော်တို့ ဘုရားတရားအားကောင်းနေတယ်၊ ကြည်ညိုနေတယ်ဆိုပြီး အားရကာ ဂုဏ်ယူနေရင်တော့ မိမိကိုယ်ကို ကျေနပ်အားရလို့ အောက်ခြေလွတ်ပြီး အောက်ပြန်ကျ တတ်ပါတယ်။ ဥပမာ-ဥပုသ်နေ့တိုင်း ဘုရားကျောင်း ကန်သွားလို့ သူတစ်ပါးက စံနမူနာယူစရာလို့ မိမိကိုယ်ကို ထင်နေတတ်ပေမယ့် မေတ္တာတရားနဲ့ တရားမျှတမှု ကင်းမဲ့ နေတတ်ပါတယ်။

ဒါတွေက လူသားအားသန်ချက်၊ ခံယူချက်ကိုအသုံးပြုပြီး နတ်ဆိုးကမသိလိုက်၊ မသိဖာသာ နှောင့်ယှက်တဲ့ နတ်ဆိုးရဲ့ ပရိယာယ်တိုက်ကွက် တစ်ခု ဖြစ်ပါတယ်။

နတ်ဆိုးဟာ သိကြားပျက်မို့လို့ အလွန်လိမ္မာပါးနပ်တဲ့အတွက် သတိထားဖို့ ဖြစ်ပါတယ်။ ကျွန်တော်တို့က ၀ိညာဉ်ခွန်အား အရှိဆုံး၊ဘုရားတရား ကြည်ညိုမှု အကောင်းဆုံးအချိန်ဆိုပြီး မကြွေးကြော်ဘဲ၊ နှိမ့်ချစွာနဲ့နေကာ နတ်ဆိုးရဲ့ တိုက်ကွက်ပရိယာယ်ကို အမြဲတမ်းစောင့် ကြည့်ရပါမယ်၊၊ ခရစ်တော်ကသူ့ရဲ့ ဘုရားတရား အကောင်းဆုံး၊ ခွန်အားအပြည့်ဆုံး အချိန် နတ်ဆိုးလာ နှောင့်ယှက်တဲ့အခါ၊ ဘယ်လိုများ ခုခံတိုက်ခိုက်ပြီး နတ်ဆိုးအပေါ် အောင်မြင်လိုက်ပါသလဲ၊ ဆိုတာကို ကြည့်ရင် အလွန်အင်မတန် ရိုးစင်းပြီး လူတိုင်းလည်း လိုက်နာကျင့်သုံးနိုင်တဲ့ နည်းလမ်းပဲဖြစ်ပါတယ်။ အဲဒါကတော့ "ကျမ်းစာလာသည်။ ကျမ်းစာတော်တွင် ပါရှိသည်"လို့ ခရစ်တော်ဆိုခြင်းပါပဲ။ နတ်ဆိုး နှောင့်ယှက်တဲ့အခါတိုင်းမှာ ခရစ်တော်ဟာ ကျမ်းစာ (ဓမ္မဟောင်းကျမ်းစာ)က ကျမ်းပိုဒ်တွေကို ကိုးကားပြီး ပြန်လည်ချေပကာ နတ်ဆိုးကိုအနိုင်ယူ ချေမှုန်းခဲ့ပါတယ်။ ပထမနှောင့်ယှက်ခြင်းမှာတော့ နတ်ဆိုးက ခရစ်တော်ရဲ့ အားနည်းမှုလို့ ဆိုနိုင်တဲ့ ရက်(၄၀)အစာရှောင်ဆုတောင်း အပြီး၊ ဆာလောင်နေတာကို သူရဲ့ နည်းပရိယာယ် တိုက်ကွက်အဖြစ် အားနည်းချက်ကို အခွင့်ကောင်းယူကာ "ဘုရားသားတော်မှန်ရင် ဒီကျောက်ခဲတွေကို စားစရာဖြစ်လာစေရန် အမိန့်ပေးပါလို့" ဆိုခဲ့ပါတယ်။ ဆာလောင်မွတ်သိပ်နေတဲ့ အချိန်မှာ အစားအသောက်နဲ့ နှောင့်ယှက်ပါတယ်။ ဒါနဲ့ ခရစ်တော်က "လူသည် မုန့်အားဖြင့်သာ အသက်ရှင်ရမည်မဟုတ်၊၊ ထာဝရဘုရား၏ နှုတ်တော်ထွက်စကားအားဖြင့် အသက်ရှင်ရမည်ဟု ကျမ်းစာလာ၏"လို့ မိန့်တော်မူခဲ့ပါတယ်။ ဒုတိယနဲ့ တတိယနှောင့်ယှက်ခြင်းများမှာလည်း ခရစ်တော်က ကျမ်းစကားကို အသုံးပြုကာ အသက်ရှင် နေထိုင်ပြခဲ့လို့၊ နောက်ဆုံး နတ်ဆိုးဟာ ခရစ်တော်ထံက ဆုတ်ခွာသွားခဲ့ရပါတယ်။ "ကျမ်းစာလာသည်။ ကျမ်းစာတော်၌ ပါရှိသည်"ဆိုတဲ့ အဓိပ္ပါယ်က ဘုရားရှင်ရဲ့ နှုတ်ကပတ်တရားတော် သမ္မာကျမ်းစာဟာ၊ ကျွန်တော်တို့ရဲ့ ဘ၀အသက်တာမှာ နေထိုင် လိုက်ကျင့်ကာ အသက်ရှင်ဖို့ ထာဝစဉ်တည်မြဲတဲ့၊ ပြောင်းလဲမှုမရှိတဲ့ လမ်းညွှန်ဥပဒေဖြစ်တယ်၊ ခေတ်အဆက်ဆက် မှန်ကန် သင့်လျော်နေတယ်၊ သမ္မာကျမ်းစာနဲ့ အသက်ရှင်ကြပါလို့ နှိုးဆော်နေတာပါပဲ။ ဒီတော့ဘုရားရဲ့ နှုတ်ကပတ်တော်ကျမ်းစာဟာ ဘုရားရှင်ရဲ့ အလိုတော်အတိုင်း ပြုကျင့်၊ နေထိုင်ရေးနဲ့ နတ်ဆိုးကို နှိမ်နင်း အောင်မြင်ဖို့ အဓိကလက်နက်တစ်ခု၊ ခရစ်ယာန်ယုံကြည်ခြင်းရဲ့ အဓိက ကဏ္ဍတစ်ခုအဖြစ် အရေးကြီးလှပါတယ်။

"နှောင့်ယှက်ခြင်းများကို ခုခံ တွန်းလှန်နည်းများ"
ခြုံပြီးပြောရရင်တော့ နှောင့်ယှက်ခြင်းကို ခုခံတွန်းလှန်ဖို့ အောက်ပါနည်းလမ်းများကို အသုံးပြုရပါမယ်။ ကျွန်တော်တို့ရဲ့ ရန်သူ နတ်ဆိုးဟာ လိမ္မာပါးနပ် ကောက်ကျစ်ပြီး ကျွန်တော်တို့ဆီကို အချိန်မရွေး နှောင့်ယှက်နိုင်တယ်ဆိုတာကို သိရှိ လက်ခံထားရပါမယ်။ ခရစ်တော်ကို ကယ်တင်ရှင်အဖြစ် မိမိဘ၀မှာ လက်ခံထားလို့ ဘုရားတရားရှိလို့ နှောင့်ယှက်ခြင်းတွေ မရှိတော့ဘူး၊ မလာတော့ဘူးလို့
ထင်ရင် လုံးဝ မှားပါလိမ့်မယ်၊ ကျွန်တော်တို့ဟာ နတ်ဆိုးရဲ့ ဦးတည်ချက်၊ ပစ်မှတ်ဖြစ်ပါတယ်၊၊ ရှင်ပေတရူးက "သတိနှင့် စောင့်နေကြလော့၊ သင်တို့၏ ရန်သူ စာတန်သည် ဟောက်သောခြင်္သေ့ကဲ့သို့၊ အဘယ်သူကို ၀ါးမျိုရမည်နည်းဟု လှည့်လည် ရှာဖွေလျက်ရှိသည်"လို့ သတိပေးထားပါတယ်၊၊ အဆင်သင့်ပြင်၊ ကြိုတင်တွက်ထားမှသာ တကယ်လာရင် သိပြီး ခုခံနိုင်ပါလိမ့်မယ်။ နတ်ဆိုးရဲ့ ပရိယာယ်နဲ့တိုက်ကွက်ကို သတိထားရပါမယ်၊ ကျွန်တော်တို့ရဲ့ စိတ်နှလုံးကို ထိန်းသိမ်း ကာကွယ် စောင့်ရှောက်ကြရပါမယ်၊၊ ကျွန်တော်တို့ရဲ့ စိတ်နှလုံးက ရန်သူ၊ နတ်ဆိုးတိုက်ခိုက်တဲ့ နေရာဖြစ်လို့ သူ့ရဲ့ လွမ်းမိုးမှုမခံရအောင် ကာကွယ်ရပါမယ်။ (၂ကော ၁၁း၃) မှာ "ဧ၀သည် မြွေ၏ ကောက်ကျစ်စဉ်းလဲမှုဖြင့် အလှည့်စား ခံရသကဲ့သို့ သင်တို့သည်လည်း စိတ်ဖောက်ပြန်ကာ ခရစ်တော်အား အကြွင်းမဲ့ ချစ်ခင်စွဲလမ်းမှုကို စွန့်လွှတ်လိုက်ကြမည်လောဟု ငါစိုးရိမ်၏"လို့ ရှင်ပေါလူးက စိတ်နှလုံး လမ်းလွဲမသွားစေဖို့ သတိပေးထားပါတယ်။ (ပေ ၁း၁၃) မှာလည်း ရှင်ပေတရူးက "သင်တို့သည် နိုးကြား၍ သမ္မာသတိ ရှိကြလော့။ မသိ နားမလည်စဉ်အခါက မိမိတို့၏ စိတ်ဆန္ဒရှိသည့်တိုင်း ပြုကျင့်သကဲ့သို့ ဆက်လက်၍ မပြုကျင့်ကြနှင့်။ ခရစ်တော် ကြွလာသောအခါ သင်တို့ခံစားရမည့် ကျေးဇူးတော်ကို ဇဝေဇ၀က် စိတ်မရှိဘဲ စောင့်မျှော်၍ နေကြလော့"လို့ နှိုးဆော်ပါတယ်။ နောက်တစ်ချက်ကတော့ လူသားပီပီ အပြစ်ဖက်ကို အလိုလို ယိမ်းယိုင်မှု၊ အသွေးအသားနဲ့ ဖွဲ့စည်းထားလို့ ကျွန်တော်တို့ရဲ့ အားနည်းမှု၊ ကန့်သတ်ချက်ရှိမှုတို့ကို သိရှိ နားလည်ထားရပါမယ်။

ငါဟာ နှောင့်ယှက်ခြင်းနဲ့ ကင်းလွတ်တယ်လို့ အထင်ရှိခြင်းဟာ နှောင့်ယှက်ခြင်းထဲကျဖို့ အလွယ်ကူဆုံး ဖြစ်ပါတယ်။ (၁ကော ၁၀း၁၂)မှာ "မိမိကိုယ်ကိုမိမိ ဖြောင့်မတ်တည် ကြည်သည်ဟု ထင်သောသူသည် မယိုင်မလဲစေရန် သတိပြုလော့"လို့ ရှင်ပေါလူး သတိပေး ထားပါတယ်။ မိမိရဲ့ အားနည်းချက်နဲ့ ကန့်သတ်ချက်ကို သိမထားရင် နှောင့်ယှက်ခြင်း ရှောင်နိုင်ဖို့ လုံလောက်တဲ့ ကြိုတင်သတိထား ပြင်ဆင်မှုကို ဘယ်တော့မှ ပြုလုပ်နိုင်မှာ မဟုတ်ပါဘူး။ အားနည်းချက်သိထားရင် အပြစ်ထဲကို ပို့ဆောင် ကျဆင်းစေမဲ့နေရာနဲ့ အခြေနေမျိုးကနေ ဝေးဝေး ရှောင်ကြဉ်နိုင်ပါလိမ့်မယ်။ နောက်တစ်ချက်ကတော့ ဘုရားသခင်ရဲ့ ကူညီစောင်မခြင်း ကျေးဇူးတော်ကို အမှီပြုဖို့ ဖြစ်ပါတယ်။ (ဧဖက်သြ၀ဒစာ ၆း၁၁-၁၈)မှာ စာတန်ရဲ့ပရိယာယ်များကို ခုခံကာကွယ်နိုင်ဖို့ရန် ထာဝဘုရားရဲ့ လက်နက်စုံဖြစ်တဲ့ သစ္စာတရား၊သမ္မာသတိ၊ယုံကြည်ခြင်း၊ကယ်တင်ခြင်းတို့ကို ကိုင်ဆွဲဖို့နဲ့ နှုတ်ကပတ်တော်ဆိုတဲ့ သမ္မာကျမ်းစာ ဓါးကို ကိုင်ဆွဲဖို့ နှိုးဆော်ထားပါတယ်၊ အထူးသဖြင့် "သင်တို့အား ကူညီစောင်မတော်မူရန် ဘုရားရှင်အား အစဉ်အမြဲ ဆုတောင်းကြလော့၊ ၀ိညာဉ်တော် ညွှန်ကြားတော်မူသည့် အတိုင်း အခါခပ်သိမ်း ဆုတောင်းကြလော့"လို့ တိုက်တွန်းထားပါတယ်၊၊ "ဘုရားသခင်မတတ် နိုင်တဲ့အရာ ဘာမှမရှိလို့" (ရှင်လုကာ ၁း၁၇)မှာ ဆိုသလိုမျိုး၊ ရှင်ပေါလူးလည်း (ဖိလိပိ၎း၁၃)မှာ "ခရစ်တော်ထံမှရရှိသည့် ခွန်အား၊ ကျေးဇူးတော်အားဖြင့် ငါသည် မည်သည့် အခြေအနေမျိုးကိုမဆိုရင် ဆိုင်နိုင်သော ခွန်အားရှိ၏"လို့ ကြွေးကြော်စေနိုင်တာ ကျွန်တော်တို့အတွက် သင်ခန်းစာပင် ဖြစ်ပါတယ်။

နောက်ဆုံးအချက်ကတော့ ကျွန်တော်တို့အားလုံး နတ်ဆိုးကို နိုင်နင်းကာ၊ အောင်ပွဲခံရပါလိမ့်မယ်။ (၁ကော၁၀း၁၂၊၁၃)မှာ သင်တို့ တွေ့ကြုံရတဲ့ စုံစမ်းနှောင့်ယှက်ခြင်းများဟာ လူအပေါင်းတို့ တွေ့ကြုံနေကျ သာမန် စုံစမ်း နှောင့်ယှက်ခြင်းများသာဖြစ်တယ်။ ထာဝရ ဘုရားဟာကတိတည်တော်မူတဲ့ အရှင် ဖြစ်လို့ သင်တို့အားနဲ့ ခံနိုင်တာထက်ပိုပြီး၊ စုံစမ်းနှောင့်ယှက်ခြင်းကို ခံစေတော်မူမှာ မဟုတ်ဘူးလို့ ပြောထားပါတယ်။ ဘုရားသခင်က စုံစမ်းနှောင့်ယှက်ခြင်း ခံရချိန်မှာ လိုအပ်တဲ့ ခွန်အားကိုပေးပြီး၊ လွတ်မြောက်ရန် လမ်းဖွင့်ပေးမှာ ဖြစ်ပါတယ်။ (ဗျာဒိတ်၁၂း၁၁)မှာတော့ ဘုရားရဲ့လူမျိုးတော်ဟာ စာတန် မာရ်နတ်ကို အောင်ပွဲခံတဲ့အကြောင်း ဖတ်ရပါတယ်။ (ယာကုတ်၎း၇)မှာလည်း "စာတန်မာရ်နတ်ကို ခုခံ တိုက်ခိုက်ကြလော့၊ သို့ပြုလျှင် သူသည် သင်တို့ထံမှ ထွက်ပြေးလိမ့်မည်"လို့ ဆိုထားပါတယ်။ စုံစမ်းနှောင့်ယှက်ခြင်းများကို အောင်နိုင်သူများ ဖြစ်ကြပါစို့။

ဘုန်းတော်ကြီးတစ်ပါး

Jul 5, 2010

ကျမ်းစကားများနှင့်အားယူခြင်း


ကျမ်းစကားများနှင့်အားယူခြင်း

"ငါတို့ ဟောပြောသော ဘုရားသခင်၏ နှုတ်ကပတ်တရားကို သင်တို့ ခံယူကြသောအခါ လူ၏ နှုတ်ထွက်စကားကို မခံမယူဘဲ၊ ဘုရားသခင်၏ နှုတ်ကပတ်တော် အမှန်ဖြစ်သည်နှင့်အညီ ယုံကြည်ခြင်းသို့ရောက်သော၊ သင်တို့အထဲ၌ ပြုပြင်သော ဘုရားသခင်၏ နှုတ်ကပတ်တရားကို ခံယူကြသည့် အကြောင်းအရာကို ငါတို့သည် ထောက်၍၊ ဘုရားသခင်၏ ကျေးဇူးတော်ကို အစဉ်မပြတ် ချီးမွမ်းကြ၏" (ပ သက်၂း၁၃)။

"ရတ်ချက်ဝမ်းဘရန့်"ဆိုသူသည် ကွန်မြူနစ်တို့၏ အကျဉ်းထောင်အတွင်း၌ ထောင်ဒဏ်(၁၄)နှစ်ကြာ ကျခံနေရခဲ့စဉ် အကျဉ်းသားသစ် "အဲဗရန့်"ဆိုသူ ရောက်လာသည့်နေ့ကို သူပြန် သတိရနေသည်။ အဲဗရန့်သည် ဒဏ်ရာရလာပြီး အစောင့်များ ထွက်သွားသည့် အခါ သူ့ရင်ဘတ်အတွင်းမှ အလွန်သေးငယ်သော စာအုပ်လေးတစ်အုပ်ကို ဆွဲထုတ်လိုက်သည်၊ ပြီးသည်နှင့် ယင်းစာအုပ်ငယ်လေးကို ဖတ်တော့သည်၊၊ အခန်းတွင်းရှိ အခြားအကျဉ်းသားများ အားလုံးက သူ့ကို စိုက်ကြည့်နေသည်။ အဘယ့်ကြောင့်ဆိုသော် အကျဉ်းသားများသည် စာအုပ်ဆိုသည့်အရာကို မမြင်ဖူးကြသည်မှာ နှစ်အတော်ကြာခဲ့ပြီ ဖြစ်၏။ ယင်းစာအုပ်ငယ်လေးသည် သမ္မာကျမ်းစာ ဖြစ်သည်။ အဲဗရန့်ကလည်း သူအဖမ်းခံရချိန်၌ ယင်းစာအုပ်ငယ်ကို မနည်း ကြိုးစား၍ ဖွက်ခဲ့ရသည်၊ ရင်ဘတ်အတွင်း၌ ဖွက်နိုင်ခဲ့သည်။

ထိုနေ့မှစ၍ အလွန်တန်ဖိုးရှိသော၊ ရတနာသဖွယ်ဖြစ်သည့် စာအုပ်လေးကို တစ်ယောက်ပြီးတစ်ယောက်၊ တစ်လက်ပြီးတစ်လက် ပြောင်း၍ ဖတ်ခဲ့ကြသည်။ မည်မျှ ဖတ်ခဲ့ကြသနည်းဆိုလျှင်၊ အကျဉ်းသား အားလုံး အလွတ်နီးပါးရသည်အထိ ဖြစ်ခဲ့၏။ နေ့စဉ်လည်း တရားဆွေးနွေး ဖြစ်ကြသည်။ ခွန်အားသစ်များစွာ ရရှိခဲ့ကြလေသည်။

သမ္မာကျမ်းစာကို မိမိတို့ကိုယ်တိုင် နားလည်သဘောပေါက်မှုနှင့် နေ့စဉ်တရား ကျင့်ကြံခဲ့ခြင်း၏ အကျိုးသက်ရောက်မှုသည် မည်မျှ အစွမ်းထက်ပါသနည်း။

"ဘုရား၏ နှုတ်ကပတ်တော်များ ရေးထားသည့် စာအုပ်သည် စာအုပ်တစ်အုပ်မဟုတ်၊ သက်ရှိစွမ်းအင်တစ်ခု ဖြစ်သည်" (နပိုလီယံဘိုနာပတ်)


REF: Mark, Link.SJ.

