မှတ်သားဘွယ်ရာ သစ်ပင်နှစ်ပင်

မှတ်သားဘွယ်ရာ သစ်ပင်နှစ်ပင်

ကျွန်ုပ်တို့ လူသားများသည် နေ့စဉ်နှင့် အမျှငွေကြေး ပြည့်စုံသည်ဖြစ်စေ မပြည်စုံသည်ဖြစ်စေ စားဝတ်နေရေး အတွက် အလုပ်လုပ်နေကြရသည်။ လူအများနှင့် ထိတွေ့နေကြရသောကြောင့်လည်း မကျေနပ်စရာများ၊ ခွင့်မလွှတ် နိုင်စရာများလည်း တွေ့ကြုံနေကြရသည်။ တစ်ခါတရံ အဘယ်ကြောင့်များ ဤဒုက္ခဆင်းရဲခြင်းများ၊ ရှုံးနိမ့်ခြင်းများ တွေ့နေရသနည်းဟု ကိုယ်ကိုယ်ကို ပြန်လည်သုံးသပ် မိကြသည်။ ညည်းညူ မိကြသည်။ ထိုအဖြေကို ရှာဖွေ စမ်းစစ်ကြည့်လျှင် အဓိကဖြစ်သော အကြောင်းအရာ နှစ်ချက်ကြောင့်ပင်ဖြစ်သည်ဟု ယူဆမိသည်။ ထိုအရာများမှာ တစ်ကိုယ်ကောင်း စိတ်ထားနှင့် မာနတရားတို့ဖြစ်သည်။

ကောင်းသော အလုပ်ကို လုပ်ချင် လျှင်လည်း မိမိစိတ်သာ အဓိကဖြစ်ပြီး၊ မကောင်းသောအလုပ်ကို ပြုလုပ်လိုလျှင်လည်း၊ မိမိကိုယ်တိုင် ပဲ့ကိုင်လျက်ရှိသည်။ ကောင်းမှု၊ မကောင်းမှု လုပ်ကိုင်လိုလျှင် လူသား တို့သည် မည်သူထံမှ အမိန့်တစုံတရာ တောင်းခံရန် မလိုအပ်ပေ။ ဤကောင်းမှုများ၊ မကောင်းမှုများ စတင်ပေါ် ပေါက်သည့် အရင်းအမြစ်သည် ကမ္ဘာဦး အစ ဘုရားသ္ခင် ဖန်ဆင်းတော်မှုခဲ့သော သစ်ပင်ကြီးနှစ်ပင်မှ စတင်ခဲ့သည်။

ဘုရားသ္ခင်သည် အာဒမ်နှင့်ဧ၀ လူသားနှစ်ဦးနှင့် အတူ လှပချိုမြသော အသီးသီးသည့် သစ်ပင်ကြီး တစ်ပင်ကို ဖန်ဆင်းပြီးလျှင် ထိုသစ်သီးကို မစားမိစေရန် တားမြစ်ခဲ့သည်။ သို့သော် လူသားတို့၏ ထုံးစံအရ တားမြစ်သည်ကိုမှ ပိုလုပ်ကိုင်ချင်သောကြောင့်၊ သစ်သီးကို ခူးစား လိုက်ကြသည်။

ထို့ကြောင့် အရှက်တရား များရခဲ့ပြီး၊ အပြစ်များ ကျူးလွန်ခါ၊ ဘုရားရှင်နှင့်လည်း ဝေးကွာခဲ့ကြသည်။ ဘုရားရှင်နှင့် ထိုအချိန်မှ စတင်ပြီး လူသားတို့သည် အထီးကျန်ဆန်ခြင်းနှင့် ၀မ်းနည်းဖွယ်ရာများ၊ တွေ့ကြုံ လာကြရပြီး စိတ်ချမ်းမြေ့ဖွယ်ရာများ ပျောက်ဆုံး ခဲ့ရသည်။ ဤသည်မှာ ပထမဆုံးသစ်ပင်၏ သမိုင်းပင် ဖြစ်သည်။ လူသားတို၏ မာနတရားနှင့် အတ္တကြီးမှုသည် လှပသော သစ်ပင်ကြီးတစ်ပင်မှ စတင်ခဲ့ပေသည်။

လူသားတို့ ဘ၀ကို ထွန်းထောက် လှပစေခဲ့သော သစ်ပင်ကြီးတစ်ပင်သည် လွန်ခဲ့သော နှစ်ပေါင်းနှစ်ထောင်ကျော်က ပါလက်စတိုင်းပြည်မှာ ရှိခဲ့ဖူးပါသည်။

ပထမ သစ်ပင်၏ အကျိုးဆက်ကြောင့် လောက၏ လှပမှုများ ပျောက်ဆုံးသွားခဲ့ ရသော်လည်း၊ ဒုတိယ သစ်ပင်ကြောင့်၊ လူသားတို့၏ အတ္တနှင့်၊ အမှန်းတရားများ လျော့နည်းသွားပြီး ချစ်ခြင်းမေတ္တာနှင့် ပြည့်ဝသော၊ ထွန်းလင်း တောက်ပသော ကမ္ဘာသစ်ပင်ကြီး ပေါ်ထွန်းလားခဲ့သည်။

