Sep 5, 2010

ခရစ်ယာန်နှင့်ဆုတောင်းခြင်း


ခရစ်ယာန်နှင့်ဆုတောင်းခြင်း

ဆုတောင်းခြင်းသည် လူနှင့် ဖန်ဆင်းရှင်ဘုရားသခင်တို့၏ ဆက်သွယ် မိတ်သဟာယဖွဲ့ခြင်း၊ စကားပြောခြင်းပင် ဖြစ်ပါသည်။ ခရစ်ယာန် အသက်တာ၌ ဆုတောင်းခြင်းသည် အမြင့်ဆုံးနှင့် အလေးနက်ဆုံးသော ဘုရားသခင်နှင့် ဆက်သွယ် မိတ်သဟာယဖွဲ့ခြင်း၊ အပြန်အလှန် စကားပြောခြင်း၊ လိုအပ်သောအရာများ ဝေမျှပြောဆိုခြင်း ဖြစ်သည်။ ဘုရားသခင်သည် နာမ်ဝိညာဉ် ဖြစ်သည်။ "ဘုရားသခင်ကို ကိုးကွယ်သော သူတို့သည် နာမ်ဝိညာဉ်နှင့်လည်းကောင်း၊ သစ္စာနှင့်လည်းကောင်း ကိုးကွယ်ရမည်ဟု မိန့်တော်မူ၏" (ယော - ၄း၂၄)။
"ထိုသို့ ဘုရားသခင်သည် မိမိ ပုံသဏ္ဍာန်နှင့် အညီ လူကို ဖန်ဆင်းတော်မူ၏" (တ-၁း၂၇) ။မိမိ ဖန်ဆင်းရှင် ထာဝရဘုရားသခင်နှင့် မိတ်သဟာယဖွဲ့လျက် အပြန်အလှန် စကားပြော ဆက်သွယ်ထိတွေ့ချိန်သည် ခရစ်ယာန် အသက်တာ၌ အရေးကြီးဆုံး အချိန် ဖြစ်သည်။ ခပ်သိမ်းသော အမှုတို့ကို တတ်နိုင်တော်မူသော ဘုရားသခင်နှင့် မိတ်သဟာယဖွဲ့ခြင်းသည် ခရစ်ယာန်တို့ အသက်တာ၌ အနှစ်သက်ဆုံး ကျေနပ်ဆုံး အချိန် ဖြစ်ရပေမည်။

တမန်တော် ရှင်ပေါလုက "ညီအစ်ကိုတို့ အသက်ရှင်ခြင်း လက္ခဏာ၊ သန့်ရှင်းခြင်း လက္ခဏာဘုရားသခင် နှစ်သက်တော်မူသော လက္ခဏာနှင့် ပြည့်စုံသောယဇ်ကို သင်တို့သည် ပူဇော်၍ မိမိကိုယ်ခန္ဓာကို ဘုရားသခင်အား ဆက်ကပ်ခြင်းတည်းဟူသော သင်တို့ ပြုအပ်သော ၀တ်ကိုပြုမည့်အကြောင်း၊ ဘုရားသခင်၏ ကရုဏာတော်ကို ထောက်ထား၍ သင်တို့ကို ငါတိုက်တွန်း နှိုးဆော်ပေ၏" (ရောမ - ၁၂း၁) ဟု ဖော်ပြထားပါသည်။ ခရစ်ယာန်ဖြစ်လျှင် အသက်ရှင်ဖို့ရန် ဆုတောင်းခြင်းမဟုတ် အသက်ရှင်သောသူများက ဘုရားသခင်၏ ကျေးဇူးတော်ကို သိရှိခြင်းဖြင့် ချီးမွမ်းခြင်းဖြစ်၏။ သေဆုံးသောသူနှင့် ၀ိညာဉ်၌ သေနေသော ခရစ်ယာန်များ ဆုမတောင်းတတ်ပါ။ ထိုသူများအတွက် အဓိက ဆုတောင်းပေးသင့်သည်။ ဆုတောင်းခြင်းအမှုကိုပြုသော ခရစ်ယာန်သည် ဘုရားသခင်၌ သစ္စာရှိသောသူ ဖြစ်သည်။ ဆုတောင်းခြင်းသည် ခရစ်ယာန်တို့၏ အသက်ရှူခြင်း ဖြစ်သည်။

ဆုတောင်းခြင်း (pray) ဟု ဆိုရာ၌လည်း ဘုရားသခင်ထံမှာ ဆုကိုတောင်းခံခြင်း မျိုးမဟုတ်ပါ။ ဘုရားသခင်နှင့် ဆက်သွယ် မိတ်သဟာယဖွဲ့ခြင်း ဖြစ်၏။ ဆုတောင်းခြင်းဟူသော စကားလုံးသည် သမ္မာကျမ်းစာတွင် (၄၅၃)ကြိမ်ထက်မနည်း ဖော်ပြလျက် ရှိပေသည်။ ဘုရားသခင် အလိုရှိ၍ သမ္မာကျမ်းစာတွင် ဖော်ပြခြင်း ဖြစ်သည်။

ခရစ်တော်က "တောင်းကြလော့၊ တောင်းလျှင်ရမည်။ ရှာကြလော့၊ ရှာလျှင် တွေ့ မည်။ တံခါးကို ခေါက်ကြလော့၊ ခေါက်လျှင် ဖွင့်မည်။ ဆုတောင်းသော သူတို့အား ကောင်းသောအရာကို သာ၍ ပေးတော်မူမည် မဟုတ်လော" (မာတေဦး - ၇း၇) ဟု မိန့်တော်မူသည်။ ဓမ္မဟောင်းတွင်လည်း "ဆုတောင်းသောအခါ သင်တို့ စကားကို ငါနားထောင်မည်" ဟု (ယေ- ၂၉း၁၂) ဖော်ပြခဲ့ပါသည်။ "ကျေးဇူးတော်ကို ချီးမွမ်းခြင်း ယဇ်ကို ဘုရားသခင်အား ပူဇော်လော့၊ သစ္စာကတိထားသည့် အတိုင်း အမြင့်ဆုံးသော ဘုရား၌ သစ္စာဝတ်ကို ဖြေလော့" ( ဆာ - ၅၀း၁၄)။ ကျေးဇူးတော်ချီးမွမ်းခြင်း ယဇ်ကို ပူဇော်ခြင်းဆိုရာ၌ ဆုတောင်းခြင်းကို ဆိုလိုပါသည်။ အမြဲတမ်း ကျေးဇူးတော် ချီးမွမ်းခြင်း၊ ယဇ်ပူဇော်ခြင်းသည် အမြဲတမ်း ဆုတောင်း ပတ္ထနာပြုခြင်း ဖြစ်သည်။

ခရစ်တော် ကိုယ်တော်တိုင် မကြာခဏ ဆုတောင်းခြင်း ပြုခဲ့သည်။
(၁) ခရစ်တော်သည် ဗတ္တိဇံကို ခံတော်မူချိန် ဆုတောင်း၏။ (လု - ၃း၂၁)
(၂) ခရစ်တော်သည် လူသားများ တစ်ကိုယ်ကောင်းစိတ်ကို ငြင်းပယ်နိုင်ရန် မိုးမလင်းခင် ဆုတောင်း၏။ (မာကု- ၁း၃၅)
(၃) ခရစ်တော်သည် လူသားများ တည်မြဲသော ၀ိညာဉ်တော်နှင့် ဆိုင်သော နိုင်ငံတော်ကို စွဲမြဲစေရန် ဆုတောင်း၏။ (လု- ၅း၁၆)
(၄) ခရစ်တော်သည် တပည့်တော် ၁၂ ပါးကို မရွေးခင် တစ်ညလုံး ဆုတောင်း၏။ (လု- ၆း၁၂)
(၅) ခရစ်တော်သည် လူအပေါင်းတို့တလုံးတ၀တည်း ဖြစ်စေခြင်းငှါ ဆုတောင်း၏။ (ယော- ၁၇း၁၁)
(၆) ခရစ်တော်သည် မိမိ၏၀ိညာဉ်နှင့် ဆိုင်သော နိုင်ငံတော်ကို လူတိုင်းသိစေရန် ဆုတောင်း၏။ (မာကု - ၆း၄၆)
(၇) ခရစ်တော်သည် မိမိတပည့်တော်တို့ ဆုတောင်းခြင်းအကြောင်းကို လေ့လာလိုသော စိတ်ရှိလာရန် ဆုတောင်းပေးနေသည်။ (လု- ၁၁း၁)
(၈) ခရစ်တော်သည် ကလေးသူငယ်တို့အတွက် ဆုတောင်းပေးသည်။ (မာတေဦး-၁၉း၁၃-၁၅)

(၉) ခရစ်တော်သည် ဂျက်ဆမာနီဥယျာဉ်၌ စုံစမ်းနှောင့်ယှက်ခြင်းနှင့် ကင်းလွတ်မည့်အကြောင်း ဆုတောင်းသည်။ (မာတေဦး- ၂၆း၃၉-၄၁)
(၁၀) ခရစ်တော်သည် မိမိ ရန်သူအပြစ်သားများ အတွက် ဆုတောင်းပေးသည်။ (လု - ၂၃း၃၄)

ခရစ်တော်၏ ဆုတောင်းချက်များကို ကြည့်ခြင်းအားဖြင့် ခရစ်ယာန်တိုင်း မပြက်မလပ် ဆုတောင်းရန် သခင်ဘုရား အလိုရှိကြောင်း သိရှိ နားလည်နိုင်ပါသည်။ ဆုတောင်းခြင်း၏ အဓိက သော့ချက်သည် "ယုံကြည်ခြင်း" ဖြစ်၏။ " ယုံကြည်ခြင်း" မရှိလျှင် ဘုရားသခင်၏ စိတ်တော်နှင့် မတွေ့နိုင် (ဟေဗြဲ - ၁၁း၆) ခရစ်ယာန်တို့၏ အကောင်းဆုံး လက်နက်သည် ယုံကြည်ခြင်း ပြည့်ဝစွာဖြင့် ဆုတောင်းခြင်းသာ ဖြစ်သည်။ "ဘုရားသခင်၌ ချဉ်းကပ်ကြလော့ သို့ပြုလျှင် သင်တို့၌ ချဉ်းကပ်တော်မူလိမ့်မည်" (ယာကုတ် - ၄း၈)။

"ငါ့ကို ပတ္ထနာပြုကြလော့။ ငါသည် ကယ်လွှတ်မည်" (ဆာ- ၅၀း၁၅)။ ဒါဝိဒ်သည် ယုံကြည်ခြင်းဖြင့် ဆုတောင်း၍ ဖိလိတ္တိလူကို အနိုင်ရယူနိုင်ခဲ့သည် (၁ ရာ- ၁၇း၃၁-၄၉)။ ခရစ်ယာန်တို့၏ အကောင်းဆုံးလက်နက်ကို မည်သည့်အချိန် အခါမရွေး ဆွဲကိုင်၍ ချီတက်ပါက မုချအောင်မြင်ပေမည်။

"သင်တို့သည် ငါ၏ နာမကို အမှီပြု၍ တစ်စုံတစ်ခုသောဆုကို တောင်းလျှင် တောင်းသည့်အတိုင်း ငါပြုမည်" (ယော - ၁၄း၁၄)။

သို့ဖြစ်ပါ၍ ခရစ်ယာန်တိုင်းသည် မိမိတို့၏ ဘ၀အသက်တာတွင် ဆုတောင်းခြင်း ဖြင့် ရှင်သန်နေထိုင်ကြပါစို့။


မာဒလေနား (ပြင်ဦးလွင်)


Sep 1, 2010

အသွင်မတူ ပန်းတိုင်တူ၏

အသွင်မတူ ပန်းတိုင်တူ၏

လူတို့သည် ရှေးကာလ ပဝေသဏီကပင် မိမိတို့ထက် တန်ခိုးတိက္ကလက္ခဏာ ကြီးမားသောပုဂ္ဂိုလ်အား ရှာဖွေကာ မိမိတို့၏ ယုံကြည်ကိုးစား အားထားရာအဖြစ် ဆည်းကပ် ကိုးကွယ် အရိုအသေ ပေးခဲ့ကြပါသည်။ မိမိတို့၏ ဥာဏ်အစွမ်းအစအားဖြင့် တွေးတော၍ မရနိုင်သေးသော သဘာဝတရား၏ ဖြစ်စဉ်များဖြစ်သည့် နေပူခြင်း၊ မိုးရွာခြင်း၊ လျှပ်စီးလျှပ်ခြင်း၊ မိုးချုန်းခြင်းတို့ကို ကြောက်ရွံ့ တုန်လှုပ် ခဲ့ကြရသည်။ ၎င်းင်းတို့အားလည်း ထူးဆန်းဖွယ် တန်ခိုးလက္ခဏာရပ်များ အဖြစ် အံ့သြခဲ့ကြရသည်။ ထို့ကြောင့်လည်း နေ၊ လ၊ ရေ၊ မြေ၊ တော၊ တောင် အစရှိသည့် သဘာဝတရားများကို ရှိခိုး ပူဇော်ပသခြင်းများ ရှိလာခဲ့ရသည်။ ထို့နောက်တွင် လူတို့သည် ၎င်းင်း သဘာဝတရားများကို ပိုင်ဆိုင် စောင့်ရှောက်နေသော တောစောင့်၊ တောင်စောင့်၊ နေနတ်၊ လနတ် စသော နတ်များကို လက်ခံယုံကြည် ဆည်းကပ်ပူ ဇော်ခဲ့ကြပြန် လေသည်။ ထိုသို့အားဖြင့် လူတို့သည် မိမိတို့၏ စွမ်းဆောင်နိုင် သမျှ မိမိတို့၏ စိတ်သက်သာရာကို ရစေမည့် တရားနှင့် မိမိတို့အား ကာကွယ် စောင့်ရှောက်ကာ လုံခြုံမှုကို ပေးနိုင်မည့် ပုဂ္ဂိုလ်အား ရှာဖွေခဲ့ရလေခြင်း ဖြစ်ပါတော့သည်။

ယနေ့ ကျွန်ုပ်တို့၏ ကမ္ဘာကြီးတွင် လူတို့၏ စိတ်နှလုံးကို ချမ်းသာရာရစေသည့် ဘာသာတရားကြီးများစွာ ပေါ်ထွန်း အမြစ်တွယ်နေရပြီ ဖြစ်ပါသည်။ ဗုဒ္ဓဘာသာ၊ ခရစ်ယာန်ဘာသာ၊ အစ္စလာမ်ဘာသာ၊ ဟိန္ဒူဘာသာ အစရှိသော ဘာသာတရားကြီး များတွင် ကမ္ဘာ လောကကြီး၏ ကောင်းမှု ကောင်းကျိုး၊ သူ ငါ ကိုးရမည့် ဗြမ္မစိုရ်တရားများကို လက်ကိုင်ထားသည်ကို တွေ့ရပါသည်။ ခေတ်အဆက်ဆက်တွင်လည်း လူတို့၏ စာရိတ္တ၊ လူသားတို့ ရပိုင်ခွင့်၊ ငြိမ်းချမ်းရေး၊ တရားမျှတရေး စသည့် နယ်ပယ်များ၌ ဤဘာသာ တရားများ၏ ထိန်းကျောင်းမှုသည် ပဓာန ကျခဲ့သည်ကို မည်သူမျှ ငြင်းနိုင်မည် မဟုတ်ပေ။

ထို့ကြောင့် ကျွန်ုပ်တို့ လက်ခံရမည်ကား ဤဘာသာ တရားတိုင်းသည် အလွန်ပင် ကောင်းမြတ်ကြပါသည်။ အပေါ်ယံ အယူအဆများ ကွဲပြားကြသော်လည်း အနှစ်သာရ၌မူ ကောင်းမှု ကောင်းရာ တစ်ခုတည်းကိုသာ ဦးတည်နေကြပါသည်။ ဘုရားရှင် ခရစ်တော် တည်ထောင်ခဲ့သော ခရစ်ယာန်ဘာသာသည် ကောင်းမြတ်ပါသည်။ ဗုဒ္ဓဘုရားရှင် တည်ထောင်ခဲ့သော ဗုဒ္ဓဘာသာသည်လည်း ကောင်းမြတ်ပါသည်။ ထို့အတူ အခြားသော ဘာသာတရားများသည်လည်း ကောင်းမြတ်ကြပါသည်။

ထို့ကြောင့် ကျွန်ုပ်တို့သည် ထိုဘာသာတရားများကို ယုံကြည် လက်ခံနေကြသူများ အချင်းချင်း နားလည် လေးစား တန်ဖိုးထားရမည် ဖြစ်ပါသည်။ အယူအဆနှင့် ကိုးကွယ် ဆည်းကပ်မှုနည်းလမ်းများ မတူညီကြသော်လည်း အားလုံးမှာမူ လောကီ၊ လောကုတ္တရာအရေး အတွက် ကောင်းရာမွန်ရာပြုနေကြခြင်းသာ ဖြစ်ပါသည်။ နောက်ဆုံးသော ပန်းတိုင်မှာ သဘောသဘာဝအားဖြင့် အတူတူ ဖြစ်ကြသည်ဟု လက်ခံရန်သာ လိုအပ်တော့သည်။

လူတို့သည် လောကီရေးရာနှင့် လောကုတ္တရာ ရေးရာတို့၌ ကြိုးစားရင်း ရှင်သန်နေကြရပါသည်။ လောကီရေးရာတွင် လောက၌ မိမိ ခန္ဓာကိုယ်အတွက် ရုန်းကန်ကြိုးစား အသက်ရှင်နေကြခြင်း ဖြစ်ပါသည်။ လောကုတ္တရာ ရေးရာတွင် အသက်တာသည် နောင်တမလွန်၌ ချမ်းသာစစ် ချမ်းသာမှန်၊ သုခစစ် သုခမှန် စံစားခွင့်ရရန် ဖြစ်ပါသည်။ ထို့ကြောင့် ဘာသာတိုင်း၌ ယုံကြည် ဆည်းကပ်သူတိုင်းသည် ဤလောက၏ ခရီးသွား ဧည့်သည်များပမာ ရှင်သန် နေကြရပါသည်။

လူတို့သည် ခန္ဓာကိုယ် ရှင်သန်ရန် ထမင်းနှင့် ဟင်းကို နေ့စဉ် စားသုံးနေရပါသည်။ သို့သော် ဒေသ တစ်နေရာနှင့် တစ်နေရာ၊ လူမျိုးတစ်မျိုးနှင့် တစ်မျိုး စားသုံးပုံခြင်း မတူညီကြပါ။ ဥရောပသားများက ဂျုံကို စားသုံးမည်။ အာရှသားများက ဆန်ကို အများစု စားသုံးပေမည်။ ဆင်းရဲသူက ဆန်ကြမ်းသာ စားနိုင်မည်။ ချမ်းသာသူက ဆန်ကောင်းကို စားနိုင်ပေမည်။ မြစ်ချောင်းနှင့် နီးသူက ထမင်းကိုငါးနှင့် စားသလို တောင်ပေါ်နေသူက ပဲကို စားသုံး ပေလိမ့်မည်။ မည်သည့်အရာဖြင့် စားသုံး နေပါစေ။ အဓိကမှာ ခန္ဓာကိုယ် အာဟာရဓာတ် ရရှိကာ အသက်ရှင်ရန်ပင် ဖြစ်ပါသည်။ ထိုနည်းတူပင် လူတို့သည် မိမိ၏ အသက်တာ အာဟာရအတွက် ဘာသာတရား၏ အဆုံးအမများကို လိုက်နာ ကျင့်သုံးရပေမည်။ ဗုဒ္ဓဘာသာဝင်များသည် ဗုဒ္ဓဘုရား၏ တရားအတိုင်း ကျင့်ရပေလိမ့်မည်။ ခရစ်ယာန်များသည်လည်း ခရစ်တော် ဘုရားရှင်၏ တရားတော်အတိုင်း ကျင့်ရပေလိမ့်မည်။ နောက်ဆုံးတော့ နောင်တမလွန်မှ သုခတော်အတွက် ဘာသာတရားများ၏ ကောင်းမြတ်သော တရားဓမ္မ အစာများကို မှီဝဲ ဆည်းကပ် စားသုံးနေရခြင်းသာ ဖြစ်ပါတော့သည်။

ထို့ကြောင့် ရှေးကဆိုခဲ့သည့် အတိုင်း လူတို့သည် မိမိတို့အပေါ် လွှမ်းမိုးနိုင်သော၊ မိမိတို့ မတတ်စွမ်းနိုင်သည့် အရာများကို ဘုန်းတန်ခိုးဖြင့် ဖန်တီးနိုင်သော ပုဂ္ဂိုလ်ကို ရှာဖွေရာတွင် နည်းလမ်း ကွဲပြားသော်လည်း တွေ့ရှိလိုသော ပုဂ္ဂိုလ်မှာ တစ်ပါးတည်းသာ ဖြစ်ပါသည်။ ထိုသို့ လူတို့ ရှာဖွေနေသော ပုဂ္ဂိုလ်ကလည်း လူသားတို့၏ အလိုဆန္ဒများကို သဗ္မညုတဥာဏ်အားဖြင့် သိရှိနေပေ လိမ့်မည်။ ဤသို့ဖြင့် လူတို့သည် ဘာသာတရား အချင်းချင်း အမြင်စောင်းစရာ၊ အပြစ်မြင်စရာ မလိုတော့ပေ။ ကိုးကွယ်မှု ဘာသာတရား အချင်းချင်း အပြန်အလှန် နားလည်မှုရှိကာ လေးစား ရပေမည်။ ဘာသာတရားတိုင်းသည် အလွန်ကောင်းပါ၏။ ကျွန်ုပ်တို့ တစ်ဦးစီ ကိုယ်၌ကသာ ကောင်းရန် လိုအပ်ပေတော့သည်။ ဤသို့ အားဖြင့် မိမိတို့၏ ကိုးကွယ် ဆည်းကပ်ရာ တရားအတိုင်း ကျင့်ကြံ အားထုတ် ကြိုးပမ်းရင်း တစ်ပါးသူတို့၏ ဘာသာတရားများကို လေးစား တန်ဖိုးထားကာ အသွင်မတူမှု ကြားမှ အချင်းတူသည့် ပန်းတိုင်ဆီသို့ လျှောက်လှမ်း သွားကြရပေတော့မည်။

ဂျွန်သွီ (မော်လမြိုင်)

အမှားတွေရဲ့အလွန်မှာ


အမှားတွေရဲ့အလွန်မှာ

ဖြစ်ခဲ့တဲ့အရိပ်
တိတ်တိတ်လေးနဲ့
အိမ်မက်လေးပဲဖြစ်ချင်တယ်။
ငါ့စိတ်တွေ မလုံမလဲ
အရာရာမှာ ပြိုယိုင်လဲလို့
အားလုံးကို ငါ မှားခဲ့တယ် ...


နောက်တော့လဲလေ
သခင့်ခြေရင်း

ဒူးထောက်ရင်းနဲ့
ရင်ထဲတိတ်တခိုး
တိုးတိုးလေးပဲဆုတောင်းဖူးတယ် ...
အမှားတွေထဲ

တိုးလို့ဝင်ဆဲ
အမှန်ကိုကြောက်
အမှန်ပျောက်သူ
မှားနေသူကို
ခွင့်လွှတ်ပေးပါ အရှင်ဘုရား ...

ကားတိုင်ပေါ်ထက်
သွေးစက်စက်နဲ့
ဖြူစင်စိတ်ထား
သူ့နှလုံးသားလေး
စတေးခံကာ
အသက်ဆက်ခဲ့သမျှ
ငါ့အတွက်ဆိုတာ
ပြန်ကြားလာတော့
မှေးစက်တိုးဝင် သူ့ရင်ခွင်မှာ
ခွန်အားသစ်များ ရနေသည် ။ ။

ကဗျာရူး
(ST.THOMAS)

Aug 26, 2010

တွေးကြည့်ပါတော့


တွေးကြည့်ပါတော့

စာဖတ်သူရေ - ကျွန်တော် သတိရခြင်းများစွာနဲ့ သိုးထိန်းအသံမှ တဆင့် စာရေးလိုက်ပါတယ်။ ပထမဦးစွာ စာဖတ်သူတစ်ယောက် ငြိမ်းချမ်း သာယာပြီး ပျော်ရွှင်မှု အပေါင်း ခညောင်းစေရန် တောင်းဆုချွေလျှက် ကိုယ်တော်ရှင်ရဲ့ ကောင်းချီးမင်္ဂလာ အပြည့်အ၀ ခံစား ရပါစေ။

စာဖတ်သူရေ မနက်ဖန်အကြောင်းကို တွေးတောပြီး ကြိုတင် ပြင်ဆင်မှု မပြုလုပ်မိပေမဲ့ မနေ့ကနဲ့ ဒီနေ့အကြောင်း (အတိတ်နဲ့ ပစ္စုပ္ပန်) ကိုတော့ မမေ့ကောင်းစရာ ပါပဲနော်။ အဲဒါကြောင့် စာရေးသူ အတွေးနဲ့ အရေးကို စာဖတ်သူသာ တွေးကြည့်ပါတော့။ ကျွန်တော်ဟာ မအားတာနဲ့ တစ်ပတ်မှ တနင်္ဂနွေ တစ်ရက်လောက်သာ ဘုရားကျောင်း တက်နိုင်တာပါ။ စာဖတ်သူရေ ကျွန်တော့် နာမည်ကတော့ စောဂျူးဒတ်(စ်)က်တဲ့ အဲဒါဆို သိရောပေါ့။ စာရေး သူပြောချင်တာတွေက ကောင်းနိုင်ပါဦးမလား တွေးသာ ကြည့်ပါတော့။ စာဖတ်သူရေ မနေ့က တနင်္ဂနွေ ဘုရားကျောင်းကို ခေါင်းလောင်း သုံးချိန်ထိုးမှ သွားတော့ ချေကုန် တင်ရတော့တာပေါ့။ ကျောင်းထဲဝင် လုပ်စရာလေးတွေ ပေါ့ပျက်ပျက် လုပ်ပြီး ခုံမှာ ၀င်ထိုင် နေထိုက်တာ သတိရလို့ မျက်စိ ဖွင့်ကြည့်လိုက်တော့ ဘေးက လူတွေ ပြေးကုန်ကြရော။ ခုံပြောင်း ထိုင်ကြတယ်လေ။ အဲဒါဆို စာရေးသူ မနေ့က ဘယ်လောက် များသွားသလဲဆိုတာ တွေးသာ ကြည့်ပါတော့။ ဘုန်းကြီး သြ၀ါဒ နားထောင်တာလိုလို ဘာလိုလိုနဲ့ မှိန်းနေလိုက်တာပေါ့။ အမှန်ကတော့ စာရေးသူ ရှပ်မှိန်းမှိန်း နေတာသာ တွေးကြည့်ပါတော့။

ဒီလိုနဲ့ ကိုယ်တော်မြတ် ပင့်ချိန်ရောက်လို့ ကိုယ်တော်မြတ် ပင့်ကြပြီ ပေါ့နော်။ ကျွန်တော်လည်း ထပင့်မယ်လို့ ဆုံးဖြတ်ခါမှ ဘေးနား မလှမ်းမကမ်းက ကိုယ်တော်မြတ်၊ ခရစ္စမားရခါစ ကလေးတစ်ယောက်ကလာပြီး "ဟေ့ ဘဲကြီး ခင်ဗျား အရက်နံ့ကို ထောင်းနေတာပဲ ကိုယ်တော်မြတ် မပင့်နဲ့"လို့ ဒဲ့ကြီး ကောသွားတာ။ မပြီးသေးဘူး "ကိုယ်တော်ရှင်ရဲ့ အသားတော်ကို ခင်ဗျား ၀မ်းထဲက အရက်နဲ့ နှပ်မလို့လား"တဲ့။ ကဲ စာဖတ်သူရေ ပြောတဲ့ ကလေးနဲ့ စောဂျူးဒတ်(စ်) ဘယ်သူဆိုးသလဲ တွေးသာ ကြည့်ပါတော့။ ကိုယ်တိုင်လည်း နောင်တရ ကလေးကိုလည်း ဒေါမပွနိုင်၊ တွေးနေရင်းက ကိုယ်တော်မြတ်ပင့်သူတွေကို မျက်တောင်မခတ် လိုက်ကြည့်နေရာက အမှတ်မထင် ကိုယ်ထင်ပြလာသူကတော့ "မော်ဒယ်မမ" ၀တ်လာတာက ဒူးအထက် လက်နှစ်သစ်တက်သေး ဘေးက အကွဲလေးနဲ့၊ စာရေးသူ စောဂျူး ဒတ်(စ်) ရီဝေတဲ့ မျက်လုံး ပွတ်ခါ သုံးတော့ စာရေးသူအမြင် လှတယ် ထင်နေတုန်း ရှေ့နှစ်ခုံကျော်က "မော်ဒယ်ကိုကို" အကဲပိုပို အသဲချိုက ကိုယ်တော်မြတ်ပင့်ဖို့ ထွက်တဲ့ဟန် လက်ကို သွက်သွက်ရမ်း၊ ခြေလှမ်းနဲ့အတူ သရီးကွာတား၊ ဘောင်းဘီကရမ်း၊ ခြေသလုံးက အဖြောင့် သား၊ ခြေနင်းသံက ဆောင့်ကြွားကြွားနဲ့ ဘယ်သူမှ လူမထင် မှော်ဝင်တဲ့ရုပ်နဲ့ အပြတ် ဟုတ်နေကြတာ။

ကဲစာဖတ်သူ တွေးကြည့်ပါတော့။ ဒီလို ကိုယ်တော်ရှင်ရဲ့ သန့်ရှင်းမြင့်မြတ်တဲ့ နေရာဟာ စာရေးသူ ဂျူးဒတ်(စ်) မှိန်းစရာနေရာလား။ မော်ဒယ်ရှိုး ပြစရာ နေရာလား။ နောင်တရ စရာတွေးရင်း ရင်ထဲက ပူလောင်စွာ မီးတောက်လောင်မိတယ်ဗျာ။ ကျွန်တော်တို့ ၀ိညာဉ် ငရဲကပင် နှင်လေမလား မသိဘူးလို့ တွေးမိတယ်။ စာဖတ်သူရေ တစ်ဆက်ထဲ ရေးလိုက်ရဦးမယ်။ မစ္ဆားတရား ဟောချိန်မှ တရားနာတာလား၊ တရားမှတ်မှတ်တာလား မပြောတတ်တာ စာရေးသူ တွေ့မိပြန်ရော။ ကိုယ်လို သူလို တလွဲတမှားတွေနဲ့ လက်ကြားက ပုတီးအောက်ပြုတ်ကျမှ သွားရည်ကို သုတ်၊ မျက်လုံးကို ပုတ်နဲ့ ပုတီးဖိုးဖိုး၊ ဖွားဖွား စောဂျူးဒတ်(စ်)ကို အားကိုးသလား၊ ပုတီးကို ကုန်းကောက်လို့ ပေးဖို့ မူးနေတဲ့ ကျွန်တော် ဂျွန်းထိုးကျရင် စာဖတ်သူသာ တွေးကြည့်ပါတော့။ စာဖတ်သူရေ ဒီအကြောင်းတွေကို ရေးရင်း အမှားတွေကို ပြင်မယ်လို့ ကြိုးစားတိုင်း အမှောင်တွေပြုနေမိ ပြန်တယ်။ နောင်တမရတဲ့ ဂျူးဒတ်(စ်) မဖြစ်ချင်ပါဘူး။ နောင်တရပြီး ပြောင်းလဲတဲ့ ဂျုးဒတ်(စ်) ဖြစ်အောင်ပဲ ကြိုးစားတော့မယ်။

စာဖတ်သူရေ မနက်ဖန်ဆိုတာ မသေချာပေမယ့် မနေ့က (အတိတ်) ဆိုတာ မေ့လို့ရစရာလားဗျာ။ မှားတဲ့အရာတွေ ပြုပြင်ဖို့ အကောင်းဆုံး ပြင်ဆင်ကြပါစို့လို့ တိုက်တွန်း လိုတာကြောင့် ရေးလိုက်ပါတယ်။


စောဂျူးဒတ်(စ်) (သံဝင်း)

Aug 24, 2010

မာရီယား၏ ခင်ပွန်းတော် သံဇူဇယ်


မာရီယား၏ ခင်ပွန်းတော် သံဇူဇယ်


ကက်သလစ်အသင်းတော်ရဲ့ ၀တ်ပြုကိုးကွယ်ခြင်း ပြက္ခဒိန်မှာ မတ်လ (၁၉) ရက်နေ့ဟာ "မာရီယား၏ ခင်ပွန်းတော် သံဇူဇယ် "ပွဲနေ့ ဖြစ်ပါတယ်။ (ယခု ၂၀၀၈ ခုနှစ်မှာတော့ မတ်လ (၁၉) ရက်နေ့ဟာ သန့်ရှင်းသော ရက်သတ္တပတ်ရဲ့ ဗုဒ္ဓဟူးနေ့မှာ ကျရောက်တဲ့အတွက် (၁၅) ရက်နေ့ကို ပြောင်းရွှေ့ထားပါတယ်)။ သမ္မာကျမ်းစာမှာ သံဇူဇယ်ပြောခဲ့တဲ့ စကားရယ်လို့ တစ်လုံးမျှ မတွေ့ရပေမယ့် သူ့ရဲ့ လုပ်ဆောင်ချက်တွေက ဘုရားသခင်ရဲ့ အလိုတော်ကို လေးစားလိုက်နာသူ၊ ပါရမီနဲ့ ပြည့်ဝတဲ့သူ ဖြစ်တယ်ဆိုတာကို ဖော်ပြနေပါတယ်။
သံဇူဇယ်ကို အင်္ဂလိပ်လို St. JOSEPH လို့ စာလုံးပေါင်းပါတယ်။ ဒီအမည် စာလုံးပေါင်းမှာ ပါဝင်တဲ့ J, O, S, E, P, H ဆိုတဲ့ စာလုံး (၆)လုံးဟာ သံဇူဇယ်ရဲ့ ပါရမီတွေကို ဖော်ပြနေပါတယ်။


J - Joseph the just man ဖြောင့်မတ်သောသူ
(မာတေဦး - ၁း၁၉) "ဇူဇယ်သည်ကား ဖြောင့်မတ်သောသူ ဖြစ်သည်နှင့် မာရီယား၏ အသရေကို မပျက်စေလိုသောကြောင့် တိတ်ဆိတ်စွာ စွန့်ပယ်မည်ဟု အကြံရှိသည်"။

ရဟန်းမင်းကြီး ဒုတိယမြောက် ယောဟန်ပေါလူး အရှင်မြတ်က "The Guardian of the Redeemer" ကယ်တင်ရှင်၏ အထိန်းတော်လို့ တင်စားပါတယ်။

သံဇူဇယ်လစ်တာနီမှာလည်း "အလွန်ဖြောင့်မတ်တော်မူသော မြတ်ဇူဇယ်"လို့ တင်စားဂုဏ်ပြုရင်း ဆုတောင်းကြတယ်။ ဖြောင့်မတ်တယ်ဆိုတာ ဘာကိုဆိုလိုတာလဲ။ သန့်ရှင်းဖြူစင်တယ်၊ ရိုးသားဖြောင့်မတ်တယ်၊ ပါရမီနဲ့ ပြည့်ဝတယ်လို့ ဆိုလိုက်တာပဲ။ ဆရာယုဒဿန် ဘာသာပြန်ထားတဲ့ ကျမ်းစာအရဆိုရင် "သူတော်ကောင်း" ဖြစ်တယ်လို့ ဆိုလိုပါတယ်။ သံဇူဇယ်ဟာ မယ်တော်မာရီယား ပြီးရင် အမြင့်မြတ်ဆုံးရဟန္တာ၊ အသန့်ရှင်းဆုံး လူသား၊ အသင်းတော်ရဲ့ ကျမ်းတတ်ပုဂ္ဂိုလ် အချို့က "ဘုရားသခင်ဟာ ရဟန္တာတွေကို ကျေးဇူးတော်တွေ ပေးခဲ့တယ်။ သံဇူဇယ်ကိုတော့ အခြားသော ရဟန္တာတွေ ခံစားရတဲ့ ကျေးဇူးတော်တွေ အားလုံးပေးခဲ့တယ်" လို့ တင်စားပြီး ပြောခဲ့ပါတယ်။ "ဘုရားသခင်ဟာ လူတစ်ဦးစီကို သူ့ရဲ့ ဘ၀နဲ့ သင့်လျော်တဲ့၊ တာဝန်ဝတ္တရားနဲ့ ကိုက်ညီတဲ့၊ လိုအပ်တဲ့ ကျေးဇူးတော်တွေ ပေးတယ်"လို့ St. Thomas Aquinas က ပြောခဲ့ပါတယ်။ ခင်ပွန်းသည် တစ်ယောက်၊ ဖခင် တစ်ယောက်ဖြစ်တယ် ဆိုရင်၊ ရဟန်းတစ်ပါး ဖြစ်တယ်ဆိုရင်၊ သူ့ရဲ့ဘ၀၊ သူ့တာဝန်ဝတ္တရားနဲ့ ကိုက်ညီတဲ့၊ လိုအပ်တဲ့ ကျေးဇူးတော်တွေ ဘုရားသခင် ပေးပါတယ်။ ဒါဆိုရင် ခမည်းတော်ဘုရားရဲ့ သားတော်ကို အုပ်ထိန်းရတဲ့ အပြစ်မဲ့ သန္ဓေယူတော်မူတဲ့ မာရီယားကို တာဝန်ယူရတဲ့ သံဇူဇယ် ကျေးဇူးတော်တွေ ဘယ်လောက်ရမယ်ဆိုတာ ရှင်းမပြနိုင် ပေမယ့် ခန့်မှန်းမိကြမှာပါ။ ဒီကျေးဇူးတော်တွေရဲ့ အာနိသင်ကြောင့် သံဇူဇယ်ဟာ အမြင့်မြတ်ဆုံးသော ရဟန္တာ၊ အသန့်ရှင်း၊ အဖြောင့်မတ်ဆုံး လူသားဖြစ်တယ်ဆိုိတာ ငြင်းစရာ မရှိပါဘူး။

O = Joseph the obedient one နာခံတတ်သောပုဂ္ဂိုလ်
သံဇူဇယ်ဟာ သူ့ရဲ့ဘ၀မှာ ဘုရားအလိုတော်ကို အမှန်တကယ် နာခံခဲ့ပါတယ်။ မာရီယားမှာ ပဋိသန္ဓေရှိတဲ့ကိစ္စနဲ့ ပတ်သက်ပြီး ကောင်းကင်တမန်က (ရှင်မာတေဦး ၁း၂၀)မှာ "ဒါဝိတ်၏ သားဇူဇယ်၊ သင်၏ ဇနီးမာရီယားကို ထိန်းသိမ်းခြင်းငှါ မကြောက်နှင့် အကြောင်းမူကား သူ၌ စွဲသော ပဋိသန္ဓေသည် သန့်ရှင်းသော ၀ိညာဉ်တော်အားဖြင့် ဖြစ်သည်" လို့ အိပ်မက်ထဲမှာ ရှင်းပြတယ်။ ဒီတော့ သံဇူဇယ် ဘာလုပ်သလဲ။ (ရှင်မာတေဦး - ၁း၂၄)မှာ "သံဇူဇယ်သည်ကား အိပ်ပျော်ရာမှနိုးလျှင် ကောင်းကင်တမန် မိန့်မှာသည့် အတိုင်းပြု၍ မာရီယားကို ထိန်းသိမ်းလေ၏"လို့ တွေ့ရတယ်။ (ရှင်လုကာ ၂း၎-၅) အရ မာရီယား ကိုယ်ဝန် ရှစ်လကျော်ရှိတဲ့အခါမှာ ဆီဇာသြဂုတ်စတူးဘုရင်က သန်းခေါင်စာရင်း ကောက်တယ်။ ဒါနဲ့ သူတို့နေတဲ့ ဂါလီလေပြည်၊ နာဇရက်မြို့ကနေ သူ့ရဲ့ ဘိုးဘေး ဒါဝိတ်မျိုးနွယ်နေတဲ့ ဂျူဒေယားပြည်၊ ဘက်သလေဟင်မြို့ကို လာခဲ့ကြတယ်။ မာရီယားမှာ ကိုယ်ဝန် အရင့်အမာကြီးနဲ့မို့လို့ မသွားဘူးလို့ သံဇူဇယ် မငြင်းခဲ့ပါ။ ဒီတော့ ဘာဖြစ်လဲ (မိက္ခာ ၅း၂) အရ "အို ဘက်သလေဟင်မြို့ ဣသရေလအမျိုးကို
အုပ်စိုးရသောသခင်သည် ငါတို့အဖို့ သင့်၏ အထဲမှာပေါ်ထွန်းလတ္တံ့"ဆိုတဲ့ ပရောဖက်မိက္ခာ ဟောထားချက် ပြည့်စုံသွားတယ်။ နောက်တစ်ခါ (ရှင်မာတေဦး ၂း၁၅) အရ ဟေရုဒ်မင်းက သူငယ်တော်ကို သတ်ဖို့ ရှာနေတယ်။ အီဂျစ်ပြည်ကိုသွားပါလို့ ကောင်းကင်တမန်က ပြောလာတဲ့အခါမှာ ရက်သားကလေးက တစ်ဖက်၊ မီးနေသည်က တစ်ဖက်နဲ့ "ညတွင်းချင်း" ထွက်ပြေး ရပြန်တယ်။ ဒုက္ခ ပေးလှချည်လားလို့ သံဇူဇယ် မငြီးတွားခဲ့။ ဘုရားသခင်ရဲ့ မျှော်မြင်တော်မူခြင်းကို ဖြေရှင်းချက် မတောင်းခဲ့။ ဘုရားသခင်က "ဒါ"ဆိုရင် နှစ်ခါ ပြန်မပြောခဲ့ရပါဘူး။ သံဇူဇယ်ဟာ ဘုရားသခင်ရဲ့ အလိုတော်ကို နာခံတတ်တဲ့သူ ဖြစ်ပါတယ်။

S = Joseph the silent one တိတ်ဆိတ်စွာနေတတ်
ဧ၀ံဂေလိကျမ်းလေးစောင်မှာ မာရီယားနဲ့ တမန်တော်တွေ ဘာပြောတယ်၊ ဘာလုပ်တယ်ဆိုတာ တွေ့ရပေမဲ့ သံဇူဇယ်နဲ့ ပတ်သတ်ပြီးတော့ ရှင်မာတေဦး၊ ရှင်မာကု၊ ရှင်လုကာ နဲ့ရှင်ယောဟန်တို့က ဘာလုပ်ခဲ့တယ် ဆိုတာပဲ ဖော်ပြထားတယ်။ သံဇူဇယ် ပြောခဲ့ဖူးတဲ့စကား တစ်ခွန်းရယ်လို့တော့ ဧ၀ံဂေလိကျမ်း (၄) စောင်လုံးမှာ မတွေ့ရပါဘူး။ သူဟာ ဒါဝိတ်အမျိုးအနွယ် ဖြစ်တယ်။ မာရီယားနဲ့ သူငယ်တော်ကို ထိန်းသိမ်း စောင့်ရှောက်ပေးခဲ့တယ် ဆိုတာလောက်ပဲ သိရတယ်။ သူဘယ်အချိန်၊ နေရာ၊ အရွယ်မှာ သေဆုံးပြီး ဘယ်မှာမြှပ်နှံတယ် ဆိုတာ မသိကြရဘူး။ သူ့ဘ၀ဟာ တိတ်ဆိတ်နေခဲ့တယ်။ ဒါပေမယ့် အဲဒီတိတ်ဆိတ်ခြင်းရဲ့ နောက်ကွယ်မှာ သူ့ရဲ့ စိတ်သဘောထား ကြီးမြတ်မှု၊ ယောင်္ကျားပီသမှု၊ အိမ်ထောင်ဦးစီး ပီသမှုဆိုတဲ့ အရည်အချင်းတွေကို ခန့်မှန်းလို့ ရပါတယ်။ လူတွေအမြင်မှာ သူဟာ ရှေ့ကနေ ဦးဆောင်တဲ့သူ တစ်ယောက်မဟုတ်ပါ။ ဘုရားသခင်ဖြစ်စေချင်တာကို ပီပီပြင်ပြင် တိတိကျကျ စိတ်အေးအေးထားပြီး အကောင်အထည်ဖော်တဲ့သူ ဖြစ်ပါတယ်။ သူဟာ တိတ်တဆိတ် နေတတ်တဲ့သူ ဖြစ်တဲ့အတွက် အတွင်းစိတ်ကို ခိုင်မာအောင် တည်ဆောက်နိုင်တဲ့သူလို့ ပြောလို့ ရပါတယ်။ ဘာလို့လဲဆိုတော့ တိတ်ဆိတ်ခြင်းဟာ ဘုရားရှိခိုးခြင်း၊ မေတ္တာပြုခြင်း၊ ကမ္မဌာန်းရှုခြင်းဆိုတဲ့ အတွင်းစိတ် ၀ိညာဉ်ရေး အလုပ်တွေကို အထောက်အကူပြုတာ အားလုံး အသိပါပဲ။ လစ်တာနီမှာ "စိတ်အားတန်ခိုးနှင့် အလွန် ပြည့်စုံတော်မူသော သူတော်မြတ် ဇူဇယ်"လို့ ဆိုလေ့ရှိတယ်။ အဲဒါကြောင့် သံဇူဇယ်ဟာ သြတပ္ပစိတ် အတွင်းမှာ ဘုရားသခင် ပြောတဲ့စကားကို ပိုကြားရမှာ အမှန်ပါပဲ။ သူ့ကို လူရိုး၊ လူအေး၊ စကားနည်းတဲ့ လက်သမား တစ်ယောက် အဖြစ် သိထားကြတယ်။ သူဟာ ဒုက္ခရောက်တဲ့ အချိန်မှာ ညီးညူ ပြစ်တင်ခြင်း၊ ဒေါသထွက်ခြင်း၊ စောဒကတတ်ခြင်း မရှိခဲ့ပါဘူး။ အရာရာကို တိတ်ဆိတ်စွာ ခံထမ်းခဲ့ပါတယ်။

E = Joseph the example စံနမူနာကောင်းပြုတဲ့ပုဂ္ဂိုလ်
ယနေ့ စီးပွားရေး အတန်အသင့်ပြေလည်တဲ့ မြို့ပြ မိသားစုတွေမှာ ကလေးထိန်းဖို့၊ ထမင်းချက်ဖို့ ကူဖော်လောင်ဖက်လိုတဲ့ ပြဿနာကို တွေ့ရတယ်။ ကလေးထိန်းဖို့ ဆွေမျိုး သားချင်းတွေကို အားကိုးကြတယ်။ ယုံကြည်စိတ်ချရတဲ့ ကလေးထိန်း ရှာကြတယ်။ ဒါမှမဟုတ် နာမည်ကြီး "ရင်ခွင်ပိုက် နေ့ကလေးထိန်းကျောင်း" မူကြိုတို့ကို ပို့ကြတယ်။ ကိုယ့်သားသမီးကို သူများ လက်ထဲ ခဏတဖြုတ်အပ်ဖို့အရေး တော်တော်လေး စဉ်းစားပြီးမှ လုပ်ကြတယ်။ ဒီတော့ ခမည်းတော်ဘုရားသည်လည်းပဲ ကယ်တင်ခြင်း စီမံကိန်းအရ သူ့ရဲ့ တစ်ပါးတည်းသော သားတော်ကို လူတစ်ယောက် လက်ထဲအပ်ဖို့ရာ ပြီးစလွယ် လုပ်မှာမဟုတ်ဘူး ဆိုတာ သေချာပါတယ်။ လူသားထု တစ်ရပ်လုံးထဲကမှ သူ့ကိုရွေးပြီး သားတော်ကို ထိန်းသိမ်းစောင့်ရှောက်ဖို့ တာဝန်ပေးခဲ့တာပါ။
လူ့အဖြစ်ကိုယူတဲ့ သူ့ရဲ့ သားတော် လူသားဘ၀၊ ကလေးဘ၀မှာ စံနမူနာ ယူစရာ ပုဂ္ဂိုလ်အဖြစ် သံဇူဇယ်ကို ရွေးခဲ့တာပါ။ ဒါကြောင့်လည်း "သားတော်ဘုရား၏ မွေးမြူတော်"လို့ သံဇူဇယ်လစ်တာနီမှာ ဖော်ပြထားပါတယ်။ ဘယ်လို မွေးမြူခဲ့သလဲ။ လမ်းလျှောက်တတ်အောင်၊ စကားပြောတတ်အောင်၊ လက်သမား လုပ်တတ်အောင် သင်ပေးခဲ့မှာ အမှန်ပါပဲ။ ရှင်လုကာ၂း၄၀-၅၂ အရ "သူငယ်တော်သည်လည်း အစဉ်အတိုင်း ကြီးပွား၍ ပညာတိုးတက်လျက် ဘုရားသခင်ရှေ့၊ လူတို့ရှေ့၌ မျက်နှာ ရလေ၏"။ "အစဉ်အတိုင်း" ဆိုတဲ့ စကားလုံးကို ထောက်ရင် သူငယ်တော်ဟာ ကလေးဘ၀ကတည်းက ဈာန်ကြွပြီး တန်ခိုးပြနေတာ မဟုတ်ပါဘူး။ အိမ်ထောင်ဦးစီး ပီသတဲ့ သံဇူဇယ်ရဲ့ သွန်သင် လမ်းပြမှုတွေကို နာခံ၊ ပြုမူ ကျင့်ကြံနေထိုင်ပုံတွေကို အတုယူပြီး လူလားမြောက်ခဲ့ရတာပါ။ ဒါကြောင့်လည်း ရဟန်းမင်းကြီး ဒုတိယမြောက် ယောဟန်ပေါလူး အရှင်မြတ်က သံဇူဇယ်ကို "The Guardian of the Redeemer" ကယ်တင်ရှင်၏ အထိန်းတော်လို့ တင်စားပြီး စာတစ်စောင် ပေတစ်ဖွဲ့ ရေးသားဂုဏ်ပြုခဲ့တာ ဖြစ်ပါတယ်။

P = Joseph, a man of prayer ဘုရားသခင်ကို အားကိုးဆုတောင်းတတ်သူ
လူတွေဟာ တစုံတရာ ဒုက္ခတွေ့ရင် ကိုယ့်ထက် ပိုပြီး တတ်သိနားလည်တဲ့၊ အဲဒီ ဒုက္ခကို ဖြေရှင်းပေးနိုင်မယ်လို့ ယူဆရတဲ့ အရာသတ္တ၀ါကို သော်လည်းကောင်း၊ လူပုဂ္ဂိုလ် ကိုသော်လည်းကောင်း၊ နတ်သိကြားတွေ ကိုသော်လည်းကောင်း ချည်းကပ်ကိုးကွယ်ပြီး အကူအညီ တောင်းတတ်ကြတာ သဘာဝပါပဲ။ သံဇူဇယ်အနေနဲ့ စေ့စပ်ထားတဲ့ မာရီယား ကိုယ်ဝန်ရှိနေတော့ လက်ထပ်ယူဖိုလည်း ခက်၊ လူသိရှင်ကြားလည်း မကွာရှင်းရက်နဲ့ သံဇူဇယ် ဘာလုပ်မယ် ထင်သလဲ။ ဟေရုဒ်ဘုရင်က ကလေးတွေကို လိုက်သတ်နေတယ်ဆိုတဲ့ သတင်းကြား ရတဲ့အချိန်မှာ သံဇူဇယ် ဘာလုပ်မယ် ထင်သလဲ။ အီဂျစ်ကို ထွက်ပြေးရတဲ့ လမ်းခရီးမှာ သူတို့ မိသားစု ခလုတ်မထိ ဆူးမငြိဖို့ သံဇူဇယ် ဘာလုပ်မယ် ထင်သလဲ။ သံဇူဇယ်ဟာ ဘုရားသခင်ကို ယုံကြည်အားကိုးစွာနဲ့ ဆုတောင်းခဲ့မှာ အမှန်ပါပဲ။ ဒါကြောင့်လည်း ကောင်းကင်တမန်တော်က မကြာခဏ ထင်ရှားပြပြီး ကူညီခဲ့တာပေါ့။ သူတို့ မိသားစု တစ်နှစ်တစ်ခါ ဗိမာန်တော်ကို သွားခဲ့ကြတာ၊ သံဇူဇယ် တစ်ပတ်တစ်ခါ ဥပုသ်နေ့မှာ တရားဇရပ်ကို ၀င်တာတွေကိုထောက်ရင် နာဇရက်မြို့က အိမ်ကလေးမှာ သူတို့ မိသားစု အတူတကွ ဆုတောင်းရင်း နေထိုင်ခဲ့ကြမှာ အမှန်ပါပဲ။ သံဇူဇယ်ဟာ a man of prayer ကိုယ်တိုင် ဆုတောင်းခဲ့တဲ့သူ၊ မိသားစုကို ဘာသာတရား သင်ကြားပေးတဲ့သူ ဖြစ်ပါတယ်။

H = Jose
ph, the helper of the Blessed Mother ဘုရားမယ်တော်၏ ခင်ပွန်းတော်
သံဇူဇယ်ကို ကညာစင်မာရီယားရဲ့ ခင်ပွန်းအဖြစ် ဘုရားသခင်က ရွေးကောက်ခဲ့တယ်။ ဘုရားသခင်ရဲ့ စီမံကိန်းမှာ သူဟာ ဖြောင့်မတ်သူ၊ သန့်ရှင်းစင်ကြယ်သူ၊ ပညာသတိရှိသူ၊ အနွံအတာခံသူ၊ သည်းခံတတ်သူ၊ ခင်ပွန်းကောင်းတစ်ယောက် ဖြစ်ခဲ့ပါတယ်။ မိသားစုရဲ့ စားဝတ်နေရေး၊ လူမှုရေးမှာ သာမက ၀ိညာဉ်ရေးမှာပါ အိမ်ထောင်ဦးစီး ဖြစ်ခဲ့ရတယ်။ ဘာလို့လဲဆိုတော့ မာရီယားဟာ သူ့ထက် ပိုပြီး သန့်ရှင်းဖြူစင်တယ်ဆိုပေမဲ့ ဘုရားသခင်က မိသားစုအရေးအတွက် ဗျာဒိတ်ပေးစရာရှိရင် သံဇူဇယ်ကိုပဲ ပေးခဲ့တာပါ။ သူငယ်တော်ယေဇူးကို ဗိမာန်တော်မှာ ပြန်တွေ့တော့ (ရှင်လုကာ -၂း၄၈) မှာ "သင်၏ အဘနှင့် ငါသည် စိတ်ညှိုးငယ်ခြင်းနှင့် သင့်ကိုရှာပြီ" ဆိုတဲ့ မာရီယားရဲ့စကားကိုထောက်ရင် သံဇူဇယ်ဟာ မာရီယားနဲ့အတူ အေးအတူ ပူအမျှ ခံစားခဲ့တာကို တွေ့နိုင်ပါတယ်။ ဘုရားရဲ့ မယ်တော်ကို ခင်ပွန်းအဖြစ်အနေနဲ့ ချစ်ခြင်း၊ သူငယ်တော် ယေဇူးကို ဖခင်အဖြစ်အနေနဲ့ ချစ်ခြင်းဆိုတဲ့ "မေတ္တာစာသား"တွေကို ထောက်ရင် ခင်ပွန်းကောင်း၊ ဖခင်ကောင်း၊ အိမ်ထောင်ဦးစီးကောင်း ပီသခဲ့တာတွေကို တွေ့နိုင်ပါတယ်။

သံဇူဇယ်ရဲ့ ဒီပါရမီတွေဟာ ကက်သလစ်အိမ်ထောင် ဦးစီးတိုင်း လေးစားလိုက်နာပြီး အတုယူသင့်တဲ့ ပါရမီများ ဖြစ်ကြပါတယ်။ တစ်ချိန်မှာ အိမ်ထောင်ဦးစီးဖြစ်လာကြမယ့် ကက်သလစ်လူငယ်များ အတွက်လည်း အကြုံးဝင်ပါတယ်။ ဒါကြောင့် ကက်သလစ် အမျိုးသားတိုင်း သံဇူဇယ်ရဲ့ ပါရမီတွေကို အတုယူပြီး ဘုရားသခင်ရဲ့အလိုတော်ကို လိုက်နာဆောင် ရွက်နိုင်ကြသူများ ဖြစ်ကြစေဖို့ ဆန္ဒပြုပါတယ်။

ခံပွင့်