ခရစ်ဂျိုးဇက် (ကန်တော်မြေ)


Apr 11, 2010

ကျွဲတစ်ဖက် နွားတစ်ဖက်

ကျွဲတစ်ဖက် နွားတစ်ဖက်

ရဟန်းမင်းကြီးပေါလူး(၆) အရှင်မြတ်၏ "မျက်မှောက်ခေတ် ကမ္ဘာကြီးသို့ သာသနာပြုခြင်း"ဆိုသည့် စာချွန်တော်ထဲတွင် ကမ္ဘာတစ်ဝန်းရှိ တိုင်းနိုင်ငံအသီးသီးမှ ကက်သလစ် သာသနာတော်ငယ်များကို ရဟန်းမင်းကြီးက ယခုလို သင်ကြားပေးပါသည်။

ကမ္ဘာ့တစ်ဝန်းရှိ တိုင်းနိုင်ငံအသီးသီးမှ ကက်သလစ်သာသနာတော်ငယ်များသည် သမ္မာကျမ်းစာတော်လာ ဘုရားအဆုံးအမ တရားများ၏ အနှစ်သာရကို မိမိတို့၏ အသွေးအသား ဖြစ်လာသည်ထိ သက်ဝင်ခံယူဖို့၊ ကျမ်းစာတော်မြတ်၏ မူလဆိုလိုရင်း အနှစ်သာရအစစ်အမှန်ကို မြူမှုန်ကလေးမျှလောက်ပင် သွေဖီမသွားစေဘဲ သင်တို့ လူမျိုးစုဝင်များ၏ ဘာသာစကားထဲသို့ ဖလှယ်ပေးဖို့ (transposing)၊ သည့်အပြင် ထိုဘာသာ စကားရပ်နှင့်ပင် သွန်သင်ဟောပြောဖို့ တာဝန်ရှိပါသည်။ + (၂၃။ Pope Paul VI, "Evangelization in the Modern World," no. 63.)


ရဟန်းမင်းကြီး၏ သင်ကြားဆုံးမချက်မှ "ကျမ်းစာတော်မြတ်၏ မူလဆိုလိုရင်း အနှစ်သာရအစစ်အမှန်ကို မြူမှုန်ကလေးမျှလောက်ပင် သွေဖီမသွားစေဘဲ သင်တို့ လူမျိုးစုဝင်များ၏ ဘာသာစကားထဲသို့ ဖလှယ်ပေးဖို့ (transposing)၊ သည့်အပြင် ထိုဘာသာ စကားရပ်နှင့်ပင် သွန်သင်ဟောပြောဖို့" ဆိုသည့်အချက်ကို အခြေပြုကာ သည်လ ဆောင်းပါးကို ရေးသားလိုက်ရပါသည်။


သာသနာပြုခြင်း သမိုင်းတစ်လျှောက်တွင် ကက်သလစ်သာသနာတော်သည် ဘုရားရှင်၏ အဆုံးအမ တရားတော်များကို သာသနာတော် ရောက်ရှိနေရာမှ လူမျိုးစုဝင်များ၏ ဘာသာစကားများထဲသို့ ဖလှယ်ပေးဖို့ နည်းမျိုးစုံဖြင့် ကြိုးစားခဲ့ပါသည်။ ထိုနည်းများတွင် ဘာသာပြန်ဆိုခြင်းသည်လည်း တစ်ခုအပါအ၀င်ဖြစ်ပါသည်။

မြန်မာကက်သလစ်သနာတော်တွင်လည်း သမ္မာကျမ်းစာတော်၊ ဘုရားစကား စာအုပ်၊ ဆုတောင်းမေတ္တာစာ၊ ဘုရားဝတ်ပြုစာ၊ မစ္ဆားပူဇော်ခြင်း၊ စက္ကရင်မင်တူး မင်္ဂလာဝိနည်းစသည်ဖြင့် မြန်မာစာအုပ်များရှိပါသည်။ ထိုစာအုပ်အားလုံးမှာ ဘာသာပြန်များ ဖြစ်ကြပါသည်။

သို့သော် ဘာသာပြန်ဆိုခြင်းသည် အမြဲတမ်း အားထားရသော လုပ်နည်းတစ်ခု မဟုတ်ပါ။ အဘယ်ကြောင့်ဆိုသော် ဘာသာပြန်စာတစ်ပိုဒ်သည် ဘာသာပြန်သာဖြစ်ပါသည်။ မူရင်းစာသားနှင့် အဓိပ္ပါယ် လွဲချင်လွဲနေမည်။ တိကျချင်မှ တိကျပေမည်။ ထို့ထက်အရေးကြီးသည်မှာ ဘာသာပြန်စကား၏ ယဉ်ကျေးမှုတစ်ခုဖြစ်သော စကားလုံး အသုံးအနှုန်းများ ပါချင်မှ ပါပေမည်။ ပါလာသော်လည်း အသုံးလွဲချင်လွဲ နေပေမည်။ ထော်လော်ကန့်လန့် ဖြစ်ချင် ဖြစ်နေပေမည်။ မဖြစ်မနေပါဝင်ရမည့် အချက်မှာ ရဟန်းမင်းကြီးသင်ကြားသလို "မိမိလူမျိုးစုဝင်များ၏ ဘာသာစကားထဲသို့ ဖလှယ်ပေးဖို့ (Transposing)" ဖြစ်ပါသည်။ အဓိပ္ပါယ်မှာ မြန်မာစကားနှင့်ကိုက်ညီသော ဖန်တီးမှုများ ပါဝင်ရပါမည်။ မြန်မာစာ မြန်မာစကားနှင့် ဆီလျော်ကိုက်ညီသော စကားလုံးရွေးချယ်မှုများ မဖြစ်မနေပါဝင်ရပါမည်။ သို့မဟုတ်ပါက ထိုဘာသာပြန်သည် မြန်မာစာ မြန်မာစကားမှာ တံစိမ်းဆန်နေပါလိမ့်မည်။

ဥပမာ - မြန်မာ့သမ္မာကျမ်းစာတော်မြတ်တွင် အင်္ဂလိပ်လို "Jesus said in response..." ကို "ယေရှုက ပြန်ပြောသည်မှာ ...၊" "Jesus said, I am the way ..." ကို "ယေဇူးကပြောသည်မှာ ငါသည်လမ်းဖြစ်၏.... " "Jesus said love one another" ကို "ယေဇူးက သင်တို့အချင်းချင်း ချစ်ကြလော့ဟု ပြောလေသည်" စသည် စသည်ဖြင့် အမြောက်အများ တွေ့ရလေ့ရှိပါသည်။

ထို့အပြင် နေ့စဉ်စကားပြောရာမှာပဲ ဖြစ်ဖြစ်၊ တရားတော် ဟောပြောရာမှာပဲဖြစ်ဖြစ် ဘာသာဝင်များရော ဘုန်းတော်ကြီးများပါ "ခရစ်တော်က ဘယ်လိုပြောသလဲ ဆိုတော့..." "ကျမ်းစာက ဘယ်လိုဆိုထားသလဲ ဆိုတော့ ..."၊ "သံလူကားကျမ်းထဲမှာ သခင်ယေဇူးက ဘယ်လိုဆိုထားသလဲဆိုတော့ ..." "သခင်ယေဇူး သွားတယ်။ ခရစ်တော် လာတယ်။ သခင်ယေဇူး စားတယ်။ သခင်ယေဇူး ပြန်ရှင်တယ်။ ဘုရားက ပြောတယ် ..."၊ စသည်ဖြင့် ခွကျတတ ဘာသာပြန် မြန်မာစကားလုံးတွေပဲ အမှတ်မဲ့ ပြောနေကြတာကို သတိထား မိပါသည်။

မြန်မာစာ မြန်မာစကားစစ်စစ် သို့မဟုတ် မြန်မာ့ယဉ်ကျေးမှုနားစစ်စစ်နှင့် ကြားရသူ တံစိမ်းတစ်ယောက်အတွက် ခရစ်တော် ဘုရားရှင်ကို ဘုန်းတော်အနန္တ၊ ဂုဏ်တော်အနန္တနှင့် ပြည့်စုံတော်မူသော ဘုရားတစ်ပါးအနေနှင့် ခံစားမိမှာမဟုတ်ပါ။ ဘုရားရှင်ကို ရိုးရိုးသာမာန် သူလိုငါလို လူပုဂ္ဂိုလ်တစ်ယောက်ကို သုံးသည့် စကားလုံး သုံးသောကြောင့် ဖြစ်ပါသည်။ မြန်မာစကား မြန်မာ့ယဉ်ကျေးမှု၏ ဘုရားကို သုံးသော စကားလုံးနှင့် ရိုးရိုးလူသားကို သုံးသော စကားမတူသောကြောင့် ဖြစ်ပါသည်။ ရဟန်းမင်းကြီး အရှင်မြတ်က "ကျမ်းစာတော်မြတ်ကို... မိမိလူမျိုးစုဝင်များ၏ ဘာသာစကား စကားရပ်နှင့်ပင် သွန်သင်ဟောပြောဖို့" သတိပေးတာကို သတိပြုသင့်ပါသည်။


မန္တလေးကက်သလစ်သာသနာတွင် ဘာသာဝင်များက ကက်သလစ် ဘုန်းတော်ကြီးများကို "ဘုန်းဘုန်း"လို့ ခေါ်တတ်ကြပါသည်။ ဆီလျော် မှန်ကန်သလို မြန်မာမှုဆန်ပါသည်။ အင်မတန် ဂုဏ်ယူစရာကောင်းသော အခေါ်အဝေါ်လည်း ဖြစ်ပါသည်။ မြန်မာမှုတွင် ဘုန်းကြီးနှင့် စကားပြောပါက "ဘုန်းဘုန်း"ဟု ခေါ်ပါက "တပည့်တော်"နှင့် သုံးမှ မှန်ပါသည်။ သို့သော် တချို့က "ဘုန်းဘုန်း"လို့တော့ခေါ်ပါရဲ့ "ကျွန်တော်၊ ကျွန်မ"နှင့် ပြောသွားကြတာလည်း တွေ့ရပြန်ပါသည်။

သည်ဆောင်းပါးကို ယခုလိုရေးလိုက်လို့ ကျွန်တော်တို့ရဲ့ စကားနှင့်တရားမှာ ဘုရားကို အရမ်းအလွန် နန်းဆန်စေပြီး မဟာဆန်ဆန် စကားလုံးကြီးတွေကိုပဲ သုံးရမယ်လို့တော့ မဆိုလိုပါ။ ဘုရားရှင်သည်လည်း မြန်မာ့ယဉ်ကျေးမှုနှင့် ထိုက်တန်တော်မူပါတယ်လို့ ပြောချင်လို့ ဖြစ်ပါသည်။ ထို့အပြင် ဘုရားရှင်နှင့် အရှင်၏တရားတော်သည် ကျွန်တော်တို့ မြန်မာ့ယဉ်ကျေးမှုမှာ တံစိမ်းမဆန်စေချင်လို့ ဖြစ်ပါသည်။


သည်စာမူရေးရင်းနှင့် ဘယ်လိုခေါင်းစဉ်တပ်ရမလဲလို့ စဉ်းစားမိတော့ ငယ်ငယ်က ကလေးချင်း စကြတာတစ်ခုကို ပြန်သတိရမိပါသည်။ ကျွန်တော်တို့ငယ်ငယ်က ယိုးဒယားကလာတဲ့ ဆင်ကြယ် ကြက်ပေါင်ဖိနပ်ဆိုတာ ခေတ်စားပါသည်။ ဖိနပ်လေးတွေက အစိမ်းရောင်၊ အနီရောင်၊ အပြာရောင်ဆိုပြီး ရောင်စုံရှိပါသည်။ တစ်ခါတရံ ကလေးတွေဟာ အိမ်မှာ စုပုံချွတ်ထားတဲ့ ဖိနပ်ပုံထဲက ဖိနပ်ကို သေချာမကြည့်ပဲ နမော်နမဲ့ ကောက်စီးလာ တတ်ပါသည်။ ကျောင်းရောက်မှ သူငယ်ချင်းတွေက "ကျွဲတစ် ဖက်နွားတစ်ဖက်"ကြီးဟေ့ ဆိုကာ လက်ညိုးထိုးပြီး ၀ိုင်းဟားခံရမှ အိမ်ပြန်ပြေးပြီး လဲစီးရပါသည်။

မြန်မာ့ကက်သလစ်သာသနာတော်ကြီး အမိမြေပေါ်မှာ ထွန်းကားလာလိုက်တာ နှစ် ၅၀၀ ခရီးပင်ဆုံး လုနေပါပြီ။ သည်နှစ်ငါးရာခရီးမှာ ရဟန်းမင်းကြီး ပေါလ်လူး (၆)အရှင် ဆုံးမတော်မူခဲ့သည့် "ကျမ်းစာတော်လာ ဘုရားအဆုံးအမ တရားတော်များ၏ မူလဆိုလိုရင်း အနှစ်သာရအစစ်အမှန်ကို မြူမှုန်ကလေးမျှလောက်ပင် သွေဖီမသွားစေဘဲ သင်တို့ လူမျိုးစုဝင်များ၏ ဘာသာစကားထဲသို့ ဖလှယ်ပေးဖို့ (transposing)၊ သည့်အပြင် ထိုဘာသာစကားရပ်နှင့်ပင် သွန်သင် ဟောပြောဖို့" ဆိုသည့်အချက်ကို ပြန်သတိရ သင့်ပါပြီလို့ ပြောလိုပါသည်။

ဘာလို့ဆို လက်ရှိ အခြေအနေကတော့ "ကျွဲတစ်ဖက် နွားတစ်ဖက်ကြီး"မို့ပါ။ သည်လိုဆိုလိုက်လို့ ကျွန်တော်လွန်သွားရင် သို့မဟုတ် မှားသွားရင် ကျွန်တော်မှာသာ တာဝန်ရှိပါသည်။


မာကု (ဒဿန)

Mar 23, 2010

ခရစ်တော်၏လက်ဝါးကားတိုင်ကို


ခရစ်တော်၏လက်ဝါးကားတိုင်ကို ရှာဖွေတွေ့ရှိခြင်း

အေဒီ ၆၂၈ ခုနှစ်တွင် ဟယ်ရာကလိုက်တပ်စ်ဘုရင်သည် အစ္စရေးနိုင်ငံကို သိမ်းပိုက်ထားသော ပါရှန်များကို စစ်နိုင်ခဲ့သည်။ တိတိကျကျဆိုရလျှင် ၂ရာစုအတွင်း ရောမဘုရင် ဟေဒရီယန်သည် မြင့်မြတ်သော ခရစ်တော်၏ လက်ဝါးကပ်တိုင်ကို ကာလလ်ဝါရီ တောင်ပေါ်တွင် မြေအောက်၌ တူးမြှပ်လိုက်ပြီး မြေပေါ်တွင် ဂျူပီတာနှင့် ဗီးနပ်စ်နတ် ဘုရားများ၏ ရုပ်ထုကြီးများကို စိုက်ထူခဲ့သည်။ ထို့နောက်ဘုရင် ကွန်စတင်တိုင်း လက်ထက်၌ မိခင်ဖြစ်သူ ဟယ်လင်ဘုရင်မကြီးမှ တူးဖော်တွေ့ရှိခဲ့သည်။ တွေ့ရှိသည့် နေရာသည်လည်း ဘုရင်ဟေဒရီယန်၏ နန်းတော်အောက်တည့်တည့် ဖြစ်ပါသည်။ ထိုနေရာတွင် သခင်ခရစ်တော်နှင့်အတူ ကားစင်တင်ခံရသော သူနှစ်ယောက်၏ လက်ဝါးကပ်တိုင်များကိုလည်း တွေ့ခဲ့ကြသည်။ ထို့ကြောင့် ခရစ်တော်၏လက်ဝါးကပ်တိုင် အစစ်အမှန်ကို သိသာစေရန် အလွန်နာမကျန်းဖြစ်နေသူ အမျိုးသမီးကြီးတစ်ဦးကို ထိုလက်ဝါးကပ်တိုင် သုံးခုလုံးကို ထိကိုင်စေခဲ့သည်။ ထိုလက်ဝါးကပ်တိုင် သုံးခုထဲမှ တစ်ခုကို ထိလိုက်သည့်အခါ နာတာရှည်ရောဂါသည် အမျိုးသမီးသည် ချက်ချင်းရောဂါမှ အတိ ပျောက်ကင်းသွားပါသည်။

