အာရှအမျိုးသမီးများ နှင့်အိမ်ထောင်ရေးကိစ္စ

အာရှအမျိုးသမီးများ နှင့်အိမ်ထောင်ရေးကိစ္စ

ယခုအခါမှာ အာရှဒေသတစ်ခုလုံးက အမျိုးသမီး အများစုအတွက်ကတော့ လက်ထပ်ဖို့ဆိုတာ ဘ၀ရဲ့ပထမဦးစားပေး ရမဲ့ကိစ္စလည်း မဟုတ်တော့ပါ။ အိုးနဲ့အိမ်နဲ့ လူအဖွဲ့အစည်းမှာ နေထိုင်ဖို့အတွက် နောက်ဆုံး အားထားစရာကိစ္စလည်း မဟုတ်တော့ပါ။ လက်ထပ်ခြင်းဆိုတာ ဘ၀နေထိုင်နည်း တစ်မျိုးအဖြစ် ရောက်စပြုနေပါပြီ။ လိုအပ်ချက်တစ်ခုတော့ မဟုတ်တော့ပါ။ ရွေးချယ်စရာတစ်ခုသာ ဖြစ်တယ်လို့ အမျိုးသမီး အများစုက ဆိုကြပါတယ်။ အမျိုးသမီးအများစုဟာ တစ်နေ့မှာ လက်ထပ်ကြမှာ ဖြစ်ပေမဲ့ သူတို့စိတ်ကြိုက် သူတို့ ဖန်တီးယူကြမှာ ဖြစ်ပါတယ်။

တစ်ကိုယ်ရေ အမျိုးသမီးတွေ အားလုံး အိမ်ထောင်ပြုခြင်းနဲ့ သားသမီးမွေးဖွားခြင်းဆိုတဲ့ ကိစ္စတွေကို သူတို့လုပ်စရာ အလုပ်တွေရဲ့ နောက်ဆုံးနေရာမှာ ထားကြတာတော့ မဟုတ်ပါ။ တချို့အမျိုးသမီးတွေက သူတို့ရဲ့ ချစ်သူအမျိုးသားတွေနဲ့ မှန်မှန်Dateလုပ် ကြတယ်။ တချို့ကတော့ သူတို့ရဲ့ဖူးစာ ရှင်ကို Bus ကားမှတ်တိုင်မှာ တန်းစီစောင့်ရင်းနဲ့ပဲ တွေ့လေမလားဆိုပြီး စောင့်စားမျှော်လင့်နေကြပါတယ်။ တချို့ကျတော့လည်း သတင်းစာကြော်ငြာတွေမှာ ကံစမ်းကြတယ်။ ဒါပေမဲ့ တစ်ကိုယ်ရေ အမျိုးသမီးတွေထဲက အနည်းစုကသာ အိမ်ထောင်ရေးအတွက် တွေးပူပြီး ညည အိပ်မပျော်နိုင်အောင်ဖြစ်နေကြပါတယ်။

ယောင်္ကျားရှိရှိ မရှိရှိ သူတို့ဘ၀က ပြည့်စုံတယ်ဟု ဆိုကြပါတယ်။ တစ်ကိုယ်ရေ အမျိုးသမီးတွေမှာ တူညီတဲ့အချက် ကလေးတွေရှိကြတာက အထက်တန်းပညာ တွေတတ်တာ၊ အောင်မြင်တဲ့ အလုပ်အကိုင် တွေရှိနေတာနဲ့ မာနရှိတာစတဲ့အချက်တွေ ဖြစ်ပါတယ်။ သူတို့တတွေအတွက်တော့ အသက်(၃၀-၃၅)နှစ်လောက်ထိ အပျိုကြီး ဖြစ်နေရတာ ရှက်စရာကိစ္စတစ်ရပ် မဟုတ်တော့ပါဘူး။ ဂုဏ်သိက္ခာတစ်ခုအဖြစ်နဲ့ တောင် သဘောထားနေကြပါပြီ။ တချို့ကတော့ ခေတ်မီတယ်လို့ဆိုကြပါတယ်။

တစ်ကိုယ်ရေအမျိုးသမီးတွေ အားလုံးဟာ အလုပ်ကြိုးစားကြတယ်။ ခရီးသွားကြတယ်။ လွတ်လပ်တယ်။ သူတို့ စိတ်မ၀င်စားတဲ့၊ အထင်မကြီးတဲ့ ယောင်္ကျားမျိုးနဲ့ ဘယ်တော့မှ လက်ထပ်ကြမှာ မဟုတ်ပါ။ သူတို့ပြောလေ့ရှိတာက ယောင်္ကျားကောင်း တစ်ယောက်ဆိုတာ မိန်းမနဲ့ခြေလှမ်းညီပြီး မိန်းမရဲ့ခြေမကို တက်မနင်းတဲ့ လူဖြစ်ရမယ်လို့ဆိုကြပါတယ်။ ဒီလို အမျိုးသမီးများ သူတို့လိုချင်တာက အဖေါ်ဖြစ်ပါတယ်။ အုပ်ထိန်းသူကို လိုချင်တာမဟုတ်ဘူး။ ဒီလိုယောင်္ကျားမျိုး ရှားတယ်လို့လည်း ပြောတတ်ကြပါတယ်။ တချို့ကတော့ အောင်မြင်တဲ့ အိမ်ထောင်ရေးဆိုတာ အင်မတန်နည်းပါတယ်၊ ဒါကြောင့် သူတို့အနေနဲ့ အလကားအချိန်ကုန်ခံပြီး ရှာမနေပါဘူး လို့ပြောကြပါတယ်။

တစ်ချို့ တစ်ကိုယ်ရေအမျိုးသမီးများ ဆိုကြတာက အိမ်ထောင်ရေးဆိုတာ ဘ၀မဟုတ်ပါ၊ ပြဿနာတွေပါလို့ ဆိုတယ်။ အပျိုကြီး လုပ်နေတဲ့သူများကို တစ်ချို့ကတော့ အထီးကျန်နေရတဲ့ ဒုက္ခထက် ပိုဆိုးပါတယ်လို့ ဆိုကြပါတယ်။ အပျိုကြီး အယူအဆတွေကို တစ်ချို့က ထုံးစံဖျက်တာလို့ ရှုံ့ချကြပါတယ်။ အတွေးအခေါ်တွေ ပြောင်းလဲ တိုးတက်နေကြပြီလို့ဆိုပေမဲ့ အမျိုးသမီးဆိုတာ ဇနီး၊ မယားဖြစ်ရမယ်၊ မိခင်ဖြစ်ရမယ်ဆိုတဲ့ အယူအဆတွေ လွှမ်းမိုးနေဆဲဖြစ်ပါတယ်။ မိသားစုနဲ့ပတ်ဝန်းကျင်ကနေ အမျိုးသမီးတွေကို အိမ်ထောင်ပြုဖို့ အမြဲတမ်း ဖိအားပေးလေ့ရှိပါတယ်၊ အများစုက နောက်ဆုံးလိုက်နာ သွားကြပါတယ်။ သမီးတွေ ဘာကြောင့် အိမ်ထောင်မပြုချင်တာလဲဆိုတာကို ဖခင်တွေထက် မိခင်တွေက ပိုနားလည်ကြပါတယ်။ အိမ်ထောင် တစ်ခုလုံးရဲ့ တာဝန်ကိုအမျိုးသမီးတွေကချည်း ဒိုင်ခံယူနေကြရတာ မဟုတ်ပါလား။ တစ်ချို့နိုင်ငံတွေမှာဆိုရင် အမျိုးသမီးတွေဟာ ယောင်္ကျားရဲ့ တာဝန်အပြင် ယောက္ခမကြီးတွေရဲ့ တာဝန်ကိုပါ ယူကြရပါတယ်။ သားသမီးတွေရဲ့ တာဝန်ကျတော့လည်း ဇနီးမယားရဲ့ တာဝန်သာ ဖြစ်ပြန်တယ်။

ကိုးရီးယားနိုင်ငံမှာ တချို့က အမျိုးသမီးတွေ အိမ်ထောင်မပြုဘဲနေတာ၊ သားသမီးယူဘဲနေတာကို သဘောမကျကြပါဘူး။ အမျိုးသမီးတွေအိမ်ထောင်ရေး တာဝန်ကို ရှောင်ကွင်းတာဟာ သားသမီး မွေးဖွားဖို့ ရှောင်ကွင်းတာနဲ့ ထပ်တူကြောင်း လူလောကကြီး မျိုးဆက်ပြတ်သွားစေမဲ့ အန္တရာယ်ရှိတယ်လို့ဆိုကြပါတယ်။ ဒီအချက်ကို တချို့နိုင်ငံအစိုးရတွေကလည်း စိုးရိမ်ကြပါတယ်။ ဂျပန်နဲ့ထိုင်ဝမ်မှာဆိုရင် ဒီပုံသဏ္ဍာန်ဟာ တော်တော်ကြီးသိသာထင် ရှားနေပါတယ်။ စင်္ကာပူနဲ့မလေးရှားမှာတော့ ပြောင်းလဲမှုက ပိုထင်ရှားပါတယ်။ ဂျပန်နိုင်ငံရဲ့ ကျန်းမာရေးနဲ့လူမှုဖူလုံရေး ၀န်ကြီးဌါနက ၁၉၈၀ ပြည့်နှစ် နောက်ပိုင်းကာလမှာ မွေးဖွားတဲ့မိန်းကလေး (၇) ယောက်မှာတစ်ယောက်ဟာ အိမ်ထောင် မပြုဘဲနေလိမ့်မယ်လို့ ခန့်မှန်းထားပါတယ်။ ဂျပန်နိုင်ငံရဲ့ လက်ရှိကလေးမွေးဖွားနှုန်းဟာ ဒီအတိုင်းသာရှိနေမယ်ဆိုရင် နောက်ရာစုနှစ်အကုန်လောက်ရောက်တဲ့အခါမှာ ဂျပန်နိုင်ငံရဲ့ လူဦးရေဟာ အခုရှိနေတာရဲ့ တ၀က်သာရှိတော့မယ်လို့ ခန့်မှန်းထားပါ တယ်။ ဒီအန္တရာယ်ကို ကာကွယ်ဖို့အတွက် အစိုးရက နေ့ကလေးထိန်းဌါနတွေ တိုးချဲ့ဖွင့်လှစ်ဖို့ ဒေါ်လာ ၅၃၆ သန်း သုံးစွဲပြီး ဆောင်ရွက်နေပါတယ်။ တချို့မြို့တွေမှာ ဆိုရင် လူငယ်အိမ်ထောင်သည်တွေအတွက် အိမ်ခန်းတွေ ဦးစားပေး ရောင်းချတာတို့၊ အခွန်ကင်းလွတ်ခွင့် ပေးတာတို့ ပြုလုပ်ပေးပါတယ်။

စင်္ကာပူအစိုးရကတော့ အောင်သွယ်လုပ်ငန်းတွေ ဆောင်ရွက်ပေးတဲ့ဌါန တစ်ခုဖွင့်လှစ်ထားပြီးဖြစ်ပါတယ်။ အလုပ်သမား မိခင်တွေအတွက် ကလေးပြုစု စောင့်ရှောက်စရိတ် ထုတ်ပေးတာတို့၊ ကလေးအတွက် အခွန်လျှော့ပေါ့ခွင့်ပေးတာ တို့လည်း လုပ်ပေးနေပါတယ်။ အခွင့်အရေး သာတူညီမျှရရှိရေး ကော်မရှင်အကြီးအကဲ "ဖန်နီချောင်း"ပြောတာက အလုပ်လုပ်တဲ့ အမျိုးသမီးများဟာ နိုင်ငံကြွယ်ဝချမ်းသာ လာဖို့အတွက်အရေးပါတဲ့ ကဏ္ဍကပါဝင်ခဲ့ကြကြောင်း၊ သူတို့ကို ရှုတ်ချမဲ့အစား ကျေးဇူးတင်ဖို့ ကောင်းကြောင်း အမျိုးသမီးတွေ အိမ်ထောင်မပြုဘဲနေကြတဲ့ အဓိက အကြောင်းတစ်ရပ်ကတော့ လုပ်ငန်းမှာ ပိုအောင်မြင်တဲ့အတွက်လို့ ဆိုလိုပါတယ်။

မလေးရှား အမျိုးသမီးစီးပွါးရေး လုပ်ငန်းရှင်များရဲ့နာယကဖြစ်သူ "စကီဇာဘာမက်"ကလည်း တစ်ကိုယ်ရေအမျိုးသမီးများဟာ သူတို့ရဲ့ အလုပ်ကိုဂရုစိုက်ပြီး အလေးအနက်ထားကြောင်း၊ သူတို့အဖို့ Date လုပ်မယ့်အချိန်ဆိုတာ စိတ်ကူးထဲတောင် မထည့်ကြတော့ဘူးဆိုတဲ့အကြောင်း ထုတ်ဖော်ပြောကြားပါတယ်။

ကွာလာလမ်ပူမြို့တော်က ပုံနှိပ် ထုတ်ဝေရေးနဲ့ လူထုဆက်သွယ်ရေးကုမ္ပဏီကြီးရဲ့ ဦးဆောင်ညွှန်ကြားရေးမှူး အသက် (၃၀) အရွယ်ရှိတဲ့ "ခုတော့ဟဒ်"ပြောတာက အခုချိန် သူအဓိက စဉ်းစားနေတာဟာ စိးပွားရေးဖက်စပ် လုပ်ဖို့ဝါသနာဖြစ်ပါသတဲ့။ ပါတနာကောင်း တစ်ယောက်ရဖို့ဖြစ်ပြီး၊ ယောင်္ကျားကောင်း တစ်ယောက်ရဖို့ မဟုတ်ဘူးလို့ ဆိုပါတယ်။

လွန်ခဲ့တဲ့ (၁၀) ရာစုနှစ်တစ်ခု လောက်အထိအချိန်ဆိုတာ အမျိုးသမီးတွေ ဖြုန်းနိုင်တဲ့ ဇိမ်ခံ ပစ္စည်းတစ်ခုလိုဖြစ်နေပါတယ်။ ရှေးထုံးကတော့ အမျိုးသမီးတစ်ယောက် အသက် (၂၅) နှစ်ကျော်လာပြီဆိုရင် ကမန်းကတန်း အိမ်ထောင်ပြုကြရတယ်။ အသက်ကြီးလာလေ သတို့သားရဲ့ အရည်အချင်းကိုလျှော့ပြီး တောင်းဆိုလာ ကြရလေဖြစ်သည်။ အခုအခါမှာတော့ ဒီလို မဟုတ်တော့ပါ။ အမျိုးသမီးတွေဟာ အသက် (၂၅) နှစ်ပဲဖြစ်ဖြစ် (၃၅) နှစ်ပဲ ဖြစ်ဖြစ် သတို့သားရှိရမဲ့ အရည်အချင်းကို လျှော့ပစ်မှာမဟုတ်ဘူး။ သူတို့ဆန္ဒကိုတော့ မစွန့်ဘဲ သတို့သားကိုသာ စွန့်ချင်စွန့်မှာ ဖြစ်ပါတယ်။

ကိုရီးယားစာရေးဆရာတစ်ဦး ဖြစ်သူ "ယီ"က ဒီလိုရေးခဲ့ဖူးပါတယ်။ "ပျားများ၏ အဖွဲ့အစည်းသည် အကောင်းဆုံး အဖွဲ့အစည်းဖြစ်ကြောင်း၊ ပျားအဖွဲ့အစည်း၌ ဘုရင်မမှလွဲ၍ ကျန်ပျားတိုင်း အလုပ်လုပ်ကြရ၍ သားဖွားတာဝန်ယူသည့် ပျားကို ဘုရင်မနေရာမှာထားသည်ကို ၎င်းင်းအနေနှင့် သဘောကျကြောင်း အမျိုးသမီးများသည် ဘုရင်မ ဖြစ်နိုင်သည့်လမ်းကြောင်းကို စွန့်ပြီး အဘယ့်ကြောင့်လုပ်သား ပျားများ ဖြစ်ချင်သည်ကို နားမလည်နိုင်ပါ"လို့ ရေးသားခဲ့ပါတယ်။ စာရေးဆရာ "ယီ"လိုပဲ မိဘတော်တော်များများကလည်း ခုခေတ် အသက် (၂၀) တစ်ကိုယ်ရေအမျိုးသမီးများကို နားမလည်နိုင်ဘူးလို့ဆိုပါတယ်။ အိမ်ထောင်ပြု သားသမီးတွေပွားစည်းမှ အိုမင်းတဲ့အခါ စိတ်အေးရမှာပေါ့လို့ ပြောကြပါတယ်။ လူ့အဖွဲ့အစည်း တည်တံ့ခိုင်မြဲဖို့အတွက် အမျိုးသမီးတွေဟာ ကလေးမွေးတဲ့ တာဝန်ကိုယူရမယ်လို့ ပြောတတ်ကြပါတယ်။ အခုဆိုရင် အာရှဒေသက အစိုးရ တော်တော်များများကလည်း ဒီလိုစကားမျိုးကို ပြောနေကြပါတယ်။ သူတို့ ဒေသတွေမှာ ဖခင်အိုကြီးတွေက အစိုးရအဖွဲ့ကို ခေါင်းဆောင်နေကြရတာများလို့ ဖြစ်ပါတယ်။ အမျိုးသမီးတွေကတော့ လူ့ အဖွဲ့အစည်းဟာ အမျိုးသမီးကို ကလေးမွေးဖို့ကိစ္စထက် ပိုပြီး အားကိုး အားထားပြုနိုင် ပါတယ်လို့ပြောကြပါတယ်။ တကယ်လည်း အားကိုး အားထားပြုနိုင်တယ်ဆိုတာ သူတို့က လက်တွေ့ပြနေကြကြောင်း တင်ပြလိုက်ရင်း ၂၁ ရာစု အာရှအမျိုးသမီးများနဲ့ သူတို့ရဲ့ အိမ်ထောင်ရေးအပေါ်ခံယူထား ရှိတဲ့အမြင် တစေ့တစောင်းကို တင်ပြလိုက်ရပါတယ်။

မမာလာ (RVA)