စိန်ဗင်းဆင်းဒီပေါလ် အဖွဲ့အစည်းနှင့် မြန်မာနိုင်ငံ
စိန်ဗင်းဆင်းဒီပေါလ်အဖွဲ့အစည်းသည် ဒုက္ခရောက်သူများကို ကူညီခြင်းအားဖြင့် ခရစ်ယာန်မေတ္တာတရားကို လက်တွေ့ အကောင်အထည်ဖော်သော အဖွဲ့အစည်း တစ်ခုဖြစ်သည်။ တစ်နည်းအားဖြင့် ကယ်ဆယ်ရေး အဖွဲ့အစည်း တစ်ခုဖြစ်သည်။ စိန်ဗင်းဆင်းဒီပေါလ်အဖွဲ့ အစည်းကို စတင်တည်ထောင်သူမှာ အသက်(၂၀)အရွယ်ရှိ တက္ကသိုလ်ကျောင်း သားကလေး Fredric Ozanam (ဖရက်ဒရက်အိုဇာနာမ်) ဖြစ်သည်။ ဖရက်ဒရစ်အိုဇာနာမ်သည် (၁၈၁၃) ခုဧပြီလ (၂၃) ရက်နေ့တွင် အီတလီပြည် မီလန်မြို့၌ မွေးဖွားခဲ့သည်။
မိဘနှစ်ပါးမှာ ဂျီးန်အန် တိုနီအိုဇာနာမ်နှင့် မာရီယားနန်တာစ်တို့ဖြစ်သည်။ မိဘတို့၏ ဇာတိမှာ ပြင်သစ်ပြည် လီယွန်မြို့ဖြစ်သည်။ ဖရက်ဒရက်အိုဇနာမ်သည် ဥာဏ်ထက်မြက်ပြီး ထူးချွန်သော ကျောင်းသားတစ်ယောက် ဖြစ်သည်။ အသက် (၁၅) နှစ်အရွယ်မှာပင် ကက်သလစ်ဘာသာကို ပြစ်တင်ပုတ်ခတ်သူများကို ခုခံကာကွယ်သော စာများ ရေးသားခဲ့သည်။လီယွန်ကောလိပ်တွင် ပညာသင်ကြားပြီးနောက် (၁၈၃၀) ခုနှစ်တွင် ဖခင် ဖြစ်သူက ပြင်သစ်ပြည် ပါရီမြို့ရှိ တက္ကသိုလ်ကြီးတွင် ပညာဆက်လက် သင်ကြားစေခဲ့သည်။ ဖရက်ဒရက်အိုဇနာမ် ပါရီတက္ကသိုလ် ရောက်သောအချိန်သည် တက္ကသိုလ်နည်းပြ ကထိက ပါမောက္ခလောကတွင် ရုပ်ဝါဒ လွှမ်းမိုးမှုကြောင့် ခရစ်ယာန်ဆန့်ကျင်ရေး ဆန္ဒများ ပြင်းပြလျက်ရှိသည်ကို တွေ့ရသည်။ ခရစ်ယာန်အယူဝါဒကို လေးစားလိုက်နာသော ကျောင်းသားများလည်း ရှိသည်။ ဖရက်ဒရစ်အိုဇနာမ်သည် ပါရီတက္ကသိုလ်ရှိ လက်ရွေးစင် ကက်သလစ် ကျောင်းသားများကို ဦးဆောင်ပြီး ဘုရားမဲ့ဝါဒ အတိုက်အခံတို့၏ ထိုးနှက်ချက်များကို အကြိမ်ကြိမ် တုံ့ပြန်ခဲ့ကြသည်။ ဖရက်ဒရစ်အိုဇနာမ်နှင့် ကက်သလစ်လူငယ်တို့သည် (၁၈၃၃)ခုတွင် ကျင်းပသော အစည်းအဝေး၌ ကက်သလစ်သာသနာ တစ်ခုတည်းသာလျှင် ခရစ်တော်ကိုယ်တိုင် တည်ထောင်သော