ဘုရင်ကြီးဟယ်ရာကလိုက်တပ်စ် လက်ထက်တွင် ဘုရင်ဟယ်ရာကလိုက်တပ်စ်သည် ကာလလ်ဝါရီ တောင်တော်ပေါ်သို့ သခင်ယေဇူးခံထမ်းခဲ့သော လက်ဝါးကပ်တိုင်ကို ကြီးကျယ်ခမ်းနားစွာ ပင့်ဆောင်ရန် စီစဉ်ခဲ့သည်။ မိမိကိုယ်ကို မင်းမြှောက်တန်ဆာငါးပါး အပြည့်နှင့် လူထုပရိသတ်မြောက်မြားစွာ ရှေ့မှောက်မှာ စတင်ထမ်းရွက်ခဲ့သည်။ သို့သော် ဘုရင်ကြီးမှာ လက်ဝါးကပ်တိုင်ကိုထမ်းရန် မလိုက်သောအခါ မိမိ၏ ခန္ဓာကိုယ်တစ်ခုလုံးကို တစ်စုံတစ်ရာ မမြင်ရသော အင်အားတစ်ခုက ဆွဲငင်ထားလျက်ရှိပြီး နေရာမှမရွေ့ နိုင်တော့ပေ။ ထိုအခါ ပညာရှိ ပရောဖက်ကြီးတစ်ပါးက ဘုရင်ကြီးအား အဖိုးထိုက်သော အဆင်တန်ဆာများကို မ၀တ်စေဘဲ သာမန်လူတစ်ယောက်ကဲ့သို့ ချည်ထည်ဝတ်ရုံကို ၀တ်ဆင်ပြီး လက်ဝါးကပ်တိုင်ကို ပင့်ဆောင်စေရာ ပေါ့ပါးစွာ ပင့်ယူနိုင်ခဲ့သည်။ ကာလ်ဝါရီ တောင်ခြေမှတောင်ထိပ် ဘုရားသခင်အသေခံသည့် နေရာထိ ဘုရင်ကြီးကိုယ်တိုင် မပင်ပမ်းဘဲ ပင့်ဆောင်နိုင်ခဲ့သည်။ သခင်ယေဇူး၏ နှိမ့်ချခြင်း ဥပမာကို ဤအချင်းအရာကို ကြည့်ခြင်းဖြင့် ကျွန်ုပ်တို့ သိမြင်နိုင်ပေသည်။ ဒီနောက်မှ ဘုရင်ကွန်စတင်တိုင်းလက်ထက် ရောက်သည့်အခါ
ဘုရင်ဟယ်ရာကလိုက်တပ်စ်၏ ကျောင်းတော်နေရာတွင် ကြီးကျယ်ခမ်းနားသော ကျောင်းတော် ဆောက်လုပ်လှူးဒါန်းခဲ့သည်။ ဘုရင်ကွန်စတင်တိုင်း ထိုင်သည့် ထိုမြင့်မြတ်သည့် တောင်ပေါ်တွင် ဘုရားကျောင်းတော်ကြီး နှစ်ကျောင်းကို တည်ဆောက်ခဲ့သည်။ ထိုကျောင်းတော်ကြီးများသည် ဂျေရုလင်မြို့တော်ကြီးတွင် ယခုထက်တိုင် ထင်ရှားစွာတည်ရှိပြီး ဘုရားဖူးမြောက်မြားစွာ ကမ္ဘာတစ်ဝှမ်းလုံးမှ လာရောက် ဖူးမြှော် ကြည်ညိုကြပါသည်။

မေလ(၃)ရက်နေ့သည် သခင်ခရစ်တော်၏ မြင့်မြတ်သော လက်ဝါးကပ်တိုင်တွေ့ ရှိသည့်ပွဲတော် အထိမ်းအမှတ် မစ္ဆားတရားကို ဟောကြားခဲ့ပါသည်။ ဘုရင်ကွန်စတင်တိုင်း၏ မိခင်ဘုရင်မကြီး ဟယ်လင်သည်လည်း စိန်ဟယ်လင်နာ (ရန္တာမ)အဖြစ်ထင်ရှား ကျော်ကြားခဲ့သည်။ အသင်းတော်ထဲတွင် သခင်ယေဇူးကို ချစ်ခင်မှုလေးစား ယုံကြည်မှုတို့နှင့် ဆုတောင်းနေကြသော်လည်း ဤအကြောင်းကို ယခုခေတ် လူငယ်များထဲမှ မသိသေးသူ လူငယ်များစွာအတွက် ရည်ညွှန်းရေးသား ဖော်ပြအပ်ပါသည်။


ကိုးကားကျမ်း- စိန်အန်ဒရူးမစ္ဆားစာအုပ် ရေးသားသူ -Dom Gaspar Lefebure O. S. B of the Abbey of St Andrew

ကက်သလင်းခင်


မယ်တော်ပေးသောအမွေ


မယ်တော်ပေးသောအမွေ

သူဌေးဖြစ် ခွေးဖြစ်ဆိုတဲ့ ဗမာစကား ရှိပါတယ်။ ဥပမာပြရမယ်ဆိုရင် တရားဥပဒေနဲ့ မလွတ်ကင်းတဲ့ လူမျိုးတစ်မျိုးလုံးကို အညွှန့်တုံးစေနိုင်တဲ့ မူးယစ်ဆေးဝါးကို မှောင်ခိုကူးတဲ့သူတွေ၊ တစ်ခေါက်တည်းနဲ့ လွတ်သွားရင်လည်း သူဌေးဖြစ်ရော။ အဖမ်းခံရရင်လည်း ခွေးဖြစ်ရောဆိုတဲ့ ပုံစံမျိုးကြောင့် အဲဒီသူဌေးဖြစ်၊ ခွေးဖြစ်ဆိုတဲ့ အကြံကြောင့် လူတွေဟာ ထောင်နဲ့သောင်းနဲ့ချီပြီး ကမ္ဘာမှာဒုက္ခ ရောက်နေကြ။ ထောင်ထဲမှာ ဒီလိုပုဂ္ဂိုလ် တွေအများကြီး တွေ့နိုင်ပါတယ်။

ဒီအကြံက အခုမှပေါ်လာတဲ့ အကြံ မဟုတ်ပါဘူး။ မထူးဆန်းပါဘူး။ ဟိုး...ကမ္ဘာဦး အစကတည်းက မိဦး၊ ဖဦး ဖြစ်တဲ့ အာဒံနဲ့ဧ၀တို့လည်း ဒီအကြံကို အသုံးပြုခဲ့ကြပါတယ်။ ဘာလို့လဲဆိုတော့ ဘုရားတားမြစ်ထားတဲ့ အသီးကိုမစားရဘူး ဆိုတာ သိရက်သားနဲ့ သူဌေးဖြစ၊် ခွေး ဖြစ်ကြံ ကြတယ်။ စားလိုက်လို့အောင်မြင် သွားရင် ဘုရားဖြစ်မှာမို့လို့။ ဒါပေမဲ့ မအောင်မြင်ဘူး။ ဘုရားမဖြစ်ဘဲနဲ့ နတ်ဆိုးရဲ့ ကျေးကျွန်ဖြစ်ရတဲ့ ဘ၀ကို ရောက်ခဲ့ရတယ်။ အဲဒီလိုအသီးကိုစားလို့ ဘုရားက အာဒံကို မေးတယ်။ "ဘာလို့လဲ" "ကိုယ်တော့်အသံကို ကြားလျှင် ကျွန်ုပ်၌အ၀တ် ချည်းစည်းရှိသောကြောင့် ကြောက်၍ ပုန်းနေပါသည်။" ခြုံထဲမှာပုန်းတော့ ဘုရားက မသိမှာ ကျနေတာပဲ။ ခြုံထဲမှာ ပုန်းတော့ သူ့ကိုယ်သူ လုံခြုံပြီလို့ ထင်နေခဲ့တယ်။ တစ်တီတူးဆိုတဲ့ ငှက်လိုပဲ။ အဲဒီငှက်က သူ့ခေါင်းကိုကျင်း (သစ်ခေါင်းထဲမှာ ထည့်ပြီးအိပ်တယ်။ ကြောက်လို့။ ဒါပေမဲ့ တစ်ကိုယ်လုံးက အပြင်မှာ ထွက်နေတယ်။

လူတွေဟာ အဲဒီလို သူဌေးဖြစ် ခွေးဖြစ်ဥာဏ်နဲ့ အစဦးကတည်းက အသက်ရှင်ခဲ့လို့ ဒုက္ခတွေ အမျိုးမျိုးရောက်ခဲ့ရတယ်။ အာဒံကို မေးတယ်။ "မင်း... တားမြစ်တားတဲ့အသီးကို စားသလား" အာဒံက သူ့အပြစ်ကို ၀န်မခံဘူး။ သူဘာ ပြောလဲဆိုတာ၊ ကိုယ်တော်ပေးထားတဲ့ မိန်းမက ကျွေးလို့ စားမိပါတယ်တဲ့။" ဆန်းတော့ဆန်းတယ်။ ယောက်ျားတစ်ယောက်က မိန်းမတစ်ယောက်ကို အပြစ်ဖို့တာ။ ဒါနဲ့ ဘုရားက ဧ၀ကိုမေးတယ်။ ဟုတ်သလား။ ဧ၀ကလည်း သူ့အပြစ်ကို ၀န်မခံဘူး။ မြွေကို အပြစ်ဖို့ပြန်ရော၊ ဒါနဲ့ ဘုရားကပြောတယ်။ ဧ၀ကမွေးတဲ့သား သမီးနဲ့ ဒီမြွေက မွေးတဲ့ သားသမီး အမြဲတမ်း ရန်သူဖြစ်စေမယ်တဲ့။
ဒါပေမဲ့ ဒီမိန်းမရဲ့ ဖနောင့်က မြွေရဲ့ ဦးခေါင်းကို နင်းခြေလိမ့်မယ်။ ဧ၀ဆိုတဲ့ အဓိပ္ပါယ်က "အသက်ရှင်သော သူအားလုံးတို့ရဲ့ မိခင်" ဖြစ်တယ်။ ကမ္ဘာမှာ အာဒံကလွဲလို့ အသက်ရှင်တဲ့ သူတွေ အားလုံးဟာ မိန်းမကမွေးတဲ့ သူချည်းပဲ။ ဒါ ဘုန်းကြီးခံ ခဲ့ရဖူးတယ်။ ကိုရင်ဘ၀တုံးက ကျောက်ဆည်နယ်၊ ဆင်ဖြူရွာကို နွေရာသီ ကျောင်းပိတ်ရက်မှာ တာဝန်ကျပါတယ်။ ဖြစ်ချင်တော့ ဘုန်းကြီးကျောင်းနားလေးမှာ အမျိုးသမီးနှစ်ဦး ရန်ဖြစ်ကြတယ်။ ရန်ဖြစ်တော့ ဆဲရေး တိုင်းထွာကြတာပေါ့။ ဒါနဲ့ မနေနိုင်တဲ့ အမျိုးသမီးတစ်ဦးက ၀င်ပြီး ပြောတယ်။ ဟဲ့နင်တို့ မကြားဝံ့မနာသာတွေ ပြောမနေကြနဲ့။ ကျောင်းပေါ်မှာ ကိုရင်တွေရှိတယ်။ ဒါနဲ့ အဲဒီ ရိုင်းရိုင်းစိုင်းစိုင်း ပြောတဲ့ အမျိုးသမီးက ဘာပြန်ပြောလဲဆိုတော့ ကိုရင်တွေလဲ ဘာထူးမှာလဲ။ မိန်းမက မွေးတာပဲတဲ့။ ကမ္မဋ္ဌာန်း ထောက်ရှုဖို့ကောင်းတဲ့ အချက် ဖြစ်ပါတယ်။ ပြောချင်တာက လောကမှာ လူသားအားလုံး တစ်ယောက်မကျန် မိန်းမက မွေးတာပါ။ ဒါကိုများ တစ်ချို့ယောက်ျားတွေက မိန်းမထက်သာ ပါတယ် လုပ်ချင်သေးတယ်။ အမျိုးသမီးတွေကို မလေးမစား လုပ်ချင်ကြတယ်။ သူတို့လဲ မိန်းမက မွေးတာပဲ။ ဘုန်းကြီးလဲ မိန်းမက မွေးတာပဲ။ ဆရာတော်လဲ မိန်းမကမွေး တာပဲ။ ရဟန်းမင်းကြီးလဲ မိန်းမက မွေးတာပဲ။ နောက်ဆုံး သခင်ယေဇူးတောင် မိန်းမက မွေးတာပဲ။

လူရယ်လို့ ဖြစ်လာရင် သူ့မှာ ထူးခြားတဲ့ ခေါ်တော်မူခြင်း ရှိပါတယ်။ ပထမဆုံး ခေါ်တော်မူခြင်းက ကောင်းသော လူသားများဖြစ်ဖို့၊ ဒုတိယခေါ်တော်မူခြင်းက ကောင်းသော ခရစ်ယာန်တစ်ဦးဖြစ်ဖို့၊ တတိယ မိခင်/ဖခင်ကောင်း တစ်ဦးဖြစ်ဖို့၊ ရဟန်း၊ ကိုရင်၊ သီလရှင်ကောင်း တစ်ဦး ဖြစ်ဖို့ပါပဲ။

မိဘရယ်လို့ ဖြစ်လာရင် ပစ္စည်း ဥစ္စာ အမွေထက် ယုံကြည်ခြင်း အမွေ၊ မေတ္တာတရား အမွေပေးနိုင်ဖို့ပိုပြီး အရေးကြီးပါတယ်။ ကျွန်တော်တို့ရဲ့ မိခင် မယ်တော်မာရီယားဟာ အပြစ်ကင်းစင်စွာနဲ့ ပဋိသန္ဓေစွဲယူခဲ့တယ်။ ဒီကနေ့ ကျွန်တော်တို့ မယ်တော်ရဲ့ မွေးနေ့ပွဲကို ကျင်းပတဲ့အခါ မယ်တော်ဟာ ဒီကနေ့ ဤ လောကထဲကို ကြွရောက်လာခြင်းအားဖြင့် ကျွန်တော်တို့ လူသားတွေအတွက် ကယ်တင်ရှင်ကို လောကထဲကို မွေးဖွား သန့်စင်ပေးခဲ့ခြင်း ဖြစ်ပါတယ်။

မြွေဟာ နတ်ဆိုးကို သွေးဆောင်ပါတယ်။ အမျိုးသမီးရဲ့ ဖနောင့်ဟာ မြွေရဲ့ ဦးခေါင်းကိုနင်းသလို မယ်တော်ဟာ နတ်ဆိုးရဲ့ နိုင်ငံကို ချေဖျက်ပစ်နိုင်ခဲ့ပါတယ်။ တစ်နည်းအားဖြင့် ပြောမယ်ဆိုရင် ကယ်တင်ရှင်ကို ဤလောကထဲသို့ မွေးဖွား သန့်စင်ပေးခြင်းအားဖြင့် နတ်ဆိုးရဲ့ နိုင်ငံကို ကျွန်တော်တို့ အောင်မြင်နိုင်ခဲ့တယ်။ ဧ၀ဟာ ဘုရားတရား အမွေကို ကျွန်တော်တို့အတွက် မပေးနိုင်ခဲ့ပေမယ့်လို့ မယ်တော်ဟာ ဒီအမွေကို အပြည့်အ၀ ပေးနိုင်ခဲ့ပါတယ်။ ဘုရားအပေါ်မှာ ဘယ်လို ယုံကြည်ခြင်းရှိရမလဲ၊ ဘယ်လို ရှိခိုးကိုးကွယ် ရမယ်၊ ဘယ်လို အစေခံရမယ်၊ မေတ္တာတရားကို ဘယ်လိုထား ရှိရမလဲဆိုတာ မယ်တော် အပြည့်အ၀ ပြသခဲ့ပါတယ်။


ကျွန်တော်တို့ တစ်တွေ သူဌေးဖြစ်၊ ခွေးဖြစ်ကြံလို့ အသက်ရှင်ခွင့် မရနိုင်ပါဘူး။ ဒီအကြံကြောင့် မိဦးဖဦးတို့ ဒုက္ခရောက်ခဲ့ကြပြီး သားသမီးဖြစ်တဲ့ ကျွန်တော်တို့တွေလည်း ဒုက္ခ တွေ့ခဲ့ကြတယ်။ သူဌေး မဖြစ်ဘဲ ခွေးဖြစ်ခဲ့ကြတယ်။ ဘုရားမဖြစ်ဘဲ နတ်ဆိုး ကျေးကျွန်ဖြစ်ခဲ့ကြတယ်။ ဘုရားရဲ့ ပညတ်တွေကို ချိုးဖောက်ခြင်းအားဖြင့် ဘယ်တော့မှ ဘုရား မဖြစ်နိုင်ပါဘူး။ ဘုရား ဖြစ်နိုင်တဲ့ နည်းလမ်းရှိပါတယ်။ အဲဒါကတော့ ဘုရားရဲ့ အလိုတော်ကို လိုက်နာခြင်း၊ ဘုရားတရားရဲ့ တရားတော်ကို ကျင့်ဆောက် တည်ခြင်းအားဖြင့်သာလျှင် ရနိုင်ပါတယ်။ ယခင်ယေဇူးရဲ့ တရားကို သက်ဝင် ယုံကြည်သူ၊ သူ့ရဲ့ မေတ္တာတရားကို ကျင့်ဆောက်တည်သူတိုင်းဟာ ဘုရားရဲ့ အဖြစ်တော်၌ ဘုရားရဲ့ ဘုန်းဂုဏ်တော်၌ ဘုရားရဲ့ ဘ၀အသက်တာ၌ ပါဝင်ခွင့် ရနိုင်မှာ ဖြစ်ပါတယ်။ တစ်နည်းအားဖြင့် ကျွန်တော်တို့တွေ ဘုရားဖြစ်လာ နိုင်ပါတယ်။ အဲ့ဒီတော့ လောကမှာ အသက်ရှင်စဉ်အခါ ဘုရားရဲ့ ပညတ်တော်ကို ချိုးဖေါက်ခြင်း အားဖြင့် ဘယ်တော့မှ ဘုရား မဖြစ်နိုင်ပါဘူး။ နတ်ဆိုးရဲ့ကျေးကျွန်ပဲ ဖြစ်မှာပါ။ ဘုရားရဲ့ ပညတ်တော်တွေကို စောင့်ထိန်းခြင်း၊ ဘုရားရဲ့ အလိုတော်ကို လိုက်နာခြင်း၊ ဘုရားရဲ့တရားတော်ကို ကျင့်ဆောက် တည်ခြင်းအားဖြင့် ကျွန်တော်တို့ရဲ့ နေ့စဉ်ဘ၀ အသက်တာကို အသက်ရှင်ကြပါစို့။ မယ်တော်ရဲ့ မွေးနေ့မှာ ရရှိတဲ့ ကျေးဇူးတော်ကို မယ်တော်ပေးတဲ့ ဘုရားတရား အမွေ၊ မေတ္တာတရား အမွေကို အသုံးပြုပြီး မယ်တော်လိုပဲ အသက်ရှင်ကြမယ်ဆိုရင် ကျွန်တော်တို့အားလုံး ဧကန်မုချ ဘုရား အဖြစ်တော်၌ ပါဝင်ခွင့် ရကြမှာ ဖြစ်ပါတယ်။ ဘုရားအသက်တာ၊ ဘုန်းဂုဏ်တော်၌ အပြည့်အ၀ ပေါင်းစပ်ခွင့်၊ ပါဝင်ခွင့်ရကြမှာ ဖြစ်ပါတယ်။ ဒါကြောင့် ဒီကျေးဇူးတော်ကို မယ်တော်မှတဆင့် တောင်းလျှောက်ကြပါစို့။

ဘုန်းတော်ကြီး ဂျွန်စိုးတင့်

Mar 16, 2010

"သမ္မာကျမ်းစာဝေမျှကြရာဝယ်"


"သမ္မာကျမ်းစာဝေမျှကြရာဝယ်"

