Oct 17, 2009

တည်နေမည့်မိဘကျေးဇူး


တည်နေမည့်မိဘကျေးဇူး

လူတိုင်း လူတိုင်းသည် မိဘအဖြစ် မရောက်ကြသေးပေမယ့် မဖြစ်ကြပေမယ့် သားသမီးဘ၀ နေရာမှာတော့ နေဖူးကြတာ ချည်းပါ။ နေနေကြတာ ချည်းပါ။ မိဘတို့ရဲ့ သားသမီးအပေါ်ယုယ ပိုက်ထွေးနွေးမှုတွေ၊ ကြင်နာ မေတ္တာထားမှုတွေဟာ အတိုင်းလွန်သည် မရှိပါ။ အတိုင်းဆ မရှိသော နွေးထွေးမှုတွေ အစဉ်သာ ပေးနေလျက်ပါ။ မိဘများရဲ့ ဦးခေါင်းထဲမှာ သားသမီးတွေ အတွက်သာ အမြဲ ပထမ ထည့်သွင်းဦးစား ပေးသည်။ မိဘများရဲ့ နှလုံးသားဆိုတာ သားသမီးတွေ အပေါ် အမြဲတမ်း အေးမြ ကြည်လင်ပြီး ခွင့်လွှတ်သည်။ သားသမီး တွေဘယ်လောက် ဘယ်လိုဆိုးဆိုး၊ မိုက်မိုက်ကြံဖန်ပြီး ခွင့်လွတ်သည်းခံသည်။ စိတ်ရှည်ရှည်ထားသည်။ ကမ္ဘာပေါ်မှာ ရှိတဲ့ ကွန်ပျူတာတွေ ပျက်စီးသွားပါစေ။ မိဘရဲ့ သားသမီးတွေအပေါ်မှာ အကင်းမဲ့ ထားရှိသော အနန္တအချစ်ဟာ ဘယ်လောက်အခါမှ ပျက်စီးသွားမည် မဟုတ်ပါ။ အင်တာနက်တွေ ပျောက်ကွယ်ရင် ပျောက်ကွယ်သွားပါစေ။ မိဘတွေရဲ့ သံယောဇဉ်ဟာ မိဘရဲ့ သံယောဇဉ်ဟာ ပျောက်ကွယ်သွားမည် မဟုတ်ပါ။ ပင်လယ် သမုဒ္ဒရာတွေ ခန့်ခြောက်သွားသော်လည်း သားသမီးအပေါ် ထားရှိတဲ့ မိဘမေတ္တာသည် ကောင်းကင်တစ်ခြမ်းနှင့် ညီပါသည်။ ကမ္ဘာ့ဝင်ရိုးစွန်း အဆုံးထိတိုင် လိုက်ရှာ ကြည့်ပါ မိဘရဲ့ အချစ်နဲ့တူတဲ့ အချစ်သည်ရှာ၍ တွေ့နိုင်မည်မဟုတ်ပါ။ မိဘရဲ့ ကျေးဇူးတရား ကြီးမားမှုတွေကို သားသမီးတိုင်းက သိတတ်ကြမယ်ဆိုရင် ဦးခေါင်းပေါ်တင်ပြီးတောင် တစ်ဘက်လုံး ပြုစုထားဖို့ကောင်း ပါတယ်။ မိဘမေတ္တာဆိုတာ နှိုင်းလို့မရပါ။ နှိုင်းစရာလည်း ဤကမ္ဘာလောကမှာ မရှိပါ။ ဆပ်လို့မကုန်နိုင်ပါဘူး။ အချို့ မွေးကင်းစအရွယ် တိရစ္ဆာန်ကလေးတွေဟာ သူတို့ရဲ့ မိဘတွေကို လုံးဝမပြင် ဖူးကြဘူး။ ငါးတွေဆိုရင် သူတို့ရဲ့ ဥတွေကို ရေအောက်မှာ ဥရုံဥ ပြစ်ထားခဲ့ကြတယ်။ ကျွန်ုပ်တို့တွေဟာ မိဘတွေက ပြုစုခဲ့လို့ အသက်ရှင်ရတာပါ။ မိဘတွေကသာ မပြုစု မစောင့်ရှောက်ခဲ့ရင် မွေးပြီးကတည်းက သေသွားကြမှာပါ။ မိဘတို့သည် သားသမီးအတွက်ဆိုရင် အရာရာကို စွန့်လွတ်စွန့်စားရဲကြသည်။ အသက် အသေခံရဲတယ်။ သားသမီးတွေကို အင်မတန်ချစ်တယ်။ ညဘက်တွင် သားသမီး အိပ်ပျော်နေသော်လည်း မအိပ်နိုင်ကြသေး အနီးတွင် ထိုင်ကာ သားသမီးမျက်နှာလေးကို ကြည့်ရင်း ရင်ခွင်ပိုက်ပြုစုခဲ့တာ သားသမီး လူ့ပြည် ရောက်လာသည့်နေ့မှ ယနေ့ထိ မြင်တွေ့ ခံစားနေရဆဲပါ။ ထိုအကြောင်းများကို သားသမီးတိုင်း တွေးတောကာ မေတ္တာဘာဝနာ ပွားသင့်သည်။ မိဘတွေဟာ သားသမီးတွေအတွက် နေပူမရှောင် မိုးရွာမရှောင် ရှာဖွေခဲ့ကြ တယ်။ နဖူးကချွေး ခြေမကျအောင် အပင်ပန်းခံခဲ့ရတာတွေ နေ့မရှောင် ညမရှောင် ဘယ်ဘေး၊ ဘယ်အန္တရယ်မှ မမှုဘဲသား သမီးအတွက်ဆိုတဲ့ မေတ္တာစိတ်ကြောင့် ရှေ့တိုးရင်ဆိုင်ခဲ့ကြတယ်။ လူသာ ပင်ပန်း ခဲ့ကြသော်လည်း စိတ်မပင်န်းကြပါဘူး။ သားသမီးတိုင်း စာနာနားလည်ပြီး ကိုယ်တိုင် မိဘနေရာမှာ ၀င်ရောက်ခံစား ပေးသင့်ပါတယ်။ မိဘတွေဟာ သူတို့ ရှာဖွေစု ဆောင်းထားသော ပစ္စည်းဥစ္စာတွေကို ဒီဘ၀ဆုံး၍ နိဂုံးချုပ်သွားတဲ့အခါ အားလုံး ထားပစ်ခဲ့ရမယ်ဆိုတာ လူတိုင်း သိကြပါတယ်။ မိဘတိုင်းသိကြပါတယ်။ ဒါပေမဲ့ သားသမီးတွေအဖို့သာ ရှာဖွယ်နေကြတယ် ဆိုသည့်အပြင် တစ်ခြားဘာမှ ပြောစရာ မရှိပါ။ မိဘတွေဟာ သားသမီးတွေအပေါ်မှာ ရည်ရွယ်ချက်၊ ရည်မှန်းချက်၊ မျှော်လင့်ချက်တွေ ထားကြပါတယ်။ သားသမီးတွေကို ကောင်းစေချင်၊ ဖြစ်စေချင်၊ မြင်စေချင်တဲ့ အတိုင်းကောင်းရင်၊ ဖြစ်ရင်၊ မြင်ရရင် အလွန် ၀မ်းသာတတ်ကြပါတယ်။ မိဘတိုင်းဟာ သားသမီးတွေ သူတို့ရဲ့စကား၊ ဆုံးမ စကားတွေကို သေသေချာချာ နားထောင်၍ ရင်ထဲအသည်းထဲ ထိန်းသိမ်း ထားစေချင်တယ်။ ဒါပေမဲ့ အခုခေတ်မှာ များသော အားဖြင့် သားသမီးတွေဟာ မိဘစကားကို တန်ဖိုးထား ရင်ထဲအသည်းထဲ သိမ်းထားကြတဲ့ သူတွေ တော်တော်နည်းလာတယ်။ "အဖေကလည်းကွာ၊ အမေကလည်းကွာ" စသည့်အားဖြင့် ခံပြောကြတာ များလာတယ်။ တစ်ချို့ဆိုရင် မိဘကတောင် ဘာမှ မပြောရသေးခင် "အဖေတို့ အမေတို့ရဲ့ ရာစုဟောင်းတွေ ကုန်သွားပြီ" စသည် အားဖြင့် အသုံးအနှုန်း အမျိုးမျိုးနဲ့ ပြန်ပြော တတ်ကြတယ်။ သားသမီးတွေဟာ ဘာဖြစ်လို့များ မိဘရဲ့ စကားကို ကက်လန်ကက် ဆန်ပြန်ပြောတတ်ကြတာလဲ ရုပ်ဆိုးတဲ့ အမူအယာတွေ လုပ်ပြီး ဘာလို့ တုန့်ပြန်ကြတာလဲ၊ ထိုသူတို့သည် မိဘတွေရဲ့ မေတ္တာကို မသိကြလို့ မိဘမေတ္တာကို မခံစားတတ်လို့ ပြောနိုင်ကြတာပါ။ မိဘတွေရဲ့ မျှော်လင့်ချက်ကို မသိနားမလည်ကြလို့ပါ။ မိဘကို တကယ်စိတ်ချမ်းသာ စေလိုတဲ့ သားသမီးလိမ္မာတွေဟာ မိဘရဲ့ မျှော်လင့်ချက်တွေ၊ လိုအပ်မှုတွေကို ဖြည့်ဆည်းပေးကြပါတယ်။ သားသမီးရဲ့ မေတ္တာကို မိဘတိုင်းက မျှော်လင့်ကြပါတယ်။ အသက်အရွယ် ကြီးရင့်လို့ အိုမင်းမစွမ်းဖြစ်လာရင် သားသမီးတွေက ပြန်ပြုစု စောင့်ရှောက်ကြလိမ့်မယ်ဆိုတာ မိဘတွေရဲ့ ပထမ မျှော်လင့်ချက်ပါ။ မိဘတွေရဲ့ ဒီမျှော်လင့်ချက်ကို သားသမီးတိုင်းက ပိုပြီး အလေးထားသင့်တယ်။ ဖြည့်ဆည်း ပေးသင့်ပါတယ်။ သားသမီးတိုင်းရဲ့ တာဝန်ဝတ္တရားတွေပါ။ တစ်ချို့သော သားသမီးတွေဟာ မိဘကျေးဇူးတွေကို သိကြပါတယ်။ ဆပ်လို့ မကုန်နိုင်မှန်းသိကြပါတယ်။ ဒါပေမယ့် မဆပ်တတ်ကြပါဘူး။ ဘယ်လိုဆပ်ရမလဲ ဆိုတာလည်း မသိကြပါဘူး။ တကယ်ဆိုရင် အဓိက ကတော့ မိဘတွေရဲ့ ကျေးဇူးကို မဆပ်သေးရင် တောင်နေပါ။ ကျေးဇူးတော့ သိတတ်ဖို့ ကောင်းပါတယ်။ တကယ်လို့ ကျေးဇူး မသိတတ်သေးရင်တောင် ကျေးဇူး မကန်းမိဖို့ အရေးကြီးပါတယ်။ မိဘတိုင်း ဒုက္ခမရောက်စေကြဖို့ သားသမီးတိုင်းက သိတတ် နားလည်ကြရမယ်။ သားသမီးတွေ မလိမ္မာရင် မိဘတွေဒုက္ခနှင့် မကင်းတတ် ကြပါ။ မိဘတွေအတွက် ရင်ကျူး ရင်နာစရာ သိပ်ကောင်းတယ်။ သားသမီးများကို မိဘနှစ်ပါးထဲက ၀မ်းဝခါးလှအောင် လုပ်ကျွေးဖို့က ၀န်လေး တတ်ကြတယ်။ ကုန်ကုန်ပြောမယ်ဆိုရင် ရေတစ်ခွက်တောင် မခတ် မတိုက်ချင်ကြတဲ့ သားသမီးတွေ များလာတယ်။ ထမင်းတစ်လုတ်တောင် ကျေးဇူးမဆပ်ချင်တဲ့ သားသမီးတွေများ လာတယ်။ မိဘတွေ သားသမီးတို့ကို ကျွေးမွေးခဲ့တဲ့ ထမင်းဟာ တစ်နပ်လည်း မကပါ။ တစ်ရက်လည်း မကပါ။ တစ်နှစ်လဲ မကပါ။ ဒါတွေကို ပြန်ပြန် သတိရသင့်တယ်။ မိဘတို့ရဲ့ မျှော်လင့်ခြင်းနှင့် သားသမီးတို့ရဲ့ ပြန်လည် သိတတ်ကျေးဇူး ပေးဆပ်ခြင်း၊ ကိုက်ညီသွားမည်ဆိုရင် လောကမှာ ချမ်းမြေ့သာယာလာမှာပါ။ "သင်တို့၏ ဘုရားသခင် ထာဝရ ဘုရားပေးသနားတော်မူသော ပြည်၌ သင်၏ အသက်တာရှည်မည် အကြောင်း သင်၏ မိဘကို ရိုသေစွာပြုစုလော့" (ထွက်မြောက် ၂၀း၁၂)။ "ထိုသူတို့သည် မိမိတို့၏ မိဘများကို ဘုရားသခင်ကဲ့သို့ မှတ်ယူ၍ အစေခံလိမ့်မည်။ သင့်ဖခင်အား သူအိုမင်းသောအခါ၌ ကြည့်ရှု စောင့်ရှောက်လော့။ သူနေရာသမျှ ကာလပတ်လုံး စိတ်မဆင်းရဲစေနှင့်။ သူ့ကို မထိလေးစား မပြုလေနှင့်" မိမိ၏ ဖခင်ကို မပြုစုဘဲ ပစ်ထားသူသည် ဘုရားသခင်ကို ထိခိုက် စော်ကားသော သူနှင့်တူ၏။ မိမိ၏ မိခင်ကို ရိုသေ ကိုင်းရှိုင်းမှုပြုသော သူသည်များစွာသော စည်းစိမ်းဥစ္စာကို စုဆောင်းရာ ရောက်၏။ မိမိ၏ မိခင်ကို လေးစားဂုဏ်ပြုသော သူသည် ဘုရားသခင်ကို နာခံသော သူဖြစ်၏။ မိမိ၏ မိခင်ကို အမျက်ထွက်စေသော သူသည် ဘုရားသခင်၏ ကျိန်ဆဲခြင်းကို ခံရမည်" (နီတိဒေသနာ ၃း၁-၁၆)။ ကမ္ဘာ့မြေမျက်နှာ ရှစ်မျက်နှာတွင် ရှိရှိသမျှ ကမ္ဘာ့လူသားတို့ မိဘကျေးဇူးသတိရစို့၊ မိဘတို့အား ရိုသေပြုစုစို့၊ မင်္ဂလာခံယူကြပါစို့....။ မိဘတို့ အားလုံးသက်တော် ရာကျော်ရှည်ပါစေ။ စိတ်ချမ်းသာ၊ ကိုယ်ကျန်းမာပါစေ။ လိုရာဆန္ဒ ပြည့်ဝပါစေ။ ၀ိညာဉ် ကာယနှစ်ဖြာသော ကျေးဇူးများ ခံစားရရှိပါစေ။ ဘုရားသခင်သည် အစဉ်ကွယ်ကာ စောင့်ရှောက်၍ အဖြာဖြာသော လိုရာကောင်းချီး ရရှိခံစားစေကြောင်း မိဘတို့အား ချီးမွမ်းဂုဏ်ပြုလျက်-

ဥယျောဂျာလ (မိုးကောင်း) အုတ်လှ

Oct 16, 2009

အသပြာနှင့်ဂုဏ်သိက္ခာ

အသပြာနှင့်ဂုဏ်သိက္ခာ

ကမ္ဘာလူသားတွေ သူ့အကြောင်း ငါပြော။ ငါအကြောင်း သူပြောနှင့် အကြောင်းအမျိုးမျိုး ပြောနေကြသည်။ ထိုသို့ ပြောနေကြသော ပြောစကားထဲ၌ တစ်ဦးကတစ်ဦးကို အသိအမှတ်ပြုချီးမွမ်း စကားများပါရှိ သကဲ့သို့ အပြစ်မြင် အပြစ်တင်ပြီး ဂုဏ်သိက္ခာကျအောင် ဝေဖန်ပြောသော စကားတွေလည်း ပါရှိပါသည်။ တစ်ယောက်နှင့်တစ်ယောက် ဂုဏ်သိက္ခာ ကျအောင်ပြောသည့် စကားများကြောင့် မိမိ၏ ဂုဏ်သိက္ခာတွေ ကျကောင်းကျ နိုင်ပါသည်။ သို့သော်မိမိ၏ ဂုဏ်သိက္ခာကို တစ်ပါးသူ ချ၍ ကျသည်ထက် မိမိကိုယ်တိုင်ချ၍ ကျသည်က ပိုဆိုးပါသည်။ တစ်ပါးသူမှ မိမိ၏ ဂုဏ်သိက္ခာချ၍ မိမ၏ဂုဏ် သိက္ခာကျချင်မှ ကျမည်။
မိမိ၏ဂုဏ်သိက္ခာကို မိမိချလျှင်တော့ မိမိဂုဏ်သိက္ခာမရှိတော့မည်မှာ အမှန်ပင်ဖြစ်သည်။ မည်သူ မဆို မိမိကိုယ်ကို လေးစားတန်ဖိုး ထားကြရမည်။ မိမိ၏ တန်ဖိုးသိက္ခာကို ရှိလာအောင် ပြုလုပ်သူမှာ မိမိပင် အဓိက ဖြစ်သကဲ့သို့ ကျဆင်းအောင် ပြုလုပ်နိုင်သူမှာလည်း မိမိပင်ဖြစ်သည်။ ထို့ကြောင့် မိမိ၏ တန်ဖိုးဂုဏ် သိက္ခာကို မိမိကပင် ထိန်းသိမ်းရမည်။ မိမိ၏ကောင်းသော ကိုယ်ကျင့်တရား၊ ကောင်းသောစာရိတ္တနှင့် ထိန်းသိမ်းရမည်။ မည်သူတစ်ဦး တစ်ယောက်ကမျှ လာရောက် မပြုလုပ်ပေးနိုင်ပေ။ အထူးသဖြင့် မြင့်မြတ်သော မိန်းကလေးတို့သည် မိန်းကလေးတို့ ရှိသင့်ရှိထိုက်သော တန်ဖိုး ဣနြေ္ဒသိက္ခာ၊ ကိုယ်ကျင့်တရားကို လေးစား တန်ဖိုးထား ထိန်းသိမ်းကြသည်။ မြန်မာနိုင်ငံမှ အမျိုးသမီးများဆိုလျှင် ကိုယ်ကျင့် တရားကောင်မွန်ကြသည်။ ဣနြေ္ဒသိက္ခာ ရှိကြသည်။ ထို့ကြောင့် မြန်မာ အမျိုးသမီးများအတွက် "မိန်းမဣနြေ္ဒရွှေပေးလို့မရ" မြန်မာအမျိုးသမီးတို့၏ ဣနြေ္ဒသိက္ခာ၊ ကိုယ်ကျင့်တရားတန်ဖိုး မြင့်မားခြင်းကို ချီးကျူးပြောဆိုထားခြင်းဖြစ်သည်။ မှန်ပါသည်။ မြန်မာအမျိုးသမီးတို့သည် ကိုယ်ကျင့်တရား ကောင်းမွန်ကြသည်။ မိန်းကလေးတို့၏ ဣနြေ္ဒသိက္ခာရှိကြသည်။ ထို့ကြောင့်လည်း ထိုသို့သော ဆိုရိုးစကား ဖြစ်လာရခြင်းဖြစ်သည်။ သို့သော် တစ်ချို့ တစ်ချို့သော အမျိုးသမီးတို့သည် မိမိ၏ကိုယ်ကျင့်တရား ပျက်ပြားခြင်း၊ မိမိ၏ ဂုဏ်သိက္ခာမရှိအောင် ကိုယ်တိုင်ပြုလုပ်ခြင်း၊ ဣနြေ္ဒသိက္ခာ မရှိခြင်းကြောင့် မိန်းမတို့ ဣနြေ္ဒရွံ့ပိတ်လို့ဟူ၍ ပြောစကားတွေ ဖြစ်လာသည်။ မိမိ၏ ကိုယ်ကျင့်တရား၊ ဣနြေ္ဒဂုဏ်သိက္ခာကို မထိန်းသိမ်းခြင်းကြောင့် ဖြစ်သည်။ မရှိသင့်သော စိတ်ထား များရှိနေခြင်း၊ ရှိသင့်သော စိတ်ထားများ မရှိခြင်းတို့ကြောင့် ဖြစ်သည်။ ဆရာတစ်ဦး ၏ စကားလေးတစ်ခွန်းကို သတိရမိသည်။ "ယောင်္ကျားတို့သည် ချမ်းသာကြွယ်ဝလွန်းသောအခါ ပျက်စီးဖို့ရန် လွယ်ကူပြီး မိန်းကလေးတို့သည် ဆင်းရဲလွန်းသောအခါ ပျက်စီးဖို့ရန်လွယ်ကူသည်" မှန်ပေသည်။ မိမိ၏ဆင်းရဲခြင်းကို မဟုတ်မမှန်သော နည်းလမ်းနှင့် ဖြေရှင်းကြသည်။ တစ်ပါးသူများကဲ့သို့ နေချင်၊ စားချင်၊ ချမ်းသာချင်၍ မိမိ၏ ကိုယ်ကျင့်သိက္ခာကို ဖောက်ဖျတ်ကြသည်။ ကိုယ်ကျင့်သိက္ခာ အသာထားငွေ အသပြာရှိဖို့က အဓိကဆိုသည့် မရှိသင့်သော စိတ်ထားမျိုးကြောင့်ဖြစ်သည်။ မိန်းကလေးတို့သည် မိမိ၏ ကာယအလှနှင့်အတူ ကိုယ်ကျင့်သိက္ခာ အလှတရားနှင့်လည်း ၀တ်ဆင်ထားမှ လှပပြီး ဂုဏ်သိက္ခာကြီးမားသူဖြစ်မည်။ ကိုယ်ကျင့်သိက္ခာ ပျက်ပြားနေပါက မိမိ၏ ကာယအလှကို ငွေအသပြာကသာ ၀ယ်ယူ သွားပါလိမ့်မည်။ မည်သို့ပင် လှပချောမော ချမ်းသာနေပါစေ မည်သူမှ လေးစားတန်ဖိုး ထားကြလိမ့်မည် မဟုတ်ပေ။ မိမိ၏ ဂုဏ်သိက္ခာ မိမိ၏ တန်ဖိုးကို မိမိချနေခြင်း ဖြစ်သည်။ မိန်းကလေးတို့၏ ကိုယ်ကျင့်တရား၊ ဣနြေ္ဒသိက္ခာသည် အလွန်တန်ဖိုး ကြီးမားသည်။ မိန်းကလေးတစ်ယောက်၏ တန်ဖိုးလည်းဖြစ်သည်။ ထို့ကြောင့် မိမိ၏ တန်ဖိုးကို မိမိကပင် ထိန်းသိမ်းရမည်။ မိမိ၏ တန်းဖိုး ဂုဏ်သိက္ခာရှိအောင် ပြုလုပ်သူမှာ မိမိပင်ဖြစ်သကဲ့သို့ ကျဆင်း အောင် ပြုလုပ်သူမှာလည်း မိမိပင်ဖြစ်ပါသည်။ ထို့ကြောင့် မိမိ၏ တန်ဖိုးဂုဏ်သိက္ခာ ရှိစေဖို့၊ ငွေအသပြာနှင့် ဂုဏ်သိက္ခာကို မလဲမိစေဖို့ လိုအပ်ပေသည်။

စောဆန်းဒေး (ပုသိမ်)

Oct 7, 2009

ဖော်ရွေစွာပြောဆိုမှုရဲ့အာနိသင်


ဖော်ရွေစွာပြောဆိုမှုရဲ့အာနိသင်


ကျွန်မတို့ လူသားတွေဟာ ပေါင်းသင်းဆက်ဆံမှုနဲ့ မကင်းလွတ်ကြပါ။ ပတ်ဝန်ကျင် အသိုင်းအ၀ိုင်းနဲ့ နေကြသူများပင် ဖြစ်ပါတယ်။ မိသားစုအသိုင်း အ၀ိုင်း၊ ဆွေမျိုးသားချင်းတွေ၊ မိတ်ဆွေ အပေါင်းအသင်းတွေ၊ မိမိနဲ့ နီးစပ်သူတွေ နဲ့ ထိတွေ့ဆက်ဆံကြရပါတယ်။ လူတစ်ဦး အမှုတစ်ရာဆိုသလို လူသားတိုင်းမှာ ခံစားမှု တစ်ခုခုတော့ ရှိစမြဲပင် သောကတွေနဲ့ ရင်မဆိုင်ရတဲ့ သူဆိုတာမရှိပါ။ မိမိလည်း သောကတွေနဲ့ တွေ့ကြုံခံစားရသလို တစ်ခြားသူတွေလည်း သောကတွေနဲ့ ရင်ဆိုင်နေကြရမှာ ဖြစ်တယ်။ သောကတွေ ခံစားရသူတွေ အချင်းချင်း ဖော်ရွေစွာ အားပေးဆက်ဆံတတ်ဖို့ အလွန်ပင် အရေးကြီးလှပါတယ်။ တစ်ယောက်ရဲ့ သောကကို တစ်ယောက်က အားပေးမှု၊ နှစ်သိမ့်ပေးမှုကြောင့် ပြေပျောက်သွားမှာ အမှန်ပင်။

ကျွန်မတို့ဟာ လူသားတွေပီပီ မိမိ မကျေနပ်မှုတွေကိုပဲ သတိရတတ်ကြပါတယ်။ မကျေနပ်မှုတွေ ပြန်စဉ်းစားတိုင်း သောကပွားကြရမှာ ဖြစ်တယ်။ ဒါကြောင့် မိမိတွေ့ကြုံရတဲ့ အကျေန်မှုတွေထဲမှာ မနေဘဲ ရုန်းကန်ထွက်လိုက်ပါ။ မိမိလို သောကတွေနဲ့ တွေ့ကြုံရမဲ့ သူတွေအများကြီး ရှိကြောင်းကို သတိရပါ။ မိမိနဲ့ နီးစပ်သူတွေရဲ့ ဘ၀ကို စာနာကြည့်ပါ။ ဥပမာ ပန်းသည်လေးတွေ သူတို့ကို စကားစမြည် ပြောဖူးပါသလား။ တနေ့ရောင်းရင် ဘယ်လောက်မြတ်သလဲ။ မိသားစုအတွက်ကော လုံလောက်ရဲ့လား။ တစ်နေ့နေ့သွားရတဲ့ ခရီးက မနည်းဘူး။ သူတို့နဲ့ စကားစမြည် ပြောခြင်းဖြင့် သူတို့တွေ့ကြုံရတဲ့ သောကတွေ ပြေပျောက်စေနိုင်ပါတယ်။ မိမိကို စာနာတဲ့သူ ရှိပါသေးတယ်။ အာငယ်စရာ မရှိဘူးလို့ တွေးမိကြမှာ အမှန်ပင် စာပို့ကဲ့ ပိုးစမင်း၊ ဖိနပ်ချုပ်တဲ့ လူကြီး၊ တောင်းစားတဲ့ သူတွေနဲ့ စကားပြောဖူးပါသလား။ သူတို့လည်း လူသားဖြစ်ကာကြောင့် သောကတွေနဲ့ ရင်ဆိုင်ကြရမှာဖြစ်တယ်။ ဒီလို အညတရလူတွေရဲ့ ပြောပြတဲ့စကားတွေကို ဖော်ရွေစွာ နားထောင်ပေးလျှင် သူတို့တွေဟာ အလွန်ပျော်ရွှင်ကြမှာ ဖြစ်တယ်။ သူတို့မှာလည်း အတွေးတွေ ၊ အကြံလေးတွေ၊ မျှော်လင့်ချက်တွေ၊ ရည်ရွယ်ချက်တွေ ရှိမှာဖြစ်တယ်။ သူတို့ကလည်း အခြားသူတွေကို မိမိတို့ရဲ့ အကြောင်းကို ပြောပြချင်မှာပင် မိမိက သူတို့ပြောပြတာကို ဖော်ရွေစွာ နားထောင်စိတ်ဝင်စားပါက သူတို့မှာ အလွန်အမင် ကျေနပ် ၀မ်းမြောက်ကြမှာ ဖြစ်တယ်။ ဒီလို ကရုတစိုက် ဖော်ရွေစွာ ပြုမူခြင်းက မိမိအတွက် ၀န်မလေးပေမယ့် သူတို့အတွက်တော့ မွန်မြတ်တဲ ကရုဏာကြီး တစ်ခုလိုပင် လောကမှာ နေ့စဉ် မိမိတတ်အားသမျှ ကူညီစောင်မမှုလေးတွေ ပြုလုပ်သင့်ပါတယ်။ ကောင်းကျိုးကောင်းရာမှာ ကြီးကြီး ကျယ်ကျယ်ဘောင်မှ တောင်းတယ်လို့ မထင်မှတ်ပါနဲ့ အသေးအဖွဲလေးကို ဆောင်ရွက်ပေးပေမယ့် အကျိုးဆောင်ခြင်း ခံရသူအဖို့ စိတ်ချမ်းသားမှုရမှာဖြစ်တယ်။ လူသားအချင်းချင်း ဆက်ဆံရာမှာ ဖော်ရွေစွာ ပြောဆိုမှုလည်း အရေးပါလှပါတယ်။ ဘယ်သူမဆို ကြမ်းတမ်းတဲ့ စကားကို မကြားချင်ကြပါ။ လူသားတွေ မပြောနဲ့ တိရစ္ဆာန်လေးများပင် ကြမ်းတမ်းစွာ ပြောဆိုတာကို မကြိုက်ကြပါ။ ဒါကြောင့် ဒုက္ခရောက်နေသူကို မိမိက မကူညီနိုင်ပေမယ့် ဖော်ရွေစွာပြောဆို ဆက်ဆံအား ပေးမှုကြောင့် တပတ်သတ်လူကို နှစ်သိမ့်မှု ပေးနိုင်မှာ ဖြစ်တယ်။ ကြီးကြီးမားမား မလုပ်ဆောင်နိုင်ပေမယ့် ဒုက္ခရောက်နေသူရဲ့ ခံစားမှု ပြေပျောက်အောင် ပြောဆိုမှုက အရေးကြီးလှပါတယ်။ ဆေးရုံတတ်တဲ့ လူနာနဲ့ မိသားစုတွေဟာ အလွန်ပဲ စိတ်ဆင်းရဲရမှာ အမှန်ပင်။ ငွေကုန်ကြေး ကျများတာရယ်၊ စိတ်ဆင်းရဲမှုတွေနဲ့ တွေ့ကြုံရမှာ ဖြစ်တယ်။ အဲဒီလူနာဆီသွားပြီး အားပေး စကားပြောခြင်း၊ ဆုတောင