သာသနာဖြစ်ကြောင်း အခိုင်အမာဖေါ်ထုတ်ခဲ့ကြသည်။ ထိုအခါ အတိုက်အခံအုပ်စုက မင်းတို့ရဲ့ အသင်းတော်ကြီးဟာ တစ်ချိန်က မဟာအသင်းတော်ကြီးဖြစ်ခဲ့ပေမဲ့ ယခုအချိန်မှာ ဒီအသင်းတော်ကြီး ဘာလုပ်နေသလဲ။ ပါရီမြို့ရဲ့ ပစ္စည်းမဲ့ဆင်းရဲသားတို့ အကျိုးဘယ်လိုများ ကူညီဆောင်ရွက် နေတယ်ဆိုတာ ထောက်ပြစမ်းပါ။ လုပ်ရပ်တွေ ထောက်ပြမယ်ဆိုရင် ငါတို့ယုံမယ်ဟု ပြောလာကြသည်။ ဤဝေဖန်ချက်ကို ဖရက်ဒရစ်အိုဇာနာမ်တို့ လူငယ်တစ်စု ဘ၀င်မကျနိုင်ဘဲ တနုံ့နုံ့ ခံစားကြရသည်။ ဤဝေဖန်ချက်ကို ဖရက်ဒရစ်အိုဇနာမ်တို့ လူငယ်တို့ဘက်က တပန်းသာသယောင် ရှိလာခဲ့သည်။ ဤဝေဖန်ချက်ကို ဖရက်ဒရစ်အိုဇနာမ်တို့ လူငယ်တစ်စုသည် မခံချင်သော စိတ်နှင့် ထိုနေ့တွင်ပင် မြို့ပေါ်ရှိ ဒုက္ခရောက်သူများထံ သွားရောက် တွေ့ဆုံကြမည်ဟု ဆုံးဖြတ်လိုက်ကြသည်။ ဤဆုံးဖြတ်ချက် ချလိုက်သောနေ့သည် စိန်ဗင်းဆင်းဒီပေါလ် အဖွဲ့အစည်း သန္ဓေတည်လိုက်သော နေ့ဖြစ်သည်။ ပထမတွင် ဤအသင်းကို "မေတ္တာမွန် ပရဟိတအသင်း"ဟု အမည် ပေးခဲ့သော်လည်း နောင်တွင် ဆင်းရဲသားများကို စောင့်ရှောက်သော ရဟန္တာစိန်ဗင်း ဆင်းဒီပေါလ်အမည်ကို ကင်းပွန်းတပ်လိုက်ခြင်းဖြင့် စိန်ဗင်းဆင်းဒီပေါလ်အသင်း ဖြစ်လာခဲ့သည်။
စိန်ဗင်းဆင်းဒီပေါလ်အသင်း၏ ပထမညီလာခံကို ပြင်သစ်ပြည်ပါရီမြို့၌ (၁၈၃၃)ခုနှစ်မေလတွင် ကျင်းပကာ စိန်ဗင်းဆင်းဒီပေါလ်အသင်းကို အုတ်မြစ်ချခဲ့သည်။ အသင်း၏ စည်းမျဉ်းများလည်း ရေးဆွဲခဲ့ကြသည်။ ထိုအချိန်က ပါရီမြို့၌ ပစ္စည်းမဲ့ လူတန်းစားများ အလွန် မွဲတေနေကြသည်။ ခိုကိုးရာမရှိဘဲ ဆင်းရဲမှုဒဏ်ကို အလူးအလဲ ခံနေကြရသည်။ ဖရက်ဒရစ်အိုဇနာမ်သည် ဆင်းရဲသားများအတွက် အစားအစာ၊ အ၀တ်အထည်၊ ထင်း မီးသွေး စသည်တို့ကို ဝေငှရုံမက ဘုရားမဲ့ ဆင်းရဲသားဝါဒ၏ အန္တရာယ်မှကာကွယ်နိုင်ရေး အတွက် အသင်းကြီး ထာဝရရှင်သန်စေရန် ဆောင်ရွက်ခဲ့သည်။ ဖရက်ဒရစ်အိုဇနာမ်သည် ဥာဏ်ပညာ ထက်မြက်သည့်အလျောက် ဥပဒေပါရဂူဘွဲ့၊ ကူးသန်းရောင်းဝယ်ရေး ဆိုင်ရာပါမောက္ခ၊ ဆော်ဘွန်းတက္ကသိုလ် စာပေဆိုင်ရာ ပါမောက္ခ၊ သမိုင်းပညာရှင်ကြီး စသဖြင့် ဘွဲ့ထူးအထပ်ထပ် အပ်နှင်းခံရသည်။ သို့သော် သူသည် ဂုဏ်ပကာသနကို စွဲမက်ခြင်းမရှိ သူစိတ်ဝင်စားဆုံးအရာကား စိန်ဗင်းဆင်းဒီပေါလ်၏ ကျင့်စဉ်ဖြစ်သော ဆင်းရဲ ဒုက္ခရောက်သူများကူညီရေးပင် ဖြစ်သည်။ ဖရက်ဒရစ်အိုဇနာမ်သည် (၁၈၅၃) ခု စက်တင်ဘာလ (၈) ရက်နေ့တွင် ကွယ်လွန်သည်။ (၁၉၉၇) ခုနှစ် သြဂုတ်လ (၂၂) ရက်နေ့တွင်
ပုပ်ရဟန်းမင်းကြီး ဒုတိယမြောက်ဂျွန်ပေါလ်မှ ဖရက်ဒရစ်အိုဇနာမ်အား သူတော်စင်ဘွဲ့ကို ချီးမြှင့်ခဲ့သည်။စိန်ဗင်းဆင်းဒီပေါလ်အသင်းကို (၁၈၃၃) ခုတွင် ပြင်သစ်ပြည်ပါရီမြို့၌ ဖွဲ့စည်းပြီးနောက် မကြာမီ ကမ္ဘာအရပ်ရပ် သို့ပျံ့နှံ့သွားသည်။ (၁၈၄၂) တွင် ရောမသို့ ၎င်းင်း၊ (၁၈၄၄)တွင် အင်္ဂလန်သို့၎င်းင်း၊ (၁၈၄၆) တွင် ဂျာမဏီ၊ ဟော်လန်၊ ဂရိ၊ တူရကီ၊ အမေရိကန်ပြည်ထောင်စုနှင့် မက္ကဆီကိုသို့၎င်းင်း၊ (၁၈၄၇)တွင် ဆွစ်ဇာလန်နှင့် ကနေဒါသို့၎င်းင်း၊ (၁၈၅၀) သြစတီးယားနှင့် စပိန်သို့၎င်းင်း၊ (၁၈၅၄)တွင် သြစတြေးလျတိုက်သို့ ၎င်းင်း၊ (၁၈၈၃) တွင် မြန်မာနိုင်ငံသို့၎င်းင်း၊ (၁၉၄၇) တွင် ထိုင်းနိုင်ငံသို့၎င်းင်း အသီးသီးပျံ့နှံ့သွားခဲ့သည်။
စိန်ဗင်းဆင်းဒီပေါလ်အသင်းသည် ယနေ့ ကမ္ဘာ တိုက်ကြီး (၅) တိုက်တွင် (၁၃၉) နိုင်ငံအထိ ပျံ့နှံ့ပြီး အဖွဲ့ဝင်ဦးရေ တစ်သန်းကျော်ရှိသည်။ ဆက်သွယ်ရေးလွယ်ကူစေရန် ကမ္ဘာကို (၆) ပိုင်းပိုင်းပြီး ဒုဥက္ကဌ(၂) ဦးအား တာဝန်ပေးထားသည်။ စိန်ဗင်းဆင်းဒီပေါလ်အဖွဲ့၏ အပြည်ပြည်ဆိုင်ရာရုံးချုပ်မှာ ပြင်သစ်ပြည် ပါရီမြို့တွင် တည်ရှိသည်။ မြန်မာနိုင်ငံသို့ ဆရာတော်ကြီး ဘီဂန်းဒက် လက်ထက်တွင် ရောက်ရှိလာပြီး ရန်ကုန်မြို့ ကာသီဒြယ်ဘုရားကျောင်း၌ (၁၈၈၃) ခု အောက်တိုဘာ (၉) ရက်နေ့တွင် စိန်ဗင်း ဆင်းဒီပေါလ်အသင်း စတင်ဖွဲ့စည်းခဲ့သည်။ (၁၉၀၈) ခုနှစ်တွင် ရန်ကုန်မြို့ စိန်အန်ထော်နီဘုရားကျောင်းတွင်၎င်းင်း၊ (၁၉၁၁) ခုတွင် ရန်ကုန်မြို့ စိန်ဂျွန်းဘုရားကျောင်း တွင်၎င်းင်း၊ (၁၉၁၂)ခုတွင် မန္တလေးမြို့ စိန်ဖရန်စစ်ဇေးဗီးယား ဘုရားကျောင်းတွင် ၎င်းင်း၊ (၁၉၃၈) တွင် မန္တလေးမြို့ ရွှေနှလုံးတော် ကာသီဒြယ်ဘုရားရှိခိုးကျောင်းတွင် ၎င်းင်း အသီးသီးဖွဲ့စည်းခဲ့ကြသည်။
ဒုတိယကမ္ဘာစစ်ပြီးနောက် ရန်ကုန်မြို့ စိန်ဂျွန်းကွန်ဖရင့်မှ ကျန်ကွန်ဖရင့်များ ဆက်လက် လှုပ်ရှားဆောင်ရွက်လျက်ရှိပါသည်။ အာရှတိုက်ရှိ အပြည်ပြည်ဆိုင်ရာ ကောင်စီချုပ်၏ အကြံပြုချက်အရ (၁၉၇၈) ခုတွင် မြန်မာနိုင်ငံ၌ နိုင်ငံတော်အဆင့်ရှိ ပြည်တော်ကောင်စီ (Nationalcouncil) ကိုဖွဲ့ (၁၂.၂.၁၉၉၁)တွင် စိန်ဗင်းဆင်းဒီပေါလ် မန္တလေးသာသနာအုပ်စုကောင်စီ (Diocesan council) ဖွဲ့စည်းခဲ့သည်။ (၁၈.၁၂.၂၀၀၂)တွင် ပုသိမ်သာသနာ အုပ်စုကောင်စီကို၎င်းင်း၊ (၅.၁.၂၀၀၃)တွင် ရန်ကုန်သာသနာအုပ်စု ကောင်စီကို၎င်းင်း၊ (၁၄.၅.၂၀၀၄) ဟားခါးသာသနာ အုပ်စုကောင်စီကို၎င်းင်း၊ (၁၄.၅.၂၀၀၄) ဟားခါးသာသနာအုပ်စု ကောင်စီကို၎င်းင်း၊ (၃၁.၇.၂၀၀၄)တွင် လားရှိုးသာသနာအုပ်စုကို၎င်းင်း အသီးသီး ဖွဲ့စည်းနိုင်ခဲ့သည်။ မြန်မာနိုင်ငံတွင်သာသနာ (၁၂) နယ်ရှိသော်လည်း သာသနာ(၅) ခုသာ စိန်ဗင်းဆင်းဒီပေါလ် သာသနာအုပ်စု ကောင်စီများ ဖွဲ့စည်းနိုင်ပြီး စိန်ဗင်းဆင်းဒီပေါလ် ကွန်ဖ ရင့်ပေါင်း (၁၂၆) ဖွဲ့ဖြင့် ဆင်းရဲသားဒုက္ခ ရောက်သူများကို ကူညီ ပံ့ပိုးလျက်ရှိကြသည်။