သခင်ခရစ်တော်သည် သူ့အကြောင်းကို တစ်ကမ္ဘာလုံးသိအောင် ဟောပြောဖို့ရန် မိန့်မှာခဲ့သည်။ ကိုယ်တော်၏ သတင်းကောင်းကို ဝေမျှကြရာ ကျမ်းစာ၏ ဖော်ပြလိုသော အဓိပ္ပါယ် မလွဲမှားစေရန် အထူးသတိပြုရန် အရေးကြီးပါသည်။ အဓိပ္ပါယ်လွဲမှားပါက နောက်ဆက်တွဲ ပြဿနာများမှာ ခရစ်တော်အပေါ် ယုံကြည်မှု၌ ဇဝေဇ၀ါ ဖြစ်တတ်ပါသည်။

တစ်ချို့သော လူများသည် သမ္မာကျမ်းစာအား ဝေမျှရာ၌ မိမိ၏ဥာဏ် ပညာကိုသုံး၍ မိမိ ကျော်စောရန်အတွက်၊ မိမိအား သူတစ်ပါးမှ အထင်ကြီးစေရန်၊ လူများအလယ်တွင် ထင်ပေါ်စေရန်အတွက် ကျမ်းစာအား လက်တစ်လုံးကြား ခုတုံးလုပ်ကာ ဝေမျှလျက် ရှိတတ်ကြောင်းကို ရှင်ပေတရူးသြ၀ါဒစာ ဒုစောင်(၂း၁-၂)တွင် ဖော်ပြထားခဲ့ပါသည်။

ဤတိုးတက်သော ကမ္ဘာကြီးနှင့် လူ့ဘောင်အဖွဲ့အစည်းတွင် နေထိုင်ကြသော လူသားများသည် ခေတ်နှင့်အညီ ထိပ်ဆုံးသို့ ရောက်လိုကြသည်မှာ အထူးပြောစရာမလိုပါ။ ထို့ကြောင့် အားသာသော လူသားများသည် အားနည်းသော လူစု၏ ပျော့ကွက်ကိုကြည့်၍ နည်းမျိုးစုံသုံးကာ လိမ်လည်လှည့်ဖျားနေ ကြသည်။ ခရစ်ယာန်အသင်းတော်တွင်လည်း ကွဲပြားနေသော အသင်းကွဲများ မြောက်များစွာရှိသည်။ လူသားတို့၏ အတွေးအခေါ် အယူဆခြင်း မတူညီကြခြင်းနှင့် ထိပ်ကိုရောက်လိုကြသောကြောင့် ဖြစ်သည်ဟု ယူဆမိပါသည်။

ဤဆောင်းပါးတွင် ကျွန်တော် ပြောလိုသောအချက်မှာ မိမိ၏ကိုယ်ကျိုး၊ မိမိအား သူတစ်ပါးမှ အထင်ကြီးစေရန် အတွက် သမ္မာကျမ်းစာကို ကျမ်းရေးသူ ဆိုလိုသော အဓိပ္ပါယ်မှ လွဲမှားစွာမဝေမျှ သင့်ကြောင်း ဖော်ပြလိုပါသည်။ တစ်ခါတစ်ရံ ကျမ်းစာပါအချက်များကို မိမိ၏ တစ်ဦးတည်းဥာဏ်ဖြင့် အဓိပ္ပါယ်ဖွင့် ဆိုခြင်းမပြုနိုင်ကြောင်းကို ရှင်ပေရူးသြ၀ါဒ စာဒု-စောင်(၁း၂)တွင် ဖော်ပြထားပါသည်။ အဓိပ္ပါယ်လွဲမှားစွာ ဝေမျှမိပါက မည်ကဲ့သို့ ဖြစ်တတ်ကြောင်းကို ပုံပြင်လေးတစ်ပုဒ်ဖြင့် သာဓက ပြလိုပါသည်။

တစ်ခါတုန်းက ရွာတစ်ရွာ၌ ဇရပ် အနီးရှိ အုတ်နံရံတစ်ခုတွင် ရေးထားသော "ကျွတ်၊ မုန်း၊ ၀င်" ဟူသော စာလုံးသုံးအား စူးစမ်းသော ရွာသားများက အဓိပ္ပါယ် အမျိုးမျိုး ဖော်ပြကြ၍ အငြင်းအခုံ ဖြစ်ကြရာ ၎င်းင်းပြဿနာမှာ အဖြေမှန် ရှာမရဖြစ်နေ၏။ ထို့ကြောင့် ၎င်းင်းပြဿနာအား ပြေလည်စေရန်အတွက် သူတို့ အားလုံးမှ၎င်းင်း တို့ကျေးရွာရှိ စာပေအရာ၌ အနည်းငယ်ကျွမ်းကျင်၍ အထင်ကရဖြစ်သူ တိုင်းရင်းဆေးဆရာ တစ်ဦးထံသွား၍ မေးမြန်းကြ၏။ ထိုအခါ ဆေးဆရာက "ကျွတ်၊ မုန်း၊ ၀င်" ဟူသော စာလုံးမှာ ဆေးမြစ်အမည်များနှင့် သက်ဆိုင်ကြောင်းကို ရှင်းပြ၏။ တဖန်အကြားအမြင် ဆရာတစ်ဦးထံ သွားကြ၍ မေးမြန်းကြပြန်ရာ ၎င်းင်းဆရာကလည်း "ကျွတ်၊ မုန်း၊ ၀င်" ဟူသော စကားလုံးများသည် လေးနက်သော အဓိပ္ပါယ်ရှိကြောင်း၊ မိမိအကြား၊ အမြင်ပညာတွင် မည်ကဲ့သို့ အဓိပ္ပါယ်ရှိကြောင်းကို ရှင်းပြပြန်သည်။ ထိုအခါ ရွာသားများသည် ဆရာနှစ်ဦးထံမှ အဖြေနှစ်မျိုးရနေသောကြောင့် ရွာဦးကျောင်းမှ ဘုန်းကြီး(ဗုဒ္ဓဘာသာ) ထံသို့ သွားရောက်ပြီး လျောက်တင်ကြရာ ဘုန်းတော်ကြီးမှ "ကျွတ်၊ မုန်း၊ ၀င်" ဟူသောစကားလုံးများမှာ နိဗ္ဗာန်ရောက်ရာ လမ်းသည် ခက်ခဲ၍ "အကျွတ်"တရားရဖို့ရာ "အမုန်း"တရားများကို ဖယ်ရှားနိုင်မှသာလျှင် နိဗ္ဗာန်သို့ "၀င်"နိုင်မည် ဖြစ်ကြောင်းကို ဆိုခြင်းဖြစ်သည်ဟု မိန့်ကြားခဲ့ပြန်ပါသည်။

ရွာသားများသည်လည် သုံးဦးထံ မေးမြန်းရာ အဖြေ(၃)မျိုးရရှိပြီး အဓိပ္ပါယ် မတူညီကြသဖြင့် အလွန်ပင် စိတ်ပျက်ခဲ့ကြရ၏။ ထို့ကြောင့် ဤစာကို ရေးသူအား ရှာဖွေရန် ဆုံးဖြတ်ခဲ့ကြသည်။ ထိုသို့ ဆုံးဖြတ်ပြီး ရေးသူကို စုံစမ်းရာတွင် ၎င်းင်းတို့ ကျေးရွာဇရပ်တွင် နေထိုင်သော အရူး"သာထူး" ရေးခဲ့ကြောင်း သိခဲ့ကြ၏။ ထို့ကြောင့် အရူး"သာထူး" ကိုခေါ်၍ ၎င်းင်း "ကျွတ်၊ မုန်း၊ ၀င်" စာလုံးသည် မည်သည့်အဓိပ္ပါယ်ရှိကြောင်း မေးမြန်းကြ၏။ ထိုအခါ အရူးဖြေဆိုသော အဖြေမှာ "ကျွတ်"ဆိုသော စကားလုံးသည် ယခုအခါ သီတင်းကျွတ်ပြီဖြစ်၍ မှတ်ထားကြောင်း၊ "မုန်း"ဟူသော စာလုံးမှာ သီတင်းကျွတ်ပြီးလျှင် တန်းဆောင်မုန်းလတွင် ရွာဦးကျောင်း ၌ကျင်းပသော "၀င် ကမ္ဘာ"ပွဲတွင် မုန့်ဟင်းခါးကျွေးသည်ကို အမှတ်ရစေရန် မှတ်ထားခြင်းဖြစ်ကြောင်း သိခဲ့ကြရ၏။ ထိုအခါ ရွာသားများသည် မိမိငြင်းခုံကြသော အဖြေလည်းမဟုတ်၊ ဆေးဆရာ၊ အကြားအမြင်ဆရာ၊ ဘုန်းတော်ကြီးများထံမှ သိခဲ့ကြရသော အဖြေလည်း မဟုတ်သောကြောင့် အားလုံး ပါးစပ်အဟောင်းသား ဖြစ်ခဲ့ကြရ၏။ ဤနေရာတွင် သူတို့ရရှိသော အဖြေနှင့် ရေးသူ၏ အာဘော်အဓိပ္ပါယ်သည် လုံးဝ ကွဲလွဲကြောင်း သိသာထင် ရှားနေလေပြီ။


ထို့ကြောင့် ကျမ်းစာပါ အကြောင်းအရာများကိုသော်လည်းကောင်း၊ အသင်းတော်၏ အယူဝါဒများ အကြောင်းကိုသော် လည်းကောင်း မိမိက အခြားသူများကို ဝေငှမျှဝေသောအခါ မူရင်းစာရေးသူ ဆိုလို ချင်သော အကြောင်းအရာ မပပျောက်ရန် လွန်စွာအရေးကြီးကြောင်း စာဖတ်သူ ဓမ္မမိတ်ဆွေများ အားလုံး သတိပြုရန် ဝေမျှလိုက်ရပါသည်။


မိတ်ဆွေတို့အပေါ်ဘုရားသခင် ကောင်းချီးပေးပါစေ
ဝီလျံသန်းဖေလေး(သစ်တော)

Mar 11, 2010

အမျိုးသမီးဖြစ်ရခြင်း၌ . . . ( ၂ ) ။


အမျိုးသမီးဖြစ်ရခြင်း၌ . . . ( ၂ ) ။

Luciano Cian မှ "God's Plan misunderstood" (ဘုရားအစီအစဉ်ကို တလွဲနားလည်ခြင်း) ဟူသည့် ခေါင်းစဉ်နှင့် ဤသို့ ရေးသားထားသည်။ "ပုံသေနည်းအရ ခင်ပွန်းနှင့် ဇနီးတူညီသောအဆင့် ဂုဏ်သိက္ခာရှိသည်။ သို့သော် လက်တွေ့တွင်မူ ဇနီး (အမျိုးသမီး)သည် ပိုနိမ့်သောအဆင့်၌ရှိသည်၊ ဘုရားသခင်၏ မူလအစီအမံဖြစ်သော အမျိုးသမီး၊ အမျိုးသားကြားတွင် တန်းတူညီမျှရေးသည် ဓမ္မဟောင်းခေတ် ဂျူးလူမျိုးများက သွေဖယ်သွားစေခဲ့ကြသည်။ ၄င်းကို ဓမ္မသစ်ခေတ်တွင် သခင်ယေဇူးက ပြန်လည်ချမှတ် ပေးခဲ့ရသည်။ ကမ္ဘာဦးကျမ်းတွင် (မ)နှင့် (ကျား)တန်းတူညီ ဂုဏ်ရည်ရှိမှုကို တင်ပြ ထားပေသည်။ ဖန်ဆင်းရှင်၏ အလိုတော်မှာ ဂုဏ်ရည်တူ လူအမျိုးအစား နှစ်မျိုးတို့အချင်းချင်း အကူအညီဖြစ်စေ၊ အပြန်အလှန် ဖြည့်စွက်ကြစေရန် အလို့ငှါသာ ရည်ရွယ်ခဲ့သည်။" (ကမ္ဘာဦး ၂း၂၃)။

"အမျိုးသမီးနှင့် အမျိုးသား၏ လုပ်ဆောင်ရန် တာဝန်အခန်းကဏ္ဍ မတူညီ ကွဲပြားသည် မှန်ပါ၏၊ သို့သော် လူပုဂ္ဂိုလ် တန်ဖိုးချင်းမူကား တန်းတူရည်တူသာ ဖြစ်ကြပါသည်။ အမျိုးသားက အမျိုးသမီးအပေါ် မတရား အထက်စီးမှ အနိုင်ယူသည်ဟု ပြောရန်မှာ ၀မ်းနည်းဖွယ်၊ ရှက်ဖွယ်ဖြစ်၏။ သခင်ခရစ်တော်သည် ဖန်ဆင်းခြင်း အစကတည်းက ထားရှိရည်ရွယ်သော အမျိူးသမီးတို့ ဂုဏ်သိက္ခာကို ပြန်လည်ထူမြောက်ပေးရန် ကြွလာခဲ့ပေသည်" ဟူ၍လည်း "Woman: a person uniquely creative" စာအုပ်တွင် ရေးသားထားပါသည်။


လူတွင် အဆင့်အတန်း၊ အမျိုးအမည်၊ အသင်းအဖွဲ့၊ မြေနေရာဒေသ စသဖြင့်ခွဲခြားခြင်းကို ၀ါသနာပါသည့် စရိုက်ရှိနေပေသည်။ ခွဲခြားမှု အမျိုးမျိုးထဲမှ အမျိုးသမီး၊ အမျိုးသား(အမ၊ အဖို) ခွဲခြားမှု တစ်ခုကလည်း အခိုင်အမာ အမြစ်တွယ်နေသည်ကို တွေ့ရမည်ဖြစ်သကဲ့သို့ ကျွန်မတို့နေထိုင်သော လောကကို အမျိုးသား (အဖို)ကြီး စိုးလျက်ရှိကြောင်း ထင်ရှားပေသည်။

အမျိုးသမီး၊ အမျိုးသားနှစ်မျိုးလုံး ပါဝင်သော ကိစ္စတစ်ခုခု တင်ပြရန်ရှိလျှင် ထိပ်မှ၊ ရှေ့မှ အမျိုးသားအမည်များ အစီအရီ ရေးသားပြီးမှသာ နောက်မှ အမျိုးသမီးအမည်များ ရေးလေ့ရှိကြသည်။ အသေးဆုံး ဥပမာ အဖြစ် - သီချင်းခွေ၊ စီဒီဖုံးပေါ်မှ အဆိုတော်များ အမည်စာရင်းကိုသာ ကြည့်ပါ။


ဤသည်မှာ ရှေးပဝေသဏီမှ မြစ်ဖျားခံလာသော အယူအဆဖြစ်၍ မည်သူ့ကိုမျှ တရားခံစစ် ရှာမရနိုင်သကဲ့သို့ အပြစ်ပုံချရမည့်သူလည်း တွေ့မည် မဟုတ်ပါ။ အမျိုးသားက မြတ်သည်၊ မြင့်သည် ဟူသည့် အယူအဆကို အမျိုးသမီးများ ကိုယ်တိုင်ကပင် ကျေကျေနပ်နပ် လက်ခံနေကြပေသည်။ အမျိုးသား၏ မြင့်ခြင်း၊ မြတ်ခြင်း
အယူအစွဲသည် မည်မျှထိ ခရီးရောက်သွားသနည်းဟူမူ မိမိကိုးကွယ်သည့် ဘုရားနှင့်ပင် နှိုင်းယှဉ်၊ တိုင်းတာသည်အထိ ဖြစ်သွားရသည်။ အဖိုမဟုတ်၊ အမမဟုတ်၊ ခန္ဓာကာယလည်းမရှိ၊ ၀ိညာဉ်သက်သက်ဖြစ်သော ဘုရားကိုပင် အမျိုးသား (အဖို) အဖြစ်သာ မြင်ယောင်တင်စား လက်ခံ ထားကြလေသည်။

ဤအချက်နှင့် ဆက်စပ်၍ "အာရှအမျိုးသမီးအသင်းတော် (EWA)" ဒုတိယအကြိမ် အစည်းအဝေး (အင်ဒိုနီးရှား)တွင်၂၀၀၄ခုနှစ်က သွားရောက် ပါဝင်ဆွေးနွေးခဲ့သော Sr.AnnShwe, SJA၏ ရှင်းလင်းကိုးကားချက်များမှ တစ်ချက် ထုတ်နှုတ် ဝေမျှလိုသည်မှာ" ဖန်ဆင်းရှင်ဘုရားကို ဖြူသော ၀တ်ရုံတော် ၀တ်ဆင်ထားလျက် မုတ်ဆိတ်ရှည်ကြီးနှင့် (ယောက်ကျားသား) အဖိုးကြီး၏ ပုံရိပ်မျိုး မြင်ယောင်တတ်ခြင်းကို မေ့ဖျောက် ပစ်ကြပါစို့။ ဘုရားကို မည်သူမျှ မမြင်စဖူးပါ၊ အမျိုးသားပန်းချီ၊ ပန်းပုဆရာများက ရေးဆွဲထုလုပ်သည့် ဘုရားပုံတော်များကိုသာ မျက်စိယဉ်နေခဲ့ကြသည်။ စွဲထင် နေခဲ့ကြပေသည်။ အကယ်၍ တစ်စုံတစ်ယောက်မှ ဘုရားကို ဤသို့ အမျိုးသားဟန် သဏ္ဍန်ဖြင့် ရူပါရုံ မြင်ရပါသည် ဆိုလျှင်ပင် ၄င်းသည် ကာလံ၊ ဒေသံနှင့် အခြေအနေတစ်ခု၏ သီးခြားလိုအပ်မှုအတွက်သာ ဖြစ်ပါလိမ့်မည်။ (အမ၊ အဖို) ခပ်သိမ်းကို အသက်ပေးသွင်းသူ လိင်မဲ့၊ ခန္ဓာမဲ့ဝိညာဉ် သက်သက်ဖြစ်သော ဖန်ဆင်းရှင်ဘုရားကို ကျမ်းစာမှလည်း ဘုရားသခင်သည် (အဖို) ဖြစ်တော်မူ၏။ သို့မဟုတ် (အမ) ဖြစ်တော်မူ၏ဟု ဖေါ်ပြခြင်းထက်၊ ဘုရားသခင်သည် ချစ်ခြင်းမေတ္တာ ဖြစ်တော်မူ၏ (၁ ယော ၁း၁၆ ) ဟုသာ တွေ့ရမည်ဖြစ်သည်။


ဘုရားသခင်သည် လူကို ဖန်ဆင်းကတည်းက "ငါတို့နှင့် တညီ၊ တစ်သဏ္ဍန်တည်း လူကို ဖန်ဆင်းကြစို့" ဟုသာ ပြောခဲ့ပါသည်။ "လူတန်းစား နှစ်မျိုးကို ဖန်ဆင်းကြစို့" ဟုမပြောပါ။


