သတ္တိခဲမလေး ပီတာလင်း

သတ္တိခဲမလေး ပီတာလင်း

၁၉၈၁ ဧပြီလရဲ့ သာယာတဲ့ နေ့တစ်နေ့မွန်းလွဲပိုင်းမှာ အသက်၁၂ နှစ် သမီးပီတာလင်းဟာ လော်ရီကားကြီး ပေါ်တက်ထိုင်လိုက်တာနဲ့ စိတ်လှုပ်ရှား နေပါတယ်။ သူမဟာ လွန်ခဲ့တဲ့တစ်နာရီ လောက်က ဒါဝင်မြို့ရှိ ဘော်ဒါကျောင်းမှ (၁၁၂)မိုင်ဝေးတဲ့ သူမရဲ့မိဘတွေနေထိုင်တဲ့ ချဲနဲလ်ပွိုင့်ကို ပြန်ရောက်လာတာဖြစ်တယ်။ ခဏနေရင် သူမအလွန်နှစ်သက်တဲ့ သြစတြေးလျ အပူပိုင်းကျေးလက်ဒေသများသို့ လျှောက်လည်ရတော့မှာ ဖြစ်တယ်။ အဲဒီဒေသမှာ ကျွဲရိုင်းတွေ၊ တောဝက်တွေ၊ မိကျောင်းတွေနဲ့ ငှက်မျိုးစုံရှိပါတယ်။ ပတ်ဝန်းကျင်မှာလည်း သာယာလှပနေပါတယ်။

အခုတလော ပီတာလင်းရဲ့ မိဘတွေ ခရီးသွားနေတာမို့ သူမရဲ့ မိဘတွေနဲ့ အတူတူ အလုပ်လုပ်တဲ့ ဟီလ်တန်ဂရေဟမ်က သူမကို စောင့်ရှောက်နေပါတယ်။ သူတို့နှစ်ဦးဟာ တစ်ယောက်ကိုတစ်ယောက် ခင်မင်တွယ်တာကြတယ်။ ပီတာလင်းကို ဂရေဟမ်က "ငါတို့တောဝက်လိုက်ပစ်ပြီး ကျွန်းပေါ်မှာ ကင်စားကြတာပေါ့" လို့ ကားစက်နှိုးပြီး (၁၂)မိုင်ဝေးတဲ့ စမ်းစပရင်းနေရာဘက်ကို မောင်းလာရင်းပြော လိုက်ပါတယ်။ သူတို့ဟာ မြေကွက်လပ် တစ်ခုရှိ ညောင်ပင်တစ်ပင်အောက်မှာ ကားကို ထိုးရပ်လိုက်ကြပါတယ်။

အဲဒီညောင်ပင်ရဲ့ အနီးတစ်နေရာမှာ သူတို့ရဲ့ မော်တော်ဘုတ်ရှိနေပါတယ်။ အရပ်မြင့်မြင့် ကိုယ်လက်သန်မာထွားကျိုင်း တဲ့ဂရေဟမ်က လှေကို ၀ါညစ်ညစ်အရောင်ရှိတဲ့ ရေထဲကိုတွန်းချလိုက်ပါတယ်။ နောက်ပြီးသူရဲ့ သေနတ်ကိုပခုံးပေါ်မှာသိုင်းပြီး လွယ်ထားလိုက်တယ်။ ပီတာလင်းတက်နိုင်ဖို့ လှေကို ငြိမ်အောင်ကိုင်ထားပါတယ်။ ပီတာလင်း လှေထဲကိုရောက်တာနဲ့လှေကို တောက်လျှောက်ရေထဲ တွန်းချလိုက် ပါတယ်။ လှေကို စက်ရှိန်လျှော့ပြီး သစ်ပင်တွေ၊ နွယ်ပင်တွေကြားမှာ ဖြတ်ပြီး ဖြည်းဖြည်းမှန်မှန် ကျွန်းပတ်ဝန်းကျင်တစ်ဝိုက် မောင်းလာပါတယ်။ ပီတာလင်းလည်း လှေဝမ်းရှေ့ပိုင်းမှာ ထိုင်လိုက်လာပြီး စကားကျယ်ကျယ်ပင်မပြောရဲ။ ဘေးပတ်ဝန်ကျင် ရှိထူထဲလှတဲ့ချုံတွေ၊ သစ်ပင်တွေကိုသာ တစ်လျှောက်လုံး စောင့်ကြည့်လာပါတယ်။