ဆင်းရဲ ဒုက္ခရောက်သူဆိုသည်မှာ စားစရာမရှိသူများ၊ ၀တ်စရာမရှိသူများ၊ နေထိုင်စရာမရှိသူများ၊ မကျန်းမာ၍ ဆေးမကုနိုင်သူများ၊ ပညာမသင်နိုင်သူများ၊ စွန့်ပစ်ခံရသူများ၊ အကျဉ်းထောင်တွင် ချုပ်နှောင်ခံရသူများ၊ အလုပ်အကိုင် မရှိသူများ၊ ဖျားနာသူများ၊ ပြည်နှင်ဒဏ်ခံရသူများ ခြုံ၍ ပြောရပါက လူဖြစ်လာပြီး လူ့အဆင့် မနေနိုင်သူများ အားလုံးကို ဆင်းရဲဒုက္ခ ရောက်သူများဟုဆိုလိုသည်။ "ဤကဲ့သို့ ဆင်းရဲဒုက္ခရောက်သူများကို ခရစ်ယာန်များအနေဖြင့် ရှာဖွေ၍ သူတို့ထံသွားရောက်ကာ နှစ်သိမ့်မှုပေးပြီး အကူအညီ ပေးကြပါ" (ဒုတိယဗာတီကန် အစည်းအဝေးမှ ပြဌာန်းချက်) စိန်ဗင်းဆင်းဒီပေါလ်အဖွဲ့ဝင်တိုင်း သည် မိမိ၏ဆန္ဒ၊ မိမိ၏ အပေါင်းအသင်း၊ မိမိ၏အချိန်၊ မိမိ၏ စွမ်းရည်၊ မိမိ၏အကျိုး စီးပွားကိုပဓာနမထားဘဲ ပတ်ဝန်းကျင်ရှိ ဒုက္ခရောက်သူများအား လူမျိုးမရွေး၊ ဘာသာမရွေး၊ အဆင့်အတန်းမရွေး မည်သူ့ကို မဆို ယိုင်းပင်းကူညီရမည်။ ဤအဖွဲ့အစည်းသည် ကမ္ဘာအနှံ့ ဖွဲ့စည်းထားသောအဖွဲ့ ဖြစ်သည်။ တစ်နိုင်ငံနှင့် တစ်နိုင်ငံ အကူအညီ ပေးနိုင်ရန်အတွက် တိုးတက်နေသောနိုင်ငံများနှင့် ဖွံ့ဖြိုးဆဲနိုင်ငံများ ပူးတွဲ ဖွဲ့စည်းထားသည်။ ဆင်းရဲ ဒုက္ခရောက်သူများကို ကူညီရာ၌ စိန်ဗင်းဆင်းအဖွဲ့ဝင်များသည် မိမိ ကူညီထားသော သူတို့အား တရားဟောခြင်း ဘာသာထဲသို့ သိမ်းသွင်းခြင်းစသော အခွင့်ရေးယူမှုများကို ရှောင်ရှားပြီး အကူအညီပေးမှု သက်သက်သာ ပေါ်လွင်စေရမည်။ အဖွဲ့အစည်း၏ လုပ်ငန်းရည်ရွယ်ချက်အောင် မြင်စေရန် အခြားသော ဘာသာရေး၏ လူမှုရေးအဖွဲ့အစည်းလုပ်ငန်း ရည်ရွယ်ချက် အောင်မြင်စေရန် အ
ခြားသော ဘာသာရေး လူမှုရေးအဖွဲ့အစည်းများနှင့် ပူးပေါင်း ဆောင်ရွက်ခြင်းဖြင့် မိမိ၏လုပ်ငန်း အကောင်အထည်ဖေါ်နိုင်သည်။ ဤအသင်းသည် မည်သည့် ကြေးငွေဥစ္စာကိုမျှ လုံးဝ ထိန်းသိမ်းထား ပိုင်ခွင့်မရသော အဖွဲ့အစည်းဖြစ်သည်။ အထက် အဖွဲ့အစည်းနှင့် အခြားသော ကုသိုလ်ရှင်များထံမှ ရရှိသော ပစ္စည်းနှင့်ငွေကြေးများကို အတိဒုက္ခရောက်နေသော ညီအစ်ကို မောင်နှမများ ထံသို့ အမြန်ဆုံး ဖြန့်ဖြူးပေးရမည်။ အုပ်ချုပ်မှုအတွက် သော်၎င်းင်း