(ကမ္ဘာဦးကျမ်း ၁၆း၇၈) က ဟာဂရအမည်ရှိသော ကျွန်မတစ်ယောက်ကို ကောင်းကင်တမန်က မေးသည့် "ဘယ်ကလာပြီး၊ ဘယ်ကိုသွားမှာလဲ" ဟူသော မေးခွန်းသည် အမျိုးသမီးတိုင်း မိမိကိုယ်ကို ပြန်မေးရမည့် မေးခွန်းပင် ဖြစ်ပါသည်။ ၄င်းမေးခွန်းကို ဖြေရန် ကျွန်မတို့ ငယ်ငယ်က ဘုရားစကား၌ သင်ခဲ့ရသော အမေး၊ အဖြေတစ်ခုက အကျုံးဝင်နေပါသည်။ "ဘုရားသခင်က လူကို ဘာအတွက် ဖန်ဆင်းတာလဲ" "သူ့ကို သိဖို့၊ သူ့ကို ချစ်ဖို့၊ သူ့ကို အစေခံဖို့နဲ့ နောင်ဘ၀ကျရင် သူနဲ့အတူ ထာဝရပျော်ရွှင်မှုကို ခံစားရစေဖို့" ဟူ၏။ သို့ဖြစ်လျှင် ဘုရားထံမှလာကာ ဘုရားထံသို့ ပြန်သွားရမည့် အမျိုးသမီး၏ အရည်အသွေးကို ပို၍ ညံ့ဖျင်းသော လူသားတစ်မျိုးအဖြစ် ဖန်ဆင်းထားပါမည်လော။ အမျိုးသမီး (အမ) ဖြစ်စေ၊ အမျိုးသား (အဖို) ဖြစ်စေသူ၏ ဖန်ဆင်းရှင်ဖြစ်သော ဘုရားနှင့် တလုံးတ၀တည်း ဖြစ်စေရန်သာ ဖန်ဆင်းထားပါသည်။ ၀ိညာဉ်သက်သက်ဖြစ်သော အဖိုလည်းမဟုတ်၊ အမလည်းမဟုတ်သော၊ အနန္တမေတ္တာရှင်သည် ချစ်ခြင်း မေတ္တာဖြစ်သောကြောင့် ထိုဘုရားသည် လူကိုအညံ့၊ အကောင်းခွဲခြား ပါမည်လော။ ထို့ကြောင့် အမျိုးသမီး ဖြစ်နေခြင်းကြောင့် တစ်ဆင့်နိမ့်၊ ဒုတိယတန်းစား၊ အရည်အသွေးညံ့ဘ၀ရှင်ပါ ဟူသည့် အယူအဆကို ခေါင်းထဲမှထုတ်ပစ်ကြပါစို့။" ဤသို့ဆိုထားသည်။


ဘုရားကို "အဖေ" မခေါ်လို၍ မဟုတ်ပေ။ ကောင်းကင်ဘုံသခင် ဖန်ဆင်းရှင်ကို (အဖ) (အဖေ)ဟုတမ်းတ ခေါ်ရခြင်းသည် ဘုရားသား၊ သမီးအဖြစ် ဂုဏ်ယူစရာ ပီတိတစ်ခု ဖြစ်သကဲ့သို့ ဘုရားနှင့် လူသား၏ရင်းနှီးခြင်း၊ အားကိုးချစ်ခင်ခြင်းကို သရုပ်ထင်းထင်း ပေါ်လွင်စေပေသည်။ သို့သော် ဤနေရာ၌ ထောက်ပြလိုသည်မှာ လူသားတို့၏ သမိုင်းရေစီးကြောင်းကို အမျိုးသား (အဖို) ကြီးစိုးသော လောကအဖြစ် ဆွဲယူပုံသွင်းနေမှုကို သမင်လည်ပြန် ကြည့်မြင်ကာ၊ သုံးသပ်မိစေရန်သာ ဖြစ်ပါသည်။


သင်သည် အမျိုးသမီးတစ်ဦးဖြစ်ပါက သင့်ကိုယ်သင်ကော မည်သို့ခံယူထားပါသလဲ။ ဘာသာရေး၌၊ လူမှုရေး၌ သင့်မိသားစုအတွင်း၌ကော သင့်ကိုယ်သင် မည်သည့်နေရာ၌ ထားပါသလဲ။ မည်သည့် နေရာ၌ နေရပါသလဲ။


(ရှေ့ဆက်ဖတ်ပါရန်)


Ref:
- What is your image of God ?
What is your Female image of God?
By Sr. Ann Shwe , (SJA)
- Woman: a person uniquely creative.
By (Luciano Cian)
- In God's image ( Vol-19, No-2, June 2002)
- Gathering the voices of the silenced (EWA)
- Weekly Eleven news letter
( June,2006)

အင်ဝိုင်းပန် (SJA)

Mar 6, 2010

ကူညီမယ်ဆိုရင်

ကူညီမယ်ဆိုရင်

အာရုံစူးစိုက်နာတောင်ပါ
သူတဖက်သားကို ကြင်နာသနားခြင်းပြရန် သူပြောသမျှကို မျက်စိနှင့်၊ နားနှင့်၊ နှလုံးသားနှင့်၊ စိတ်ရောကိုယ်ပါ နားထောင်ပေးတတ်ဖို့ လိုအပ်ပါတယ်။ ခင်ပွန်းသည်က ဇနီးသည်ပြောသမျှကို လေးလေး နက်နက်အာရုံစူးစိုက်မှ သူမရဲ့ စိတ်နေသေဘောထားနဲ့ ရည်ရွယ်ချက် အမှန်ကိုသိနိုင်မှာပါ။ ကိုယ့်ဇနီးက ကိုယ့်ထက် သူတစ်ပါးကို ပိုပြီး စိတ်ဝင်စားသွားမှာကို ခင်ပွန်းသည်တွေ စိုးရိမ်တတ်ကြပါတယ်။ ဒီလိုမဖြစ်အောင် လိုက်နာဖို့ နည်းလမ်းက အင်မတန်ရိုးစင်ပါတယ်။ ဇနီးသည်ကို ပိုပြီး နားလည်မှုပေးဖို့၊ ပိုပြီး ယုယကြင်နာဖို့၊ ပိုပြီး မေတ္တာပြဖို့ပါပဲ။ အာရုံစူးစိုက် နားထောင်ခြင်း မရှိရင်တော့ ဒါတွေ ဖြစ်မလာနိုင်ပါဘူး။

အတ္တကိုထိန်းသိမ်းပါ
လူတိုင်းဟာ အတ္တနဲ့ မကင်းနိုင်ကြပါဘူး။ ဇာတ်ခုံပေါ်တက်၊ မင်းသမီး/မင်း သားလုပ်ပြီး ပရိတ်သတ်ရဲ့ အားပေးချီး မြှောက်မှုကို လိုချင်တတ်ကြပါတယ်။ မင်းသားမလုပ်ရရင် ပတ်မကြီးကို ထိုးဖောက်ချင်တတ်ပါတယ်။ သူတဖက်သားကို မေတ္တာထားတယ်ဆိုရင်တော့ မီးရောင်အောက်မှာ ကိုယ်တိုင်ဝင်မကဘဲ သူတစ်ပါးကို ဦးစားပေးလိုက်ပါ။ နေရာတကာ ဆရာကြီးလုပ်ချင်တဲ့ သူဆိုရင် လူတွေက ရှောင်ချင်ကြပါတယ်။ ဒါရဲ့ ဆန့်ကျင်ဖက် သိမ်မွေ့နှိမ့်ချတဲ့ သူတွေကတော့ ကကယ့် သူရဲကောင်းလို့ ဆိုရပါလိမ့်မယ်။ ဒါဟာ စိတ်ပိုင်းဆိုင်ရာ တည်ငြိမ်ရင့်ကျက်တဲ့ သူတွေမှာသာ ဖြစ်နိုင်ပါတယ်။ ဒီလို အရည်အချင်းနဲ့ ပြည့်ဝဖို့ရာ သူတစ်ပါးကို ဦးစားမပေးခင် ကိုယ့်အတ္တကို အရင်ဖြေရှင်းဖို့ လိုအပ်ပါတယ်။ "မိမိနှင့် နီးစပ်သူကို ကိုယ်နှင့်အမျှ ချစ်လော့" (မာတေဦး ၁၂း၁၃) ဆိုတာ ဒါကို ရည်ညွှန်းတာပါပဲ။ ကိုယ်နဲ့ကိုယ့် အဇ္ဇျတ္တငြိမ်းချမ်းမှုမရသ၍ သူတစ်ပါးကို မေတ္တာထားနိုင်မှာ မဟုတ်ပါဘူး။ အနည်းငယ်သော လူတချို့သာလျှင် လုံးဝအတ္တ ကင်းစင်ကြပါတယ်။ မိမိရဲ့ အတ္တကို ထိန်းသိမ်းနိုင်တာနဲ့အမျှ သူတစ်ပါးရဲ့ သောကတွေ လျော့ပါးလာအောင် စွမ်းဆောင်နိုင်မှာ ဖြစ်ပါတယ်။

စိတ်ရှည်သီးခံပါ
ကိုယ်ကူညီချင်တဲ့သူက သူ့ရဲ့ဒုက္ခ ကနေ သူကိုယ်တိုင် ရုန်းထွက်နိုင်တဲ့အချိန်ထိ စောင့်ဆိုင်းပေး၊ နားထောင်ပေး၊ သူ့ဖက်က ရပ်တည်ပေးမှသာ မေတ္တာပြရာ ရောက်ပါတယ်။

လက်တွေ့ကူညီပါ
သူတစ်ပါးရဲ့ အခက်အခဲတွေကို ကူညီဖြေရှင်းမပေးဘူး၊ ဒုက္ခတွေကိုမျှဝေ မခံစားဘူးဆိုရင် သူု့ကို ခင်တယ်ဆိုတာ အလကားပါ။ သင့်ရဲ့ မေတ္တာကို သူတစ်ပါး လက်တွေ့ခံစားရမှ သက်သေပြရာရောက် ပါတယ်။ လူမှုဆက်ဆံရေးကို လေးနက်ခိုင်မာစေတာ လက်တွေ့ပါတဲ့ စေတနာပါ။ စေတနာမှန်ရင် ရောင်ပြန်ပုံရိပ် ထင်ပါတယ်။ မေတ္တာတရားဟာ ကူးစက်ပျံ့ပွား လွယ်ပါတယ်။ စိုက်ပျိုးတဲ့အတိုင်း ရိတ်သိမ်းရမှာ အမှန်ပါပဲ (ဂလာတိ ၆း၇)။

Ref: "Compassion" from "Book of Tips" by Julio F. Silverio

ဝိုင်းတော်သားတစ်ဦး

Mar 1, 2010

မေး/ဖြေ ။။ ခရူစူးအမှတ်အသားပြုလုပ်ရခြင်း


မေး။။ ခရူစူးအမှတ်အသား ပြုလုပ်ရခြင်းရဲ့ အဓိပ္ပါယ်နဲ့ ဘယ်အချိန်ကစပြီး စတင် အသုံးပြုခဲ့တယ် ဆိုတာ သိချင်ပါတယ်။

ဖြေ။ ။ ကက်သလစ်ဘာသာဝင်များ ပြုလုပ်တဲ့ ခရူစူးအမှတ်အသားဟာ သခင်ခရစ်တော် လက်ဝါးကပ်တိုင်တင်သတ် ခံရပြီး သေခြင်းမှ ရှင်ပြန် ထမြောက်တော်မူခြင်းအားဖြင့် ယုတ်ညံ့သော လက်ဝါးကပ်တိုင်သည် ခရစ်တော်ရဲ့ အောင်လံတော် ဖြစ်လာပါတယ်။ အဲဒီ ခရစ်တော်ရဲ့ အောင်လံတော် ခရူစူးလက်ဝါးကပ်တိုင်ဟာ ခရစ်ယာန်များရဲ့ ကယ်တင်ခြင်း သရဖူဖြစ်လာပါတယ်။ အဲဒီခရူစူးအမှတ် အသားပြုခြင်း သင်္ကေတကို ဘယ်သူက စတင်ပြုလုပ်ခဲ့တယ်ဆိုကိုတော့ အတိအကျမသိ ခဲ့ရပေမယ့် ရှေးကနဦးအစ ဒုတိယရာစုနှစ် ကတည်းကပင် ခရစ်ယာန်တို့သည် မိမိတို့ နဖူးပေါ်တွင် လက်မဖြင့် ခရူစူးမှတ်သားခြင်းကို သမိုင်း အထောက်အထားများအရ ဘာသာရေး သက်သေခံချက် ထုံးတမ်းစဉ်လာ တစ်ခုအဖြစ်ဖြင့် လက်ခံခဲ့ကြကြောင်း သိနိုင်ပါတယ်။

ခရစ်သက္ကရာဇ် အေဒီ(၁၉၆) ခုနှစ်က သီတင်းသုံးတော်မူခဲ့တဲ့ Tertullian ဆိုတဲ့ ပုဂ္ဂိုလ်သည် ခရစ်ယာန်ဘာသာ၌ ပထမဦးဆုံး လက်တင်ဘာသာဖြင့် စာပေများကို ရေးသားခဲ့တဲ့ အာဖရိကနွယ်ဖွား ကာသေ့ခ်ျမြို့သား အသင်းတော်ရဲ့ ရှေးကနဦး ဖခင်ကြီးဖြစ်ပါတယ်။ အဲဒီ အချိန်အခါတုံးက ခရစ်ယာန်လောကမှာ ဂရိဘာသာစာနဲ့ စကားကို အသုံးမပြုသေးပါ။ တာတူလီးယာန်းဆိုတဲ့ ဓမ္မ သုခမိန်ကြီးရဲ့ အရေးအသားများထဲမှ ကောက်နှုတ်ချက် တစ်ခုကတော့ "ကျွန်ုပ်တို့သည် အဘယ်အရပ်သို့ သွားသည်ဖြစ်စေ၊ အဘယ်အရပ်မှ ပြန်လာသည်ဖြစ်စေ၊ အ၀တ်အစား ဆင်ယင်သည့်အခါပင်ဖြစ်စေ၊ ခြေနှင့်တောင်ဝှေးကို ဆင်ယင်သည့် အခါပင်ဖြစ်စေ၊ စားသောက်သည့် အခါနဲ့ပင် ဖြစ်စေ၊ အိပ်ယာဝင်ခါနီး အချိန်ပင်ဖြစ်စေ၊ ခရူစူးလက်ဝါးကပ်တိုင် အမှတ်အသားကို ပြုလုပ်ကြ၏"။ ခရစ်သက္ကရာဇ်(၃၇၃) ခုနှစ်တွင် သီတင်းသုံးတော်မူခဲ့တဲ့ ရဟန္တာသူတော်မြတ် အေဖရိမ် (Ephraem) အရှင်မြတ်က ဆီးရီးယားလူမျိုးထဲမှ တစ်ဦးတည်းသော ကျမ်းတတ်ပုဂ္ဂိုလ် တစ်ပါးဖြစ်ပါတယ်။ သူတော်မြတ်ရဲ့ ရေသားချက် တစ်ခုကတော့ "ချစ်သား သင်၏ လုပ်ငန်းဆောင်တာ အားလုံး၌ အသက်ပေးသော ခရူစူးအမှတ်အသားဖြင့် ပြီးမြောက်စေရမည်။ သူ၏ စားခြင်း၊ သောက်ခြင်း၊ သွားလာခြင်း၊ သူ၏အိမ်၌ နေခြင်းနှင့် အိပ်ခါနီးအချိန်တို့၌ ဤခရူစူးအမှတ် အသားပြုလုပ်ခြင်းထက် ပိုမိုကောင်းမွန်သော အပြုအမူသည် မရှိတော့ပေ။ ထိုခရူစူး အမှတ်အသားပြုခြင်းသည် သင်၏ လုပ်ငန်းဆောင်တာ အားလုံးတို့အတွက် လုံခြုံမှုပေးခြင်းဖြစ်သည်။ ထိုအပြုအမူကို သင်၏ သားသမီးတို့အား သင်ကြားပေးလော့"။

အမိအသင်တော်ကြီးရဲ့ ကနဦး ဒီကျမ်းတတ်နှစ်ပါးရဲ့ ရေးသားထားချက်များကို ထောက်ရှုခြင်းအားဖြင့် ခရူစူးအမှတ်သား ပြုလုပ်ခြင်းသည် ဘယ်သူဘယ်ဝါက စတင်ခဲ့တယ်ဆိုတဲ့ အချက်ကိုတော့ ရေရေရာရာ မသိခဲ့ရပေမယ့် အမိအသင်းတော်ကြီးထဲမှာ ရှေးဦးအစကပင် စတင်ခဲ့တယ် ဆိုတာကိုတော့ သိနိုင်ပါတယ်။ စတုတ္ထရာစုနှစ်ပိုင်းတွင်မူ ၀တ်ပြု ကိုးကွယ်ခြင်း အခမ်းအနားများ၌ စတင် မှတ်သား ပြုလုပ်လာခဲ့ကြပါတယ်။ အချို့က နဖူးပေါ်နဲ့ မျက်လုံးများအပေါ်မှာ ခရူစူးမှတ်သားကြပြီး အချို့တို့က နှုတ်ခမ်းများပေါ်၌လည်း ခရူစူးမှတ်သားခဲ့ကြကြောင်း အဋ္ဌမရာစုနှစ်ပိုင်းများတွင် သက်သေ သာဓကများ ရှိခဲ့ပါတယ်။

နဖူး၊ ရင်ဘတ်နဲ့ ပုခုံးများပေါ်မှာ မှတ်သားခြင်းဟာ ပဉ္စမရာစုနှစ်က ထုံးတမ်းစဉ်လာ တစ်ခုအဖြစ် ပေါ်ပေါက်လာခဲ့ပေမယ့် ရသေ့ကျောင်းတိုက်များတွင် ဆယ်ရာစုကျမှ တရားဝင်လက်ခံခဲ့ပြီး ခရူစူးမှတ်သားလာကြခြင်း ဖြစ်တယ်။ ဆယ့်သုံးရာစုမှာတော့ ပုပ်ရဟန်းမင်းကြီး တတိယမြောက် အင်နိုဆင့် (Pope Innocent III) အရှင်သူမြတ်ရဲ့ ညွှန်ကြားချက်မှာ လက်ညှိုးသုံးချောင်းဖြင့် နဖူးမှအစချီကာ ဒုတိယ ရင်ပတ်မှာတို့ ထိပြီး အဲဒီနောက် ညာလက်ပုခုံး မှဘယ်လက်ပုခုံးသို့ တို့ထိ မှတ်သားရန် သွန်သင် တော်မူခဲ့ပေမယ့် တစ်ဖြည်းဖြည်း ဘယ်လက်ပုခုံးမှ ညာလက်ပုခုံးသို့ အဆုံး သတ်တဲ့အလေ့အထသို့ ပြောင်းသွားခဲ့ပါတယ်။