ညနေငါးနာရီခွဲလောက်မှာ ရုတ်တရက် သူတို့ရဲ့လှေဟာ ရေတိမ်ပိုင်းက တစ်နေရာမှာ ထိုးရပ်သွားတယ်။ ဂရေဟမ်ဟာ သူ့ရဲ့သေနတ်ကို ပခုံးမှဖြုတ်ပြီး လှေဝမ်းထဲမှာ ထားလိုက်တယ်။ လှေကို ရေနက်ပိုင်းတွန်းချဖို့ရေထဲကို ဆင်းလိုက်တဲ့ အခါမှာ သူ့ရဲ့ပစ္စတိုဟာ ရေထဲကျသွားတယ်။ ရေမှာ ခြေသလုံးမြုပ်ရုံပဲရှိလို့ သူဟာ ဒူးထောက်ပြီး ရေအောက်ရွံ့ထဲမှာ သူ့ရဲ့သေနတ်ကို လိုက်ရှာတယ်။ ကျွန်မ လှေကို တက်ချည်လိုက်မယ်၊ ပြီးတော့ ဦးဦးကို ကူရှာပေးမယ်လို့ ပီတာလင်းက ပြောပြီးရေထဲကို ခုန်ချလိုက်တယ်။ တစ်ဖက်သို့ လေးငါးဆယ် လှမ်းလျှောက်သွားတယ်။

အဲဒီအချိန်မှာ သူ့နောက်ဖက် ကပ်ရဲ့ ပြန်းကနဲ ရေပေါ်ကျလာတဲ့အသံ တစ်သံကြောင့် ဂရေဟမ်ဟာ လန့်သွားတယ်။ သူလှည့်ကြည့်တဲ့အခါ တစ်ဆယ့်သုံး ပေခန့်ရှိတဲ့ မိကျောင်းကြီးတစ်ကောင်ရဲ့ အစွန်းကုန်ဖြဲထားတဲ့ ပါးစပ်ကြီးဖြစ်နေတယ်။ ဂရေဟမ်ဟာ မိမိကိုယ်ကို ကာကွယ်ဖို့အတွက် ဘယ်လက်ကအလိုအလျှောက် အပေါ်ကို မြှောက်တတ်သွားတယ်။ သူ့ လက်ကို မြှောက်လိုက်တာနဲ့ မိကျောင်းဟာ ၎င်းင်းရဲ့ ဖြူဖွေးချွန်ထက်တဲ့ သွားတွေ့နဲ့ ဂရေဟမ်ရဲ့လက်ကို ဖမ်းဟပ်လိုက်တယ်။ ဂရေဟမ်ဟာ နာကျင်တဲ့ဒဏ်ကို သူ့လက် မောင်းတစ်လျှောက်တဖျင်းဖျင်းခံစား လိုက်ရတယ်။ မိကျောင်းကြီးဟာ ဂရေဟမ်ရဲ့ လက်ကို လွှတ်လိုက်တယ်။ ဂရေဟမ်ဟာ နာကျင်လွန်းလို့ အသက်ရှုဖို့ပင် မေ့နေသလိုလို ဖြစ်သွားခဲ့တယ်။