အဆက်အသွယ်ပြုရာ၌ သော်၎င်းင်း ကုန်ကျစရိတ်ကို နည်းနိုင်သမျှ နည်းနည်းဖြင့် ထိရောက်စွာ ဆောင်ရွက်သွားရမည်။ စိန်ဗင်းဆင်းဒီပေါလ်အသင်းသည် ၀ိညာဉ်ရေးကို အခြေခံသော အသင်းအဖွဲ့ဖြစ်ကြောင်း ပြသနိုင်ရန် တစ်နှစ်လျှင် ပွဲတော်(၂)ပွဲ ကျင်းပကြသည်။ ပထမပွဲတော်မှာ စက်တင်ဘာ (၂၇) ရက်နေ့တွင် ကျရောက်သော စိန်ဗင်းဆင်းဒီပေါလ်ပွဲနေ့ ဖြစ်သည်။ ဒုတိယပွဲတော်မှာ မတ်လ (၂၅) ရက်နေ့တွင် ကျရောက်သော မယ်တော်အား အမိန့်တော်ပြန်ပွဲ (သို့မဟုတ်) ဒီဇင်ဘာ (၈) ရက်နေ့တွင် ကျရောက်သော မယ်တော် အပြစ်မဲ့သန္ဓေယူသော ပွဲနေ့ဖြစ်သည်။ ပွဲတော်ကျင်းပရာတွင် အသင်းတော် အတွက် ပုပ်ရဟန်းမင်းကြီးအတွက်နှင့် စိန်ဗင်းဆင်းဒီပေါလ် အသင်းအတွက် မစ္ဆား ပူဇော်ရသည်။"ငါ၏ ညီများ အနက် အသိမ်ငယ်ဆုံးသူ တစ်စုံတစ်ယောက်ကို သင်ပြုစုသမျှသည် ငါ့ကို ပြုစုသည်မည်၏" ဟု ခရစ်တော် မိန့်တော်မူခဲ့သည့် အတွက် ဆင်းရဲ ဒုက္ခရောက်သူများကို ကူညီခြင်းသည် ခရစ်တော်ကို ကူညီခြင်းဖြစ်သည်။ ထို့ကြောင့် ခရစ်ယာန်များ အနေဖြင့် ဒုက္ခရောက်သူမှန်လျှင် ဘယ်ဒေသမှာ နေနေ၊ ဘာလူမျိုးပဲဖြစ်ဖြစ်၊ ဘယ်ဘာသာ ကိုးကွယ်ကိုးကွယ်၊ ဘာစကားပဲ ပြောပြော၊ ဘာအလုပ်ပဲ လုပ်လုပ်၊ တိုက်ကြီးပေါ်မှာစံစံ၊ တဲကုတ်ပဲ အောင်းအောင်း၊ အရက်ပဲ မူးမူး၊ လမ်းဘေးမှာ လဲလဲ၊ အချုပ်မှာ ပဲရှိရှိ၊ အကျဉ်းထောင်မှာပဲ ကျကျ၊ ဆေးရုံမှာပဲ တက်တက်၊ ပြည်နှင်ဒဏ်ပဲ ခံရခံရ၊ သူတောင်းစားပဲ ဖြစ်ဖြစ်၊ အပယ်ခံဘ၀ပဲ ရောက်ရောက်၊ ခရစ်ယာန် မေတ္တာတရား ရှေ့ထားလျက် ကူညီရန် တာဝန်ရှိကြပါသည်။
ဖရက်ဒရစ်အိုဇနာမ်၏ဆုတောင်း
"အိုဘုရားသခင် ကျွန်ုပ်အပေါ်ချပေးသော ဒုက္ခခံစားမှုနှင့် နှောင့်ယှက်ခြင်းများအတွက် ကိုယ်တော်ကို ကျေးဇူးတင်ပါသည်။ ဤအရာတို့ကို ကျွန်ုပ်အပြစ်များအတွက် ဆပ်ဖြေမှု ဖြစ်စေတော်မူပါ။"
မန်း-သပြေ
No comments:
Post a Comment