ခရူစူးမှတ်သားရာ၌ ရွတ်ဆိုရသော ဆုတောင်းမေတ္တာမှာ "ခမည်းတော်၊ သားတော်၊ သန့်ရှင်းသော ၀ိညာဉ်တော်၏ နာမတော်မြတ်၌၊ အာမင်။" လို့ ရှေးကတည်းက ရွတ်ဆိုခဲ့ကြပေမယ့် သြသိုဒေါက်အသင်း များမှာတော့ "သန့်ရှင်းတော်မူသောဘုရား၊ တန်ခိုးကြီးတော်မူသောဘုရား၊ မသေနိုင်သောဘုရား၊ ကျွန်ုပ်တို့ကို သနားတော်မူပါ" ဟု ရွတ်ဆိုခဲ့ကြပါတယ်။ ၀တ်ပြုကိုးကွယ်ခြင်း အခမ်းအနားများ၌ ခရူစူးမှတ်သားခြင်းသည် အနက်အဓိပ္ပါယ် အမျိုးမျိူးကို ပေါ်လွင်စေပါတယ်။ ဆေးကြောခြင်းခံ၍ ဘာသာဝင်လာသူ တစ်ဦးအပေါ်မှာ ခရူစူးအမှတ်သား ပေးခြင်းအားဖြင့် ဒီလူဟာ ခရစ်တော်ဘုရားရှင်ရဲ့ ပိုင်ဆိုင်ခြင်း ခံရကြောင်း အမှတ်တံဆိပ်ခတ် နှိပ်ခံရတဲ့ သဘောကို ဆောင်ပါတယ်။ မကောင်းဆိုးဝါး နတ်ဆိုးများကို နိုင်နင်းတော်မူတဲ့ ခရစ်တော်ဘုရားရှင်ရဲ့ ဘုန်းအာနုဘော်တော်ကိုလည်း အသိအမှတ်ပြုခြင်း ဖြစ်ပါတယ်။

ခရူစူးမှတ်သားခြင်းသည် အတောမသတ်နိုင်အောင် များပြားတဲ့ ဘုရားသခင်ရဲ့ ကျေးဇူးများ စီးဆင်းရာ အမှတ်အသား ဖြစ်နေတဲ့အတွက် လူတစ်ဦးဦးကို အရာဝတ္ထုတစ်ခုခုကို ကောင်းချီးပေးခြင်း၊ ဘုရားရှင်တော်မြတ်ရဲ့ လက်တော်ထဲ ပူဇော်အပ်နှံလိုက်ခြင်း အနက်အဓိပ္ပါယ်ကို ပေါ်လွင်စေပါတယ်။ ခရစ်တော်မပေါ်မီက ကျွန်များကို သခင်တစ်ယောက်ယောက် ပိုင်ထားကြောင်း၊ ပိုင်ရှင်ရှိကြောင်း ပြဖို့အတွက် နဖူးပေါ်မှာ အလွယ်တကူ မပျောက်ပျက်နိုင်တဲ့ အမှတ်အသားဖြင့် မှတ်သားခြင်းခံခဲ့ကြပါတယ်။ ထိုခေတ်က ဘာသာရေး အယုံအကြည်များ၌လည်း မိမိတို့ယုံကြည်ရာ ဘုရားများရဲ့ အမှတ်များဖြင့် မှတ်သားခဲ့ကြပါတယ်။ ခရစ်ယာန်များကလည်း မိမိတို့ ယုံကြည်ရာနဲ့ သက်သေခံရာ အောင်လံတော် အမှတ်အသားအဖြစ် ခရူစူးအမှတ်အသားကို စတင်ပြုခဲ့ကြပါတယ်။

ခရူစူးမှတ်သားခြင်းကို အသုံးပြုရခြင်း အကြောင်းကား အလွန် သန့်ရှင်းစင်ကြယ်၍ မြင့်မြတ်တော်မူလှသော ပုဂ္ဂိုလ်သုံးပါး တစ်ဆူဘုရားကို အောက်မေ့သတိရရန်နဲ့ ပုဂ္ဂိုလ်သုံးပါး တစ်ဆူဘုရားအနက် ဒုတိယပုဂ္ဂိုလ် သားတော်ဘုရားသည် ခရူစူးပေါ်မှာ အသက်တော် စွန့်တော်မူကြောင်းကို သတိရရန်အတွက် ဖြစ်ပါတယ်။ ခရူစူးအမှတ်အသားကို ပြုတဲ့အခါမှာ ခမည်းတော်၊ သားတော်၊ သန့်ရှင်းသော ၀ိညာဉ်တော်၏ နာမတော်မြတ်၌ ဆိုသောစကားဖြင့် ပုဂ္ဂိုလ်သုံးပါး တစ်ဆူဘုရားကို အောက်မေ့ သတိရကြပါတယ်။

ခရူစူးမှတ်သားခြင်းပြုရာမှာ ကျွန်ုပ်တို့ ကိုယ်ပေါ်တွင် လက်ဝါးကပ်တိုင် ပုံသဏ္ဍာန်အတိုင်း ပြုခြင်းဖြင့် ခရစ်တော်ဘုရားရှင်သည် ကျွန်ုပ်တို့အတွက် လက်ဝါးကပ်တိုင်ပေါ်၌ အသက်တော် စွန့်တော်မူကြောင်းကို သတိရစေပါတယ်။ ဘုရားရှင်ရဲ့ ကောင်းချီး မင်္ဂလာတော်ကို ခံစားရရှိရန်အတွက်နဲ့ ၀ိညာဉ်ရော ခန္ဓာကိုယ်ပါ ဘေးဥပါဒ်အန္တရာယ် ခပ်သိမ်းမှ ကာကွယ်စောင့်ရှောက်မှု ရရှိရန်အတွက် ခရူစူးမှတ်သားခြင်းကို ပြုကြဖို့ လိုအပ်ပါတယ်။ (ဂလာတိသြ၀ါဒစာ ၆း၁၄) "ငါဖြစ်လျှင် ငါတို့သခင် ယေဇူးခရစ်တော်၏ လက်ဝါးကပ်တိုင်တော်မှ တစ်ပါး အဘယ်အရာ၌မှ ၀ါကြွားခြင်း မရှိပါစေနှင့်။ ထိုလက်ဝါးကပ်တိုင်တော်မှာ ဤလောကသည် ငါ့အဘို့ ရိုက်ထားခြင်းကို ခံလျက်ရှိ၏။ ငါသည်လည်း ဤလောကအဖို့ ရိုက်ထားခြင်းကို ခံလျက်ရှိ၏"။

ဘုန်းတော်ကြီး ဒေါမနစ်ဂြိုလ်တု

Feb 27, 2010

သိရန် ကျင့်ရန်

သိရန် ကျင့်ရန်

နိဒါန်း
သခင်ယေဇူး မိုးကောင်းကင်ကို တက်ကြွသွားပြီးနောက် တပည့်တော်ကြီးတို့ရဲ့ ဟောပြော သက်သေ ခံမှုကြောင့် သခင်ယေဇူးကို ယုံကြည်သက်ဝင်လာကြသူတွေဟာ စနေနေ့ ဗိမာန်တော်မှာ ၀တ်ပြု ဆုတောင်းကြပြီး သခင်ယေဇူးရှင်ပြန်ထမြောက်တဲ့ တနင်္ဂနွေနေ့မှာတော့ နီးစပ်ရာအိမ်တွေမှာ စုဝေးပြီး "မုံ့ဖဲ့ခြင်း"လို့ ခေါ်တဲ့ မစ္ဆားတရားကို ကျင်းပကြပါတယ်(တမန် ၂း၄၃-၄၆)။

သူတို့ ဘိုးစဉ် ဘောင်ဆက် ကျင်းပခဲ့ကြတဲ့ ပါစကားပွဲ၊ အီဂျစ်ပြည်မှာ ကျွန်ခံနေရတဲ့ ဘ၀ကနေ လွတ်မြောက်အောင် မိုးဇယ် ဦးဆောင်ကယ်တင်ခဲ့တဲ့ပွဲဟာ ရှေးပြေး နိမိတ်လက္ခဏာသာဖြစ်ပြီး သခင်ယေဇူးရဲ့ ဒုက္ခစရိယာခံခြင်း၊ အသေခံခြင်းနဲ့ ရှင်ပြန်ထမြောက်ခြင်းကမှ ကျွန်ုပ်တို့ကို အပြစ်ရဲ့ ကျွန်ဘ၀ကနေ လွတ်မြောက်စေတဲ့ ပါစကားပွဲ အစစ်အမှန် ဖြစ်တယ်ဆို တာကိုသိလာကြတယ်။ ဒါကြောင့် အပတ်စဉ် တနင်္ဂနွေနေ့ကို "သခင်ဘုရားရဲ့နေ့" သခင်ယေဇူး ရှင်ပြန်ထမြောက်တဲ့ ပါစကားပွဲအဖြစ် ကျင်းပကြသလို ရှေးခေတ် ပါစကားပွဲကျင်းပတဲ့ သခင်ယေဇူးတကယ် ရှင်ပြန်ခဲ့တဲ့ ဂျူးပြက္ခဒိန်ရဲ့ နီဆန်လ (၁၅)ရက်နေ့ကိုလည်း တခမ်းတနား ကျင်းပကြပါတယ်။ အဲဒီပွဲကို သခင်ယေဇူး ဂျေရုစလင်မြို့ကို ကြွဝင်တဲ့ မေတ္တာပန်း တနင်္ဂနွေ ကနေစတင်ပြီး တစ်ပတ်ကြိုတင် ပြင်ဆင်ကြပါတယ်။
ရှေးဦးအသင်းတော်မှာ ယုံကြည်လို့ ဆေးကြောခြင်း ခံယူတဲ့သူတွေကို ချက်ချင်း လက်မခံပါဘူး။ နှစ်နဲ့ချီပြီး လေ့လာသင်ယူစေပြီး နှစ်စဉ် ပါစကားပွဲကျမှ ဆေးကြောခြင်းပေးပါတယ်။ ဒီနည်းအားဖြင့် သူတို့ရဲ့ အပြစ်နဲ့ဘ၀ဟောင်းကို မြုပ်နှံသင်္ဂြိုလ်လိုက်ပြီး သခင်ယေဇူးနဲ့အတူ ဘ၀သစ်၌ ရှင်ပြန်ထမြောက်တယ်ဆိုတဲ့ အဓိပ္ပါယ်ကို ပေါ်လွင်စေပါတယ်။ သူတို့ကို အဲဒီလို ပါစကားပွဲမှာ ဆေးကြောခြင်းပေးဖို့ရာ မေတ္တာပန်းတနင်္ဂနွေနေ့ မတိုင်မီ(၃)ပတ်လိုမှာ အနီးကပ် ကြိုတင်ပြင်ဆင်ခြင်း၊ စစ်ဆေး မေးမြန်းခြင်းတို့ကို ပြုလုပ်ပါတယ်။ ဒီ(၃)ပတ်ဟာ ၀ါတွင်းသမိုင်းရဲ့ ပထမအဆင့် ဖြစ်ပါတယ်။

နောက်ပိုင်းမှာတော့ ကလေးဘ၀မှာ ဆေးကြောခြင်း ခံသူတွေများလာပါတယ်။ ခုနက (၃)ပတ်ကို အသက်ကြီးမှ ယုံကြည်သူဖြစ်လာတဲ့ သူတွေအတွက် ဆက်လက် ကျင့်သုံးသလို၊ တဖက်မှာလည်း ရာဇ၀တ်သားလို့ခေါ်တဲ့ ယုံကြည်ခြင်းကို ဆန့်ကျင်သူ၊ သူ့မယားကိုပြစ်မှားသူ၊ သူ့အသက်သတ်သူတွေ နောင်တယူ၊ ပြစ်ဒဏ် ဆပ်ဖြေရမယ့် ကာလအဖြစ် သတ်မှတ်ပေးလိုက်ပါတယ်။ ဒီအပြစ်ကြီးများ ကျူးလွန်သူတွေကို မစ္ဆားတရားမှာ ပါဝင်ပူဇော်ခွင့်၊ ကိုယ်တော်မြတ် ပင့်ယူခွင့်မပြုပဲထားခဲ့ရာကနေ နောင်တယူ၊ ပြစ်ဒဏ်ဆပ်ဖြေပြီး ကြာသပတေးနေ့ကြီးမှ ပြန်လက္ခံခဲ့ပါတယ်။ အခုနောက်ဆုံးမှာတော့ သူတို့တတွေ သာမက ကျွန်ုပ်တို့ လူသားတွေဟာ အားနည်းတဲ့ အလျှောက် ဘယ်သူမှ အပြစ်နဲ့မကင်းကြတဲ့အတွက် အားလုံးကို ခုလိုဝါတွင်းကာလမှာ နောင်တယူ ပြစ်ဒဏ် ဆပ်ဖြေခိုင်းပါတယ်။ အချိန်ကာလကိုလည်း တနင်္ဂနွေနေ့များ မပါဘဲ မိုးဇယ်၊ ဧလိယနဲ့ သခင်ယေဇူးတို့ အစာရှောင်ခဲ့သလို ရက်ပေါင်း(၄၀)ပြည့်အောင် တိုးမြှင့် သတ်မှတ်ခဲ့ပါတယ်။

အစာရှောင်ခြင်း
အပြစ်ဒဏ်ဆပ်ဖြေဖို့ရာအတွက် အစာရှောင်ခြင်းအမှုကို ပြုရမယ်ဆိုတာ မိုးဇယ်မှ တဆင့် ထာဝရဘုရား ကိုယ်တော်တိုင် တောင်းဆိုတော်မူတဲ့ အမှုဖြစ်ပါတယ်။ "သတ္တမလဆယ်ရက်နေ့၌ အလုပ်ကို အလျှင်းမလုပ် ခြိုးခြံစွာ ကျင့်လျှက်နေရမည်။ ထာဝရဘုရားရှေ့တော်၌ အပြစ်ရှိသမျှတို့နှင့် ကင်းစင်မည့်အကြောင်း အပြစ်ဖြေခြင်းကို ပြုရမည်" (၀တ်ပြု ၁၆း၂၉၊ ထွက် ၃၀း၁၀)။ ဒါ့အပြင် ဓမ္မဟောင်း ခေတ်ကာလမှာ အခြားသော ရည်ရွယ်ချက်တွေနဲ့လည်း အစာရှောင်ကြပါတယ် (၁ဓမ္မ ၃၁း၁၃၊ ၃ဓမ္ဓ ၂၁း၂၇၊ နေဟမိ ၁း၎)။ သူတို့ရဲ့ နောင်တစွဲယူခြင်းကို ဖော်ပြဖို့ အဓိဋ္ဌာန်ပြုတဲ့ အနေနဲ့လည်း အစာရှောင်ကြပါတယ် (၂ရာချုပ် ၂၀း၃-၄၊ ဧဇရ ၈း၂၃)။ ဓမ္မဟောင်းမှာ မိုးဇယ်(ထွက် ၃၄း၂၈)နဲ့ ဧလိယ(၃ဓမ္မ ၁၉း၈)တို့ ရက်ပေါင်း(၄၀) အစာရှောင်ခဲ့ကြသလို သခင်ယေဇူးလည်း ပြုခဲ့ပါတယ် (မာတေဦး ၄း၂)။ သခင်ယေဇူးရဲ့ ခေတ်ကာလမှာ ဘာသာတရား ကြည်ညို လေးစားတဲ့ ဂျူးလူမျိုးတိုင်း အစာရှောင်ခြင်းကို ကျင့်ကြပါတယ် (မာတေဦး ၆း၁၆၊ လုကာ ၂း၂၇၊ ၁၈း၁၂)။ တပည့်တော်ကြီးတွေ ဆုတောင်းကြတဲ့အခါ အစာလည်း ရှောင်ခဲ့ကြကြောင်း၊ ယုံကြည်သူများကိုလည်း အစာရှောင်ဖို့ သွန်သင်ခဲ့ကြကြောင်း တွေ့ရပါတယ် (တမန် ၁း၂၆၊ ၂း၃၇၊ ၁၄း၂၃၊ ၁ကော ၇း၅)။ ဒုက္ခ အခက်အခဲ ကြုံတွေ့ရချိန်၊ နတ်ဆိုးရန်သူ၊ လောကရန်သူ၊ သွေးသားရန်သူတွေရဲ့ နှောင့်ယှက်ခြင်းကို ခံရချိန်တွေမှာ အစာရှောင်ခြင်းကို ကျင့်ကြံ သင့်လှပါတယ်။ ဒီအချိန်တွေမှာ နေ့စဉ် ရုန်းကန် ကျင်လည်နေရတဲ့ ဘ၀ထဲက ရုန်းထွက်ပြီး ဘုရားကို အချိန်ပိုပေးဖို့၊ ဘုရားသခင်နဲ့ ပိုမိုပေါင်းစပ်နိုင်ဖို့ ရည်ရွယ်ချက်နဲ့ အစာရှောင်ရမှာ ဖြစ်ပါတယ်။ စစ်မှန်သော အစာရှောင်ခြင်းကတော့ "ငါနှစ်သက်သော အစာရှောင်ခြင်းဟူမူကား မတရားသော အချည်အနှောင်ကိုချွတ်ခြင်း၊ လေးသော ၀န်ကိုချခြင်း၊ ညှင်းဆဲခံရသော သူတို့ကိုလွှတ်ခြင်း၊ ထမ်းပိုးရှိသမျှကိုချိုးခြင်း မဟုတ်လော။ မွတ်သိပ်သောသူကို အစာကျွေးခြင်း၊ နေစရာမရှိ ဆင်းရဲသော သူတို့ကို ကိုယ့်အိမ်သို့ဆောင်ခြင်း၊ အ၀တ်မရှိသော သူကိုမြင်လျှင် အ၀တ်ပေးခြင်း၊ ကိုယ့်ဆွေမျိုးသားချင်းကို ကြည့်ရှု စောင့်ရှောက်ခြင်း မဟုတ်လော" (အီဇာအိယ ၅၈း၆-၇)။