ပီတာ၊ ပီတာ ငါ့ကိုကူပါအုံးလို့ ကမ်းဖက်ကို လှမ်းအော်လိုက်တယ်။ ကလေးမလေးဟာလည်း ကြောက်ပြီး ကမ်းပေါ်မှာ မလှုပ်မယှက်ရပ်နေမိတယ်။ ဂရေဟမ်ဟာ အော်ပြီး အကူအညီတောင်း ပြီးတော့ ဒီကလေးက ဘာတတ်နိုင်မှာမို့လဲဟု တွေးပြီး စိတ်ပျက်သွားတယ်။ မိကျောင်းဟာ သူအမြီးကိုတပြန်းပြန်း ရိုက်နေစဉ် ဂရေဟမ်နေရာမှ ကုန်းထလိုက်တယ်။ အဲဒီအချိန်မှာ မိကျောင်းကြီးဟာ သူ့ဘေးဖက်ကို လှည့်ပြီး သူ့ညာပေါင်ကို ဖမ်း၍ ဟပ်လိုက်တယ်။ သူ့ခန္ဓာကိုယ်မှာ တဖြည်းဖြည်းနဲ့ မိကျောင်းဆွဲရာ ပါနေတာကို သတိထားမိလိုက်တယ်။ သူ့လက်ဖျံကသွေး တွေစီးကျလာတယ်။ သူဟာ ရွံ့ထဲမှာ စွဲမြဲစွာ ကုတ်ကွယ်ထားဖို့ အပြင်းအထန် ကြိုးစားနေတယ်။ တစ်ခုခု တွယ်စရာမရှိရင် မိကျောင်းဆွဲရာသို့ ပါသွားတော့မှာ ဖြစ်တယ်။ မိကျောင်းတွေဟာ သူတို့ရဲ့ သားကောင်ကိုမစားမှီ ရေထဲတွင် အထပ်ထပ် အဖန်ဖန်လိမ့်ပြီး ရေမွှန်းအောင် လုပ်တတ်သည်ကို ဂရေဟမ်သိထားပါတယ်။

ဂရေဟမ်ဟာ အခုမှ မိကျောင်းတစ်ကောင်ရဲ့ မယုံကြည်နိုင်လောက် အောင်ကောင်းတဲ့ ခွန်းအားကို သတိထားမိပါတယ်။ သူ့ခြေထောက်များဟာ ကုပ်တွယ်ထားရာမှ တဖြည်းဖြည်းလျော၍ အန္တရာယ်နည်းရာ ရေတိမ်ပိုင်းမှ မိကျောင်းဆွဲရာကို ပါနေတယ်။ သူ့ညာဖက်လက်ကို မြှောက်ပြီး ပီတာ ငါ့ကိုလာဆွဲပါအုံးလို့ အော်လိုက်တယ်။ သူ့အော်သံကြောင့် ပီတာလင်းဟာ ကြောက်စိတ်တွေပျောက်သွားပြီး ပါးစပ်ကလည်း ဂရေဟမ်လှမ်း ဆွဲပါလို့ လှမ်းအော်ပြီး ရေထဲကိုဆင်းသွားတယ်။ ရေမှာ သူ့ဒူးလောက်အထိနက်ပြီး ရွှံ့ထဲမှာ စမ်းပြီးလျှောက်ရတယ်။ ဂရေဟမ် အနားရောက်တာနဲ့ ဂရေဟမ်လက်မောင်းကို သူမရဲ့လက်နှစ်ဖက်နဲ့ ဖမ်းဆုတ်လိုက်တယ်။ သူ့ခြေထောက်နှစ်ချောင်းကို ရွှံ့ထဲမှာ မြဲမြဲကုတ်ထားပြီး ဒူးကိုကွေးကာ ကိုယ်ကိုနောက်သို့ ယိမ်းပြီး တအားဆွဲယူ လိုက်တယ်။

ပီတာလင်းစိတ်ထဲမှာ လွန်ဆွဲရတာနဲ့ တူနေတယ်။ ဂရေဟမ်မှာ သူမသာ မြဲမြဲမဆွဲထားရင် သေတော့မှာဖြစ်တယ်။ ရေနက်ပိုင်းကို နည်းနည်းရောက်သွားတာနဲ့ မိကျောင်းဟာ ဂရေဟမ်ရဲ့ပေါင်ကို ကိုက်မြဲ ကိုက်ထားပြီး သူ့အမြီးကို တဖြန်းဖြန်း ရိုက်ကာ ၀ုန်းဒိုင်းကြဲနေပါတယ်။ ပီတာလင်းဟာ တဖြည်းဖြည်း သူမပါ မိကျောင်းဆွဲရာနောက်ကို ပါနေတာ သတိထားမိတယ်။ ဒီလွန်ဆွဲပွဲမှာ မိကျောင်းက အနိုင်ရနေပါတယ်။ တစ်မိနစ်၊ နှစ်မိနစ်လောက်အကြာမှာ မိကျောင်းကြီးဟာ ဂရေဟမ်ရဲ့ ကိုယ်ကို ရေအောက်မှာ တစ်ပတ်ပြည့်အောင်ဆွဲပြီး ကျွမ်းပစ်လိုက်တဲ့အခါမှာ ပီတာလင်းပါ ဆုပ်ကိုင်ထားလျက်ပါသွားတယ်။ တကယ်လို့ သူသာ ရုန်းကန်ပြီး မထွက်ရင် သူတို့နှစ်ယောက်လုံး ရေမွန်ပြီး သေသွားနိုင်ပါတယ်။ သူမဟာ သူ့အနေအထားကို ပြင်လိုက်ပြီး အောက်ခြေ ရှိရွှံ့ထဲမှာ ကုတ်တွယ်စရာရှာယင်း သူ့ ခြေချောင်းလေးတွေနဲ့ မြဲမြဲကုတ်ထားပြီး ရှိသမျှအင်အားနဲ့ ဂရေဟမ်ကိုဆွဲထား လိုက်တယ်။ သူမသာ ဒီလိုကြာကြာဆွဲထား နိုင်ရင် တစ်ချက် မဟုတ်တစ်ချက် မိကျောင်းကြီးဟာ သူ့ပါးစပ်ကို ဟလိုက်မှာ ဖြစ်တယ်။

မိကျောင်းကြီးပါးစပ် ဟလိုက်တာနဲ့ ဂရေဟမ်ကို သူလွတ်ထွက်လာအောင် ဆွဲနိုင်မှာဖြစ်တယ်။ သူ့ခါး သာသာနက်တဲ့ ရေတွင်ပီတာလင်းဟာ ဂရေဟမ်ကို ဆက်ဆွဲထားတယ်။ အဲဒီအချိန်မှာ ဂရေဟမ်ဟာ မိကျောင်းကြီးဆွဲသဖြင့် ရေအောက်တွင် နစ်မြုပ်စ ပြုနေပြီဖြစ်တယ်။ ပီတာလင်းဟာလည်း ဂရေဟမ်ရဲ့ စိတ်ပျက်နေတဲ့ မျက်နှာကိုမြင်ပြီး သူမစိတ်ထဲမှာ ဆုံးပြီလို့ တွက်ဆထားပါတယ်။ ဒါပေမယ့် သူမဟာ အသက်တစ်ချက်ရှုပြီး ဆက်ဆွဲထားတယ်။ ရုတ်တရက် မိကျောင်းကြီးဟာ သူ့ကိုယ် လုံးကြီးကို လှိမ့်ရာမှ ရပ်ပစ်လိုက်တယ်။ ပီတာလင်းဟာ ဂရေဟမ်ကို ဆွဲထုတ်ပြီး နောက်ဖက်သို့လဲကျသွားပြီး ဂရေဟမ်နဲ့ အတူမျက်နှာရေပေါ်သို့ အသက်ရှုရန် ဘွားကနဲ ပေါ်လာတယ်။ မိကျောင်းဟာ သူ့ကို ဆက်ကိုက်ထားသော်လည်း ကမ်းစပ်မှ လေးငါးလှမ်းလောက်သာ လိုတော့ရာမှ သူ့ကိုလွှတ်လိုက်ပြီး ရေနက်ထဲကို ငုတ်သွားတယ်။ ပီတာလင်းလည်း စိတ်ဆိုးမာန်ဆိုးနဲ့ ဂရေဟမ်ကို လာလာလို့ပြောပြီး ဆွဲခေါ် လိုက်တယ်။ ဂရေဟမ်မှာ ကြက်သေသေ နေပြီး သူ့မျက်နှာမှာ သွေးမရှိတော့။ သူ့ လက်ဖျံနဲ့ပေါင်မှ သွေးတွေ စီးကျနေတယ်။ သူတို့နှစ်ယောက် နှစ်လှမ်းသာလှမ်းရသေးတယ်။ ဖြန်းကနဲအသံနဲ့အတူ မိကျောင်းကြီး ရေပေါ်ပြန်ပေါ်လာတယ်။

ဂရေဟမ်ရဲ့ ညာဖက်တင်ပါးကို အငမ်းမရ ထိုးဟပ်လိုက်ရာ ဘောင်းဘီမှာ စုတ်သွားပြီး အသားအနည်းငယ် မိကျောင်း ပါးစပ်ထဲပါသွားတယ်။ ပီတာလင်းက ဂရေဟမ်ကို ဆက်ကနဲဆွဲလိုက်သဖြင့် မိကျောင်းကြီးဟာ သူ့ကိုယ်သူ မထိန်းနိုင်ဘဲ နောက်ဖက်သို့ ပြန်ကျသွားတယ်။ သွေးချင်းချင်းနီနေတဲ့ ရေထဲမှာမိကျောင်းကြီးဟာ မျက်စိကို ရေပေါ်ဖော်ပြီး ချောင်းနေတယ်။ သူတို့ နှစ်ယောက်ကမ်းပေါ် ရောက်အောင် လေးဖက်ကုန်းပြီး တက်ရတယ်။ ပီတာလင်းဟာ ဂရေဟမ်ကို မိကျောင်းရန်မှ လွတ်မယ့် ကိုက်ငါးဆယ်လောက်မှာရှိတဲ့ သစ်ပင်တစ်ပင်ဆီတွဲခေါ် သွားပြီး မှီထားခဲ့တယ်။ ဂရေဟမ်မှာ စိတ်ချောက်ခြားပြီး သွေးထွက်များလို့ မလှုပ်နိုင်ဘူး။ သူ့ရှပ်အင်္ကျီနဲ့ ဘောင်ဘီမှာလည်း စုတ်ပြတ်နေတယ်။ ဒီမှာ ခဏနေခဲ့ကျွန်မ ကားကြီး သွားယူလိုက်မယ်လို့ ပီတာလင်းက ပြောပြီး တစ်မိုင်လောက်ရှိ သူတို့ကားထားရာ နေရာသို့ တောလမ်းအတိုင်း ပြေးသွားတယ်။ ရှစ်နှစ်သမီး လောက်ကတည်းက ဂရေဟမ်ဟာ ပီတာလင်းကို ကားမောင်း သင်ပေးမိခဲ့ခြင်း အတွက် ကံကောင်းတယ်လို့ ဆိုရမှာဖြစ်တယ်။ သူမဟာ ကားသော့ကို ဖွင့်လိုက်ပြီး မြန်နိုင်သလောက် အမြန်ဆုံး မောင်းလာတယ်။ ကားကိုမြင်တာနဲ့ ဂရေဟမ် ထော့နင်းထော့နင်းနဲ့ ကားဆီ လျှောက်လာတယ်။ ပီတာလင်းက သူ့ကို ဖေးမပြီး ခရီးသည်ထိုင်တဲ့ ထိုင်ခုံမှာထိုင် ခိုင်းလိုက်တယ်။ ဂရေဟမ်ဟာ မထိုင်နိုင်ဘူး။ ဒဏ်ရာရထားတဲ့ ညာဖက်ပေါင်နဲ့ တင်ပါးကို မထိခိုက်စေအောင် ဘယ်ဖက်ကို စောင်းပြီး ထိုင်လိုက်လာတယ်။

ဒဏ်ရာရထားတဲ့ လက်ကိုတော့ ဘေးမှာ တွဲလောင်း ချထားလိုက်တယ်။ အချိန်ကတော့ (၆)နာရီသာသာ ခန့်ရှိပြီး သူတို့ ချဲနဲလ်ပွိုင့်ကို ထွက်လာတဲ့အခါ မှောင်စပျိုး နေပြီဖြစ်တယ်။ ထွက်လာပြီးနောက် ကိုက်ငါးဆယ်လောက်အရောက်မှာ ဂရေဟမ်ဟာ သတိတစ်ချက် မေ့သွားတယ်။ ပီတာလင်းလည်း ကားကို ရပ်လိုက်ရမလားလို့ စဉ်းစားလိုက်တယ်။ နောက်တော့မှ ကားစတီယာရင်ကို လက်တစ်ဖက်နဲ့ ထိန်းရင်း တစ်ခြားတစ်ဖက်ဖြင့် ဂရေဟမ်ကို လှုပ်ကြည့်တယ်။ ဂရေဟမ်က ညည်းလိုက်ပါတယ်။ ဂရေဟမ်က တစ်ခုခုတော့ပြန်ပြော နေတယ်။ သူမကြားဘူး။ နောက်ပြီးသတိ ပြန်မေ့သွားတယ်။ သူတို့ချဲနဲလ်ပွိုင့်ကို မရောက်မီ ဂရေဟမ်ရဲ့ ညည်းတွားသံကို ကြားရတယ်။

မသေလိုက်ပါနဲ့ ဦးရယ်။ မသေပါနဲ့လို့ ပီတာလင်းက ရှိုက်ပြီးပြောတယ်။ ကလေးမလေးရဲ့ စိတ်သောကရောက်နေ တဲ့အသံကို ကြားရတဲ့ဂရေဟမ်က ရှိသမျှ ခွန်းအားစုပြီး ဘာလို့သေရမှာလဲ။ မသေဘူးကွလို့ အားတင်းပြီး ပြောလိုက်တယ်။ သူတို့ချဲနဲလ်ပွိုင့်ကို ရောက်သွားတဲ့အခါမှာ လူတစ်ယောက်မျှ မရှိဘူး။ ဂရေဟမ်ဟာ ကားပေါ်မှာ ဒယိမ်းဒယိုင်ဖြင့် ၀ါယာလက်စက်ရှိရာလျှောက်သွားပြီး လေးဆယ့်သုံးမိုင် ဝေးတဲ့ပဲ ထရီးဟုမ်းစတက်ကို သူမိကျောင်းကိုက်ခံရကြောင်းနှင့် တစ်ယောက်ယောက် လွှတ်ဖို့ သတင်းပို့လိုက်တယ်။ ဂရေဟမ်ရဲ့ အမျိုးသမီးနှင့် သူမရဲ့မိဘများနေထိုင်တဲ့ ဟုမ်းစတက်မှာ ဆယ့်ကိုးမိုင်သာ ဝေးသော်လည်း ကြားမှာတောင်ကုန်းလေး တစ်ခုခံနေတာကြောင့် ချဲနဲလ်ပွိုင့်ကို တိုက်ရိုက် ရေဒီယို အဆက်အသွယ်မရဘူး။

ပီတာလင်းဟာ မီးဖိုးထဲမှ ဆေးသေတ္တာယူပြီး အင်တီဆက်ပ် တစ်ပေါင်ဒါနှင့် ဂရေဟမ်ဒဏ်ရာမှာ ဖြူးပေးလိုက်ပြီး လိုင်နစ်စ ခပ်သန့်သန့်တစ်ခုဖြင့် ပတ်ရုံသာ ပတ်ထားပေးလိုက်သည်။ အချိန်ကုန်ခံပြီး ပတ်တီးမစည်းတော့ဘူးလို့ ဆုံးဖြတ်လိုက်တယ်။ သူ့ကို ဆေးရုံအမြန်ဆုံး ခေါ်သွားမှဖြစ်မယ်။ သူတို့ဒါဝင်မြို့သို့ ထွက်လာကြတယ်။ ဂရေဟမ်က ထိုင်ခုံပေါ်မှာ ခြေပစ်လက်ပစ် ထိုင်လိုက်လာတယ်။ ဒါပေမယ့် သူ့မျက်လုံးတွေက မမှိတ်ဘူး။ ပီတာလင်း က သူ့ကို ခဏခဏ သတိထားကြည့်တယ်။ တစ်ခါတစ်ခါ သူမဟာ စိုးရိမ်စိတ်ကြောင့် ဦးဦးသတိရတယ်နော်လို့ မေးမိတယ်။ ဂရေဟမ်ကရပါတယ်လို့ ခပ်ပြတ်ပြတ်ပြန် ပြောတယ်။ ဒီလိုနဲ့ လာကြတဲ့အခါမှာ ခပ်လှမ်းလှမ်းတွင် ကားမီးရောင်ကို လှမ်းတွေ့ရတယ်။ ဂရေဟမ်ရဲ့ အမျိုးသမီးဂျွန်အယ် လင်တောင်ဆင်နဲ့ သူ့မောင် ဟင်နရီကား မောင်းလာတာဖြစ်တယ်။ (၇)နာရီ (၄၅) မိနစ်မှာ ကားနှစ်စီးတွေ့ကြပြီး ဂရေဟမ်ကို ကားပြောင်းပေးပြီး ပီတာလင်းပါ သူတို့ နဲ့အတူ ဒါဝင်ကိုလိုက်သွားတယ်။ ည (၁၁) နာရီလောက်မှာ သူတို့ဟာ ဒါဝင်ဆေးရုံကို ရောက်တာနဲ့တစ်ပြိုင်နက် ဂရေဟမ်အား ခွဲစိပ်ခန်းပို့ပြီး သွေးသွင်းရတယ်။ မေးခိုင် ပိုးကာကွယ်ဆေးနှင့် နာကျင်မှုဝေဒနာ သက်သာစေတဲ့ဆေးတွေ ထိုးပေးတယ်။ သူ့ဘယ်ဖက်လက်ဖျံကို ချုပ်လိုက်ရတယ်။ သူ့ပေါင်မှ ကိုးလက်မလောက်ရှိတဲ့ ဒဏ်ရာကြီးကို ဂရုတစိုက်ဆေးကြောပြီး ခြောက်ကပ်စပြုနေတဲ့ သွေးနဲ့အသားတွေကို ခြစ်ထုတ်ပစ်ရတယ်။ နောက်တစ်ပတ်အကြာ မည်သည့်ရောဂါမှ မ၀င်ကြောင်းသိရှိပြီး အမြဲတမ်း လာရောက်ကြည့်သူမှာ ပီတာလင်းပဲ ဖြစ်တယ်။

ပီတာလင်းဟာ တကယ်အံ့သြ စရာကောင်းတဲ့ သတ္တိရှိတဲ့ကလေးပါပဲ။ သူမဟာ မိကျောင်းတွေအကြောင်း ဖတ်ဖူးတယ်။ ဘယ်လိုအန္တရယ်များကြောင်းလည်း ပြောဖူးတယ်။ ဒါပေမယ့် ကျွန်တော် သေရမယ့်အရေးမှာ သူ့အသက်ကိုစွန့်ပြီး ကျွန်တော့်အသက်ကို ကယ်ခဲ့တယ်လို့ ဂရေဟမ်က ပြန်ပြောပြပါတယ်။ ဂရေဟမ်ဟာ ဆေးရုံမှ ဆင်းလာသော်လည်း သူ့ခန္ဓာကိုယ်ပေါ်မှာ အမာရွတ်များ ကျန်နေသေးတယ်။ သူနဲ့ပီတာလင်းတို့ သွားခဲ့ကြတဲ့နေရာများကို မော်တော်ဘုတ်နဲ့ လျှောက်သွားကြရင်း သူ့စိတ်ထဲမှာ မိကျောင်းကြီးက လိုက်ချောင်းနေသလို ခံစားနေရပါတယ်။

၁၉၈၂ အောက်တိုဘာလထဲမှာ ဧလီဇဘက်ဘုရင်မကြီးဟာ သြစတြေးလျကိုရောက်စဉ် ပီတာလင်းကို ၁၉၈၁၊ သြစတြေးလျရဲ့ သတ္တိပြောင်မြောက်ဆုံး၊ စွမ်းဆောင်မှုအတွက် Royal Humane Society မှ တလော့ဒ် ရွှေတံဆိပ်ဆု ချီး မြှင့်ခဲ့တယ်။

မနော (FSAG)