လွန်ခဲ့သော နှစ်ပေါင်း နှစ်ထောင်ကျော်က ကာလ်ဝါရီတောင်ပေါ်တွင် ရောမမြို့တော် ၀န်တစ်ယောက်က သစ်ပင်ကြီးတစ်ပင်ကို ခုတ်ထွင်စေကာ လက်ဝါးကပ်တိုင် ပြုလုပ်စေခဲ့ပြီး အပြစ်တစုံတရာ မရှိသော၊ ယေဇူးသ္ခင်ကို ထိုလက်ဝါးကပ်တိုင်ပေါ် တင်ကာ၊ ရက်စက်စွာ သေဒဏ်ပေးခဲ့ကြသည်။ ဘုရားရှင်ထံ အသက်တော်ကို လက်ဆောင်သဖွယ် အပ်နှံခဲ့ခြင်းကြောင့်၊ ကမ္ဘာမြေပေါ်တွင် မေတ္တာတရား ပြန်လည် နိုးကြလာခဲ့သည်။ ထိုသစ်ပင်ကို (လှပလင်းလက်သောသစ်ပင်) ဟု ရှေးဦး လက်တင် ဓမ္မသီချင်းထဲ၌ ထည့်သွင်း စပ်ခဲ့ပေသည်။

ပထမဆုံး လူသားတို့၏ အကျင့် သီလကို ပျက်စီးစေခဲ့သော၊ ပထမသစ်ပင်နှင့် ခြားနားစွာဖြင့်၊ ကမ္ဘာမြေကြီးကို သန့်ရှင်း လှပစေခဲ့သော သစ်ပင်ကြီးဖြစ်ပါသည်။

ဘုရားရှင်၏ ရှင်ပြန် ထမြောက်တော်မူခြင်း (၀ါကျွတ်ပွဲတော်)နှင့် အတူ ဤဒုတိယသစ်ပင်၏ လက်ဝါးကပ်တိုင် ပုံသဏ္ဍာန် သင်္ကေတသည် ကမ္ဘာပေါ်ရှိ လူသားထုကြီး၏ သန်းထောင်ပေါင်း များစွာ (ခရစ်ယာန်သက်ဝင် ယုံကြည်သူသာမက၊ ဘာသာခြားများ အပါအ၀င်) အပေါ်လွှမ်းမိုး နိုင်ခဲ့ပါသည်။

ထိုအချိန်မှ စ၍ သန့်ရှင်းသော ၀ိညာဉ်တော်ဘုရားကို ကျွန်ုပ်တို့ထံသို့စေ လွှတ်တော်မူပါ ဘုရား၊ ကမ္ဘာမြေမျက်နှာပြင် ကိုလည်း၊ အသစ်တစ်ဖန် ပြန်လည်ပြုပြင်ပေး တော်မူပါ ဘုရား ဟုဆုတောင်းခဲ့ကြသည်။

ပထမသစ်ပင်ကြောင့် လူသားတို့၏ အကျင့်သီလများ၊ ပျက်စီးယိုယွင်းကား အတ္တနှင့် မာနတရားများ ကြီးစိုးခဲ့ရသည်။ ဒုတိယသစ်ပင် ပေါ်ပေါက်လာမှုကြောင့်၊ ဘုရားရှင်သည် ခါးသီးစွာ ရက်စက်မှုများကို ခံစားခဲ့ရသော်လည်း ကမ္ဘာမြေပေါ်ဝယ် မေတ္တာတရား၊ စိတ်ချမ်းမြေ့ ပျော်ရွှင်ခြင်း၊ ငြိမ်သက်ခြင်း၊ ကြင်နာခြင်း၊ ယဉ်ကျေး သိမ်မွေ့ခြင်းနှင့် ယုံကြည်မှု ချစ်လေးမြတ်ခြင်း တရားများ ပေါ်ပေါက်လာခဲ့သည်။ ဒုတိယ သစ်ပင်ကြောင့် ကမ္ဘာပေါ်ဝယ် မေတ္တာတရားသည် နေရာအနှံ လွှမ်းမိုးသွား ခဲ့ပါသည်။

ထိုကြောင့် ဤထူးခြားသော သစ်ပင်နှစ်ပင်ကို ကျွန်ုပ်တို့ ခရစ်ယာန်တိုင်း အမှတ်ရနေသ၍ အမုန်းတရားများ လျော့နည်းပါးပြီး၊ မေတ္တာတရားများ ပွားများလာမည် ဖြစ်ပါတော့သည်။

(The Son's Course (Gerald Vann),O.P)မှ ဆီလျော်စွာ ပြန်ဆိုထားပါသည်။

ကက်သရင်းခင်