ဆုတောင်းခြင်း
ကျွန်ုပ်တို့တောင်းတဲ့ ဆုတွေရမရဆိုတာ ဆုတောင်းသူရဲ့ စိတ်ခံစားချက်၊ အစွမ်းသတ္တိ စတာတွေနဲ့ မဆိုင်ပါဘူး။ ဘုရားသခင်ရဲ့ ရွှေဥာဏ်တော်နဲ့ တန်ခိုး အာနုဘော်တော်မှာသာ မူတည်ပါတယ်။ ဘုရားသခင်က ဆုတောင်းသူရဲ့ နှိမ့်ချခြင်းနဲ့ သူ့အပေါ်ထားတဲ့ ယုံကြည်ကိုးစားခြင်းကို ဂရု ပြုတော်မူတယ်ဆိုတာ အောက်ပါ ကျမ်းချက်တွေက ဖော်ပြနေပါတယ်။ "အိုဘုရားသခင် ကိုယ်တော်သည် ကျိုးပဲ့ကြေမွသော စိတ်နှလုံးကို ငြင်းပယ်တော် မမူတတ်ပါ" (ဆာလံ ၅၁း၁၇)။ "ထာဝရဘုရားကို စိတ်နှလုံး အကြွင်းမဲ့ ကိုးစားလော့၊ ကိုယ့်ဥာဏ်ကို အမှီမပြုနှင့်၊ သွားလေရာရာ၌ ထာဝရဘုရားကို မျက်မှောက်ပြုလော့၊ သို့ပြုလျှင် သင်၏ လမ်းခရီးတို့ကို ပဲ့ပြင်တော်မူမည်" (သုတ္တံ ၃း၅-၆)။ "အခွန်ခံမူကား အဝေးကရပ်၍ ကောင်းကင်သို့ မမျှော်မကြည့်ဝံ့ဘဲ ရင်ဘတ်ကို ခတ်လျှက် အိုဘုရားသခင် အပြစ်များသော အကျွန်ုပ်ကို သနားခြင်း ကရုဏာ စိတ်ရှိတော်မူပါဟု ဆုတောင်းလေ၏" (လုကား ၁၈း၁၃)။
ဘုရားသခင်ရဲ့ အလိုတော်ကို မနာခံခြင်းဟာ တောင်းတဲ့ဆုတွေကို မပြည့်ဝစေပါဘူး။ "ငါသည် စိတ်နှလုံးထဲမှာ ဒုစရိုက်ကို ငဲ့ကွက်လျှင် ဘုရားရှင်သည် နားထောင်တော်မမူ" (ဆာလံ ၆၆း၁၈-၁၉)။ ကျူးလွန်ထားတဲ့ အပြစ်ကြီးများကို အာပတ်မဖြေဘဲ နေခြင်းဟာလည်း ဆုတောင်းခြင်းအတွက် အတားအဆီး တစ်ခုပါပဲ။ "သင်တို့သည် များစွာသော ပဋ္ဌနာကို ပြုကြသောအခါ ငါသည် နားမထောင်။ သင်တို့၏ လက်သည် အသွေးနှင့် ပြည့်လျက်ရှိ၏။ သင်တို့၏ ဒုစရိုက်များကို ငါ့မျက်မှောက်မှ ပယ်ရှားကြလော့" (ဟေရှာယ ၁း၁၅-၁၆)။ (ယာကုပ် ၅း၁၆၊ ၁ပေရု ၃း၁၂၊ ၁ယော ၃း၂၂)။ သူတစ်ပါးကို ခွင့်မလွှတ်နိုင်ခြင်းကြောင့်လည်း တောင်းတဲ့ ဆုနဲ့ လွဲရပါတယ်။ "သင်တို့သည် ဆုတောင်းသောအခါ သူတစ်ပါး၌ အပြစ်တင်ခွင့်ရှိလျှင် သူ့အပြစ်ကို လွှတ်ကြလော့။ သို့ပြုလျှင် ကောင်းကင်ဘုံ၌ ရှိတော်မူသော သင်တို့အဖသည် သင်တို့၏ အပြစ်ကို လွှတ်တော်မူမည်" (မာကု ၁၁း၂၅)။
ကျွန်ုပ်တို့ ဆုတောင်းသင့်တဲ့ အကြောင်းအရာတွေထဲမှာ လူတွေဘုရားသခင်ကို သိလာစေဖို့ရာ ပထမ အရေးအကြီးဆုံးပါပဲ (မာတေဦး ၆း၁၊ ၉း၃၇-၃၈၊ ရောမ ၁၀း၁၊ ၁တိမော ၂း၁-၄) ဒုတိယ အရေးအကြီးဆုံး ကတော့ အမိအသင်းတော် အတွင်းမှာ ချစ်ခြင်း၊ စည်းလုံးခြင်း၊ ငြိမ်းချမ်းခြင်းရှိဖို့နဲ့ ခံနိုင်ရည်ရှိဖို့ပါပဲ (ယော ၁၇း၂၀-၂၃၊ တမန် ၁၂း၅၊ ရောမ ၁၅း၃၀-၃၁၊ ၂ကော ၁း၁၁၊ ဧဖက် ၁၆-၂၃၊ ၆း၁၉၊ ဖိလိပ္ပိ ၁း၉-၁၁၊ ကောလောသဲ ၄း၁၂)။ ယုံကြည်သူ ဘာသာဝင်များအနေနဲ့ နိုင်ငံအကြီးအကဲများအတွက် (မာတေဦး ၆း၁၀၊ ၁တိမော၂း၁-၂) ဆုတောင်းပေးရမှာ ဖြစ်သလို စိတ်ရှည် သီးခံတတ်ဖို့လည်း ဆုတောင်းကြရပါမယ် (ယောဘ ၄၂း၁၀၊ မာတေဦး ၅း၄၄)။ မိမိတို့တစ်ဦးစီ ၀ိညာဉ်၊ ကာယ လိုအပ်ချက်များအတွက် ဆုတောင်းဖို့လည်း မရှိမဖြစ် လိုအပ်ပါတယ် (မာတေဦး ၂၆း၃၆-၄၆၊ လုကား ၆း၁၂-၁၃၊ တမန် ၁း၂၄-၂၅၊ ဆာလံ ၅၇း၁-၃၊ နေဟမိ ၄း၈-၉၊ တရား ၂၆း၁၅၊ ဖိလိပ္ပိ ၄း၆၊ ၁ပေ ၅း၆-၇)။
ဘုရားသခင်ထံ ဆုတောင်းကြတဲ့အခါ တစ်ချို့က ဆုတောင်းချိန် သီးသန့် သတ်မှတ်ပေမယ့် (ဒံယေလ ၆း၁၀၊ မာတေဦး ၁၄း၂၃၊ မာကု ၁း၃၅) အချိန်အခါနေရာ ဒေသမရွေး ဆုတောင်းနိုင်ပါတယ် (ကမ္ဘာ ၂၄း၁၂-၁၃၊ နေဟမိ ၂း၎၊ လုကား ၅း၁၆၊ ၆း၁၂၊ ၁၈း၁၀၊ တမန် ၁၀း၉၊ ၁တိမော ၅း၅)။ အများနဲ့ ဆုတောင်းတဲ့အခါ တညီတညွတ်တည်း ဖြစ်ဖို့လိုပေမယ့် ကိုယ်တစ်ဦးတည်း ရှိတဲ့အခါ သက်တောင့် သက်သာ ဆုတောင်းနိုင်ပါတယ် (၁ဓမ္မ ၁း၂၆၊ ၃ဓမ္မ ၈း၅၄၊ ဧဇရ ၉း၅၊ လုကာ ၁၈း၁၁၊ ယော ၁၁း၄၁၊ ဧဖက် ၃း၁၄၊ ၁တိမော ၂း၈)။ အဓိက အရေးအကြီးဆုံးကတော့ "သင်တို့ အလိုရှိသမျှကို သင်တို့မတောင်းမီ သင်တို့အဖ သိတော်မူ၏" (မာတေဦး ၆း၈)လို့ သခင်ယေဇူး မိန့်တော်မူတဲ့အတွက် ယုံကြည်ကိုးစားခြင်းနဲ့ ဆုတောင်း ကြဖို့ပါပဲ။

အလှူဒါနပြုခြင်း
အမိအသင်းတော်နဲ့ တကွ သူတော်စဉ်များကို လှူဒါန်းခြင်း၊ လူသားအချင်းချင်း ပေးကမ်း စွန့်ကြဲခြင်းဟာလည်း ၀ါတွင်းကာလရဲ့ ကျင့်စဉ်တစ်ခုဖြစ်ပါတယ်။ ယဉ်ကျေးတဲ့ ဘာသာတိုင်း၊ လူမျိုးတိုင်းက အလှူဒါနပြုဖို့ရာ အားပေးပါတယ်။ "လူသား အချင်းချင်း ကောင်းကျိုးပြုခြင်းက လူတွေမှာ နတ်ဘုရားတွေနဲ့ တူတဲ့ အစွမ်းပါပဲ" လို့ ရောမနိုင်ငံရေး ပညာရှင် စီဆာရို (၁၀၆-၄၃ဘီစီ)က ပြောခဲ့သလို ဂရိအတွေးအခေါ် ပညာရှင် အရစ္စတိုတယ် (၃၈၄-၃၂၂ဘီစီ)ကလည်း "အတ္တကြီးခြင်း၊ တစ်ကိုယ်ကောင်းဆန်ခြင်း၊ မကောင်းကြံခြင်းအားဖြင့် လူတွေဟာ တိရစ္ဆာန်နဲ့တူကြပြီး အချင်းချင်း ရိုင်းပင်းကူညီခြင်း၊ ချစ်ခြင်း မေတ္တာပြခြင်းမှာတော့ ဘုရားနဲ့ တူကြတယ်" လို့ဆိုပါတယ်။ အလှူဒါနပြုခြင်းနဲ့ ပတ်သက်ပြီး သခင်ယေဇူး (မာတေဦး ၃း၁၉၊ ၆း၃၊ လုကာ ၆း၃၉၊ ၁၁း၄၁၊ ၂၁း၎) သာမက သံယောဟန် (၁ယော ၃း၁၆-၁၇)၊ သံယာကုပ် (ယာ ၂း၁၅-၁၆) နဲ့ သံပေါလူး (၂ကော ၈း၁၀-၁၅၊ ၉း၇) တို့ကပါ ဆုံးမ သွန်သင်ခဲ့ကြပါတယ်။ ရဟန္တာ ဂျွန်ခရစ္စဆော့စတုမ်(၃၄၉-၄၀၇အေဒီ)၊ ရဟန္တာဂရေဂေါ်ရီ (၅၄၀-၆၀၄အေဒီ) တို့ကလည်း အလှူဒါနပြုခြင်းဟာ ဘုရားသခင်ကို အားရ ကျေနပ်စေတယ်လို့ မြွက်ဆိုခဲ့ကြပါတယ်။

ပြာခံခြင်း
ဓမ္မဟောင်းမှာ ပြာခံခြင်းဟာ နောင်တသံဝေဂရခြင်း (အက်စတာ ၄း၃၊ ယောဘ ၂း၈၊ ယောန ၃း၈၊ မာတေဦး ၁၁း၂၁)၊ လူသားရဲ့ တန်ဖိုးကင်းမဲ့ခြင်း (ကမ္ဘာ ၁၈း၂၇) အပြင်လူ့ဘ၀ရဲ့နိဂုံး (ကမ္ဘာ ၃း၁၉)ကို ပြဆိုပါတယ်။ ပြာမှာ (Alkali) အယ်လ်ကာလီလို့ခေါ်တဲ့ ဓာတုပစ္စည်းတစ်မျိုး ပါဝင်တဲ့အတွက် အညစ်အကြေးတွေကို ဆေးကြော သန့်စင်နိုင်စွမ်းရှိပါတယ်။ ပြာဟာ ထင်း ပြန်မဖြစ်နိုင်ပေမယ့် ပြာခံခြင်းရဲ့ အဓိပ္ပါယ်ဖြစ်တဲ့ နောင်တစွဲယူခြင်းကို ကျင့်မယ် ဆိုရင်တော့ နောက်ဆုံးသောနေ့မှာ ရှင်ပြန်ထမြောက်ပြီး ထာဝရ သုခ ချမ်းသာခံစားခွင့် ရပါလိမ့်မယ်။

နိဂုံး
ဝါတွင်းကာလရဲ့သမိုင်းနဲ့ ပြာခံခြင်းရဲ့အဓိပ္ပါယ်ကို သိပြီးတဲ့နောက် သခင်ယေဇူးနဲ့အတူ ဘ၀အသစ်မှာ ရှင်ပြန် ထမြောက်နိုင်ကြဖို့ရာ အစာရှောင်ခြင်း၊ ဆုတောင်းခြင်းနဲ့ အလှူဒါနပြုခြင်း ပါရမီများကို ကျင့်ကြံ ကြိုးစားသွားကြပါစို့။




ခံပွင့်
(ရှာဖွေစုစည်းတင်ပြသည်။)

Feb 24, 2010

စိတ်ထားမှန်ကန်ရှောင်ကြဉ်ရန်


စိတ်ထားမှန်ကန်ရှောင်ကြဉ်ရန်

ခြိုးခြံခြင်း၊ ၀ါရှောင်ခြင်းနှင့် အသားရှောင်ခြင်းတို့ကို အကျိုးရှိစွာ လုပ်ဆောင်ရန်အတွက် ၀ိညာဉ်ရေးဆိုင်ရာ ပြင်ဆင်မှုနှင့် ဆောင်ရွက်ချက်များ၊ စိတ်ပိုင်းဆိုင်ရာ ပြင်ဆင်မှုနှင့် ဆောင်ရွက်ချက်များပြုလုပ်ရမည်။

ဝိညာဉ်ရေးပိုင်းဆိုင်ရာ ပြင်ဆင်မှုနှင့် ဆောင်ရွက်ချက်များတွင် မိမိပြုလုပ်ခဲ့သော အပြစ်အမှားများကို နောင်တယူ၍ အာပါတ်ဖြေခြင်း စက္ကရမင်းတူးကို ခံယူရန်နှင့်၊ ကိုယ်တော်မြတ် စက္ကရမင်တူးကို ခံယူရန် အဓိကဖြစ်ပါသည်။ အဘယ်ကြောင့်ဆိုသော် အပြစ်နှင့် ကင်းရှင်းနိုင်မှသာ ဘုရားသခင်နှင့် ပေါင်းစပ်နိုင်မည် ဖြစ်သည်။ ဘုရားသခင်နှင့် ပေါင်းစပ်နိုင်မှ ကုသိုလ် ပါရမီများ ဆည်းပူးနိုင်မှာဖြစ်ပါသည်။

စိတ်ပိုင်းဆိုင်ရာ ပြင်ဆင်မှုနှင့် ဆောင်ရွက်ချက်များတွင် စိတ်ကောင်း နှလုံးကောင်းရှိခြင်း၊ ကောင်းမြတ်ခြင်း၊ သိမ်မွေ့ခြင်း၊ နှိမ့်ချခြင်း၊ သန့်ရှင်းဖြူစင်ခြင်း၊ ဖြောင့်မတ်ခြင်းနှင့် သူတစ်ပါး အပေါ် ကိုယ်ချင်းစာနာစိတ် ရှိခြင်း တို့ဖြစ်ပါသည်။


လက်တွေ့ ကိုယ်ကျင့်တရားပိုင်း ဆိုင်ရာ ပြင်ဆင်မှုနှင့် ဆောင်ရွက်ချက်များတွင် မှန်ကန်ဖြောင့်မတ်သော ကိုယ်ကျင့်တရား၊ မိမိကိုယ်ကို မိမိလက်ခံခြင်း၊ သူတစ်ပါးကို လက်ခံခြင်း၊ ဘုရားကို ယုံကြည်အားကိုးခြင်း၊ ကောင်းမှုများ ပြုလုပ်ခြင်း၊ အလှူပေးဝေခြင်းနှင့် အခြားသူများ၏ လိုအပ်ချက်များကို ဖြည့်ဆည်းပေးခြင်း တို့ဖြစ်ပါသည်။ အပြစ်ဒဏ် ဆပ်ဖြေခြင်းသည် ၀ိညာဉ်ရေး တိုးတက်မှုကို အားပေးသည်။ စိတ်နှလုံး ပြုပြင် ပြောင်းလဲစေကာ ဘုရားသခင်ထံ အမှန်တကယ် ပြန်လည် ရောက်ရှိစေသည်။ နောင်တရားနှင့် ဆိုင်သော ကျင့်စဉ်များသည် လူများကို ဘုရားထံသို့ ပို့ဆောင်ပေးသည်။ အသင်းတော် သမိုင်း တစ်လျှောက် ကျင့်စဉ်များစွာ ပေါ်ပေါက်ခဲ့ရာ တစ်ချို့မှာ အသင်းတော်၏ ဥပဒေအတိုင်း တည်ဆဲဖြစ်ပြီး၊ ယခုကာလတွင် အများစုမှာ မိမိတို့နှင့် သင့်လျော်ရာကို ရွေးချယ် ကျင့်ကြံနေခြင်းဖြစ်သည်။

ဝါရှောင်ခြင်းနှင့် အသားရှောင်ခြင်းသည် ၀ိညာဉ်ရေး တိုးတက် ရင့်ကျက်စေသည်။ ၀ါရှောင်ခြင်း ဆိုသည်မှာ နေ့စဉ် စားနေကျ ထမင်းနပ် အရေအတွက်လျော့ခြင်း ဖြစ်သည်။ အသားရှောင်ခြင်းဆိုသည်မှာ အမဲဟင်းလျာ အသားကို ရှောင်ကြဉ်ခြင်း ဖြစ်သည်။ ဤသို့ ဆပ်ဖြေခြင်းများ၊ ခြိုးခြံခြင်းများသည် မိမိ ၀ိညာဉ်ခွန်အား ရရှိစေရန်၊ သန့်ရှင်းဖြူစင်ရန်နှင့် အပြစ်၏ အခွင့်ချမ်းသာ ရရှိစေရန် အထောက်အကူ ဖြစ်စေပါသည်။ မိမိပြု လုပ်နိုင်ကြောင်း ပြသရန် လုပ်ဆောင်ခြင်း မျိုးမဟုတ်ဘဲ မှန်ကန်သော စိတ်ဓါတ်ဖြင့် ပျော်ရွှင်စွာ ခြိုးခြံ ပူဇော်ရပါမည်။

မိမိကိုယ်ကို ငြင်းပယ်ခြင်းသည် အခြားသူ အတွက်သော်လည်းကောင်း၊ မိမိ အတွက်သော်လည်းကောင်း တနည်းနည်းဖြင့် အကျိုးရှိစေသင့်သည်။ မိမိကိုယ်ကို ငြင်းပယ်ရာ၌ မိမိလိုအင်ဆန္ဒများကို ထိန်းချုပ်ခြင်း၊ နှစ်သက်ရာများကို စွန့်လွှတ်ခြင်းတို့ ပါဝင်ပါသည်။ မိမိအကျိုးအတွက် သာမကဘဲ အများကောင်းကျိုးအတွက် ကောင်းသော ရည်ရွယ်ချက်ထား၍ ပြုလုပ်သင့်သည်။ ရှင်ပေတရုသြ၀ါဒ ဒုတိယစောင် (၁း၅-၁၁) တွင် "သင်တို့သည် ယုံကြည်ခြင်း၌ သီလကို၎င်းင်း၊ သီလ၌ ပညာကို၎င်းင်း၊ ပညာ၌ ကာမဂုဏ် ချုပ်တည်းခြင်းကို၎င်းင်း၊ ကာမဂုဏ်ချုပ်တည်းခြင်း၌ သီလကို၎င်းင်း၊ သည်းခံခြင်း၌ ဘုရားဝတ်ကိုပြု၍ မွေ့လျော်ခြင်းကို၎င်းင်း၊ ထိုမွေ့လျော်ခြင်း၌ ညီအစ်ကို စုံမက်ခြင်းကို၎င်းင်း၊ ညီအစ်ကိုစုံမက်ခြင်း၌ ချစ်ခြင်း မေတ္တာတရားကို၎င်းင်း၊ အလွန်ကြိုးစားအားထုတ်၍ ထပ်ဆင့်ကြလော့၊ အကြောင်းမူကား ထိုပါရမီတို့သည် သင်တို့၌ရှိ၍ ကြွယ်ဝလျှင် ငါတို့သခင်ယေဇူး ခရစ်ကိုသိကျွမ်းခြင်း၌ မပျင်းရိစေခြင်းငှာ၎င်းင်း၊ အကျိုးမဲ့ မဖြစ်စေခြင်းငှာ၎င်းင်း၊ ပြုပြင်တတ်ကြ၏။ ထိုပါရမီနှင့် ကင်းသော သူမူကား မျက်စိကန်း၏။ ကိုယ့်မျက်စိကို ကိုယ်ပတ်၏။ မိမိအပြစ်ဟောင်း ဆေးကြောကြောင်းကို မေ့လျော့၏။ ထို့ကြောင့် ညီအစ်ကိုတို့ သင်တို့ ခံရသော
ခေါ်တော်မူခြင်းနှင့် ရွေးချယ်တော်မူခြင်းကို တည်မြဲစေခြင်းငှာ သာ၍ ကြိုးစား အားထုတ်ကြလော့။ သို့ပြုလျှင် ရွေ့လျားခြင်းနှင့် ကင်းလွတ်သည်ဖြစ်၍ ငါတို့ကို ကယ်တင်တော်မူသော အရှင် သခင်ယေဇူးခရစ်၏ ထာဝရနိုင်ငံတော်ထဲသို့ ၀င်စားခြင်း အခွင့်ကို သင်တို့အားကြွယ်ဝစွာ ပေးသနားတော်မူလတ္တံ့"။ ထို့ကြောင့် မိမိကိုယ်ကို ငြင်းပယ်သော အပြစ်ဒဏ် ဆပ်ဖြေနည်းသည် ၀ိညာဉ်ရေးကို ပြောင်းလဲစေပြီး ခရစ်တော်နှင့် ပိုမိုတူလာစေသည့် အပြင် မိမိကိုယ်ကို ထိန်းချုပ်နိုင်ခြင်း၊ မိမိကိုယ်ကိုထက် ဘုရားသခင်အပေါ် မှီခိုအားထားခြင်း တို့ကို ဖြစ်စေပါသည်။

ကောင်းမှုများပြုခြင်းနှင့် အလှူအတန်း ပေးဝေခြင်းတို့သည် အခြားသူများ၏ လိုအပ်ချက်များကို ဖြည့်ဆည်းပေးရန် မိမိ ကိုယ်ကို ပေးဆပ်ခြင်းဖြစ်သည်။ ရှင်ယောဟန် သြ၀ါဒစာ တတိယစောင် (၁း၅-၈)တွင် "အချင်းချစ်သူ သင်သည် ညီအစ်ကိုတို့အား၎င်းင်း၊ အာဂန္တုတို့အား၎င်းင်း ပြုသမျှသောဝတ်တို့ကို သစ္စာနှင့်အညီ ပြုတတ်၏။ ထိုသူတို့ သည် သင်၏ ချစ်ခြင်းမေတ္တာအကြောင်းကို အသင်းတော်ရှေ့၌ သက်သေခံကြ၏။


သင်သည် သူတို့ကို ဘုရားသခင်၏ အလိုတော်နှင့်အညီ ပို့လိုက်ပြန်လျှင် ကောင်းသော အမှုကို ပြုလိမ့်မည်။ အကြောင်းမူကား ထိုသူတို့သည် နာမတော်ကို ထောက်၍ သာသနာပ လူတို့တွင် အလှူမခံဘဲ သွားကြ၏။ ငါတို့သည် သမ္မာတရားကို ကူမသောသူ ဖြစ်အံ့သောငှာ ထိုသို့သော သူတို့အား ဧည့်သည်ဝတ်ကို ပြုအပ်ကြ၏"။ ကောင်းမှုများ ပြုလုပ်ရာတွင် တစ်စုံတစ်ယောက်အား နှစ်သိမ့်အားပေးခြင်း၊ အကြံဥာဏ်ပေးခြင်း၊ လက်ဆောင်ပေးခြင်း၊ အစားအစာ ကျွေးမွေးခြင်း၊ အချိန်ပေး၍ ကူညီခြင်းတို့ ပါဝင်သည်။ ဤအပြုအမူများသည် ခရစ္စတူးသခင် လိုလားသော ချစ်ခြင်းမေတ္တာကို တိုးပွားစေသည်။ ရက်ရောခြင်းသည် ဘုရားသခင် ကျွန်ုပ်တို့အား ပေးသနားတော်မူသမျှ အားလုံးအတွက် ကိုယ်တော်အားပြန်လည် ကျေးဇူးသိတတ်၊ ဆပ်တတ်ကြောင်း ပြသပါသည်။


ဆုတောင်းခြင်းနှင့် ပြန်လည် ဆန်းစစ်ခြင်းတို့သည် ဘ၀သက်တာ တလျှောက်တွင် ကျင့်ကြံရာများကို လမ်းပြပေးသည်။ ဆုတောင်းခြင်းသည် ဘုရားသခင်နှင့် စကားပြောခြင်း ဖြစ်သည်။ ဆုတောင်းခြင်းတွင် ဘုရားရှင်ကို ဖူးမျှော်ခြင်း၊ အပြစ်များ ၀န်ခံခြင်း၊ ဘုန်းဂုဏ်တော် ချီးမွမ်းခြင်း၊ ကျေးဇူးတော်တင်ခြင်းနှင့် ဘုရားစကား နားထောင်ခြင်း၊ ဘုရားနှင့် အတူရှိနေခြင်း၊ အကူအညီ တောင်းခံခြင်း တို့ပါဝင်နိုင်သည်။ ပြန်လည် ဆန်းစစ်ခြင်း ဆိုသည်မှာ ကျွန်ုပ်တို့ရဲ့ ရည်မှန်းချက်များ၊ ဦးစားပေးချက်များ၊ ကျွန်ုပ်တို့ ပြုလုပ်ခဲ့သော အရာများ အပါအ၀င် ယခုအထိ ကျွန်ုပ်တို့ရဲ့ ဘ၀တစ်ခုလုံးကို ပြန်လည် စဉ်းစား စစ်ဆေးခြင်းဖြစ်သည်။ ဆုတောင်းခြင်းနှင့် ပြန်လှန်ဆန်းစစ်ခြင်းတို့သည် မိမိကိုယ်ကိုလည်းကောင်း၊ ဘုရားသခင်ကိုလည်းကောင်း၊ ပိုမို သိရှိလာစေသည်။ ၎င်းင်းတို့သည် စိတ်နှလုံး အမှန်တကယ် ပြောင်းလဲရန်နှင့် ၀ိညာဉ် အသစ်တဖန်ပြုပြင်ရန် အတွက် အရေးကြီးသည်။


ခရစ္စယာန် ဘ၀အသက်တာ၌ လေ့လာ သင်ယူ ကျင့်ကြံခြင်းသည် ယုံကြည်ခြင်းကို ခိုင်မြဲစေပြီး ၀ိညာဉ်ရေး တိုးတက်စေသည်။ အကျင့်မပါသော ယုံကြည်ခြင်းသည် အသေဖြစ်သလို ယုံကြည်ခြင်းမပါသော အကျင့်သည်လည်း အသေ ဖြစ်ပါသည်။ ထို့ကြောင့် သမ္မာကျမ်းစာနှင့် ရှေးထုံးစဉ်လာ သင်ကြာမှုများတွင် ပါဝင်သော ဘုရားသခင်၏ နှုတ်ကပါတ်တော်ကို နာယူလေ့လာခြင်း ဖြစ်သည်။ ထိုသို့ လေ့လာ သင်ယူကျင့်ကြံခြင်းသည် ကျွန်ုပ်တို့၏ ဘ၀အသက်တာ၌ ဆုတောင်းခြင်းနှင့် ပြန်လည် ဆန်းစစ်ခြင်းတို့တွင် လမ်းပြပေးသည်။ လောက၌ရှိစဉ် ကျွန်ုပ်တို့၏ ရည်မှန်းချက်ကို သတိပေးသည်။ ကျွန်ုပ်တို့၏ ဘ၀ မှန်ကို ပိုမို နားလည်စေပြီး ဘုရားသခင်နှင့် ပိုမို နီးစပ်စေသည်။


အချုပ်အားဖြင့် ဆိုရသော် ခရစ်ယာန်ဘ၀ အသက်တာ၌ ခြိုးခြံခြင်း၊ ၀ါရှောင်ခြင်းနှင့် အသားရှောင်ခြင်းတို့ကို ကိုယ်နိုင်သ
လောက် ကြိုးစား လုပ်ကိုင်နိုင်ပါသည်။ ကျန်သော အရာများကိုလည်း ရှောင်ကျဉ် လို့ရပါသည်။ အပြစ် ဒဏ်ဆပ်ဖြေခြင်းများအားဖြင့် ကျွန်ုပ်တို့၏ အပြစ်အတွက် ခွင့်လွှတ်ခြင်း၊ သန့်ရှင်း စင်ကြယ်စေခြင်းတို့ ရရှိပါသည်။ ဆုတောင်းခြင်း၊ ၀တ်ပြုခြင်း၊ လေ့လာ သင်ယူကျင့်ကြံခြင်း အားဖြင့် ကျွန်ုပ်တို့ရဲ့ ၀ိညာဉ်ရေး ဖွံ့ဖြိုးတိုးတက်မှုကို ရရှိစေပါသည်။ ကောင်းမှု ကုသိုလ်များပြုခြင်းဖြင့် ကျွန်ုပ်တို့၏ ယုံကြည်ခြင်း၊ မျှော်လင့်ခြင်းနှင့် ချစ်ခြင်းမေတ္တာကို တဖန် ဆန်းသစ်ပေးသည်။

နောက်ဆုံးနှစ်ကိုရင်တစ်ပါး (၂၀၀၂)

Feb 22, 2010

အပြစ်ဆိုတာသိရုံနဲ့မပြီးဘူး


အပြစ်ဆိုတာသိရုံနဲ့မပြီးဘူး

လောကကြီးမှာ အဆိုးနဲ့အကောင်းဟာ အမြဲတမ်း ဒွန်တွဲနေပါတယ်။ ကျွန်ုပ်တို့ လူသားတွေကို ပြန်ကြည့်ရင်လည်း မည်သူတစ်ဦး တစ်ယောက်မျှ အပြစ်ကင်းသူ၊ အပြစ်မလုပ်သူ ဟူ၍ မရှိကြပါ။ ဒီလိုအပြစ်လုပ်တဲ့ နေရာမှာ ကိုယ်ကိုတိုင်က လုပ်သည်ဖြစ်စေ၊ သူတစ်ပါးက လုပ်သည်ဖြစ်စေ၊ ဝေဖန်သံတွေ ကြားရပါတယ်။ အပြစ်ပြုခြင်းကြောင့် ဝေဖန်မှုတွေဟာ ကိုယ်ကသူတစ်ပါးကို ဝေဖန်သလို ကိုယ့်ကိုလည်း သူတစ်ပါးက ဝေဖန်ကြပြန်ပါတယ်။
ဒီလိုပတ်ဝန်းကျင် အသိုင်းအ၀ိုင်းက ဝေဖန်သံတွေကို ကြားရတဲ့အခါမှာတော့ ကျွန်ုပ်တို့တွေဟာ မိမိတို့ရဲ့ အပြစ်အနာဆာတွေ၊ ဟာကွက်တွေ၊ အားနည်းချက်တွေ၊ လိုအပ်ချက်တွေကို သိလာရပါတယ်။ ထိုအပြစ် အနာဆာတွေ၊ အားနည်းချက်တွေကို ကျွန်ုပ်တို့က သိထားရုံနဲ့ မပြီးသေးပါဘူး။ အဲဒီအပြစ်တွေ ကနေရုန်းထွက်ဖို့၊ ပြုပြင်ဖို့ အရေးကြီးပါတယ်။ ထိုကဲ့သို့ ပြုပြင်တဲ့နေရာမှာလည်း မိမိဟာ ဘယ်နေရာမှာ လွဲချော်နေတယ်၊ ဘယ်နေရာမှာ မှားနေတယ်၊ ဘယ်လိုပြုပြင်ရမယ်ဆိုတဲ့ နည်းလမ်းကိုတော့ သိဖို့၊ ရှာကြံဖို့တော့ လိုအပ်ပါတယ်။
ယခုလို သိပ္ပံပညာတွေ တိုးတက်လာသည်နှင့် အမျှ ကမ္ဘာမြေကြီးပေါ်မှာရှိတဲ့ အရာတွေဟာလည်း တစ်နေ့တစ်ခြား တိုးတက်ပြောင်းလဲလာတာကို တွေ့ရပါတယ်။ ပြောင်းလဲတဲ့ အရာတွေအများကြီး ရှိနေပေမဲ့ ပြောင်းလဲဖို့ခက်ခဲတဲ့ အရာတစ်ခုကတော့ လူတွေရဲ့မကောင်းသော စိတ်ပင်ဖြစ်ပါတယ်။ လူသားတွေဟာ မိမိမှာ မကောင်းတဲ့စိတ်တွေ၊ မကောင်းတဲ့ အကျင့်တွေ၊ မကောင်းတဲ့ အတွေးအခေါ်တွေ၊ မကောင်းတဲ့ အပြုအမှုတွေ ရှိနေတယ် ဆိုတာကို သိကြတယ်၊ လက်ခံကြပါတယ်။ ဒါပေမဲ့ အဲဒီမကောင်းတဲ့ အကျင့်တွေ၊ အားနည်းချက်တွေကို ပြုပြင်ဖို့အင်မတန်မှ အားနည်းကြပါတယ်။ နှောင့်နှေး နေတတ်ကြပါတယ်။ "ပျက်အစဉ်ပြင်ခဏ"ဆိုတဲ့ စကားပုံလေးကိုတော့ ကျွန်ုပ်တို့ ကြားဖူးကြပါလိမ့်မယ်။ ပျက်စီးနေသောအရာဝတ္ထု ပစ္စည်းတစ်ခုကို ပျက်သည့်အတိုင်း ထားပါက ထာဝစဉ်ပျက်မြဲသာ ဖြစ်နေပေမည်။ အဲဒီပျက်နေတဲ့ အရာတစ်ခုကို ပြုပြင်လိုက်ရင်တော့ ခဏတာ အချိန်ကာလအတွင်းမှာပင် အကောင်းပကတိ ဖြစ်လာနိုင် ပါတယ်။ ဒါကြောင့် ကျွန်ုပ်တို့ရဲ့ မကောင်းတဲ့ အကျင့်တွေကို ပြုပြင်ကြရပါမယ်။
"လူသတင်း လူချင်းဆောင်" ဆိုတဲ့ အတိုင်း သူတစ်ပါးရဲ့အကြောင်းကို ဝေဖန်တဲ့အခါမှာ ကောင်းသော ဝေဖန်ချက်ရှိသလို၊ မကောင်းသော ဝေဖန်ချက်လည်း ရှိကြပါတယ်။ ဒါပေမဲ့ ဝေဖန်ချက် တော်တော်များများကတော့ မကောင်းသော ဝေဖန်ချက်များပင် ဖြစ်ပါတယ်။ တစ်ချို့သော လူတွေဟာ တစ်ပါးသူရဲ့ အားသာချက်ကို မမြင်နိုင်ဘဲ အားနည်းချက်ကိုသာ မြင်တတ်ပါတယ်။ အဲဒါ ဘာကြောင့်လဲဆိုတော့ သူတို့တွေ ကိုယ်တိုင်ကမမှန်သော၊ မတရားသောလမ်းကို လျှောက်လှမ်းနေသောကြောင့်ပင် ဖြစ်ပါတယ်။ တစ်ချို့ကျတော့လည်း သူတစ်ပါးက ဆုံးမတာ၊ အမှားထောက်ပြတာကို လက်မခံနိုင်ကြဘူး။ သိရင်တောင် ခေါင်းမာစွာနဲ့ နေတဲ့ သူတွေလည်း အများကြီး ရှိနေကြပါတယ်။
ရှေးလူကြီးတွေက ချစ်လွန်းရင် နှစ်ရာကျတယ်လို့ ပြောခဲ့ကြပါတယ်။ အချို့သော မိဘတွေ၊ ဆရာသမားတွေ၊ မိတ်ဆွေ သူငယ်ချင်းတွေဟာ မိမိတို့ရဲ့ သား၊ သမီးတွေ၊ တပည့်တွေ၊ သူငယ်ချင်းတွေကို ချစ်အားကြီးပြီး သူတို့တွေရဲ့ အပြစ်အနာဆာတွေ၊ ဟာကွက်တွေကို ဘယ်တော့မှ မပြောဘဲ ဖုံးဖိထားကြပါတယ်။ အဲဒီအချစ်က စစ်မှန်တဲ့အချစ်တော့ မဟုတ်ပါဘူး။ အင်မတန်မှ ကြောက်စရာကောင်းတဲ့ အရာတစ်ခုဖြစ်ပါတယ်။ တစ်ချို့တွေကျ ပြန်တော့လည်း သား၊ သမီးတွေကို ဆုံးမပေးပါအုန်း၊ ကျွန်တော်/မတို့ ဆုံးမလို့ လုံးဝမရဘူးဆိုပြီး ဘုန်းကြီးတွေ၊ ဆရာသမားတွေထံ အပ်တဲ့ မိဘတွေလည်း အများကြီးရှိပါတယ်။ သူတစ်ပါးကို ဆုံးမ ပဲ့ပြင်တဲ့နေရာမှာ အထူး သတိထားရမဲ့ အချက်တစ်ချက်ရှိပါတယ်။ အဲဒီအချက်ကတော့ သူတစ်ပါးကို မဆုံးမခင် မိမိကိုယ်ကို အရင်ဆုံး ဆုံးမ ထားသင့်ပါတယ်။ မိမိကိုယ်တိုင်က လမ်းဖြောင့်ဖြောင့် မလျှောက်နိုင် သရွေ့၊ သူတစ်ပါးကို မင်း လမ်းလျှောက်တာ ဖြောင့်ဖြောင့် လျှောက်စမ်းပါလို့ မဆိုလိုက်ပါနဲ့။ အဲဒီလူဟာ သင့်ရဲ့စကားကို နားထောင်မှာ မဟုတ်တာကတော့ သေချာပါတယ်။
မိမိတို့ရဲ့ အပြစ်တွေကို သိလာပြီ၊ မြင်လာပြီဆိုရင်တော့ အဲဒီအပြစ်တွေကို နည်းသထက် နည်းအောင် ပြုပြင်ကြရပါမယ်။ လူ့ဘ၀မှာ အပြစ်တွေနည်း လာပြီဆိုလျှင် လောဘတွေ၊ အတ္တတွေ၊ ဒေါသတွေ၊ မာန်မာနတွေဟာလည်း တစ်နေ့ထက်တစ်နေ့ လျော့နည်းလာမှာ ဖြစ်ပါတယ်။ မိမိရဲ့ အပြစ်ကို မသိရင်၊ မမြင်နိုင်ရင်တော့ အဲဒီလူဟာ အတ္တနဲ့ ပြည့်နေပြီး အပြစ်ပင်လယ်မှာ နစ်မွန်းနေသူသာ ဖြစ်ပါလိမ့်မယ်။ ဒါကြောင့် အတ္တကြီးနေရင်တော့ အပြစ်ကို ပယ်နိုင်မှာ မဟုတ်ပါဘူး။ ဒါပေမဲ့ အတ္တကနေ အနတ္တသို့ ပြောင်းလဲနိုင် ရင်တော့ အပြစ်ကို သိနားလည်လာပြီး ပြင်ဆင်ကာ ငြိမ်းချမ်းသာယာလှပတဲ့ ဘ၀တွေကို တည်ဆောက်နိုင်မှာ အမှန်ပင် ဖြစ်ပါတယ်။

တာ၀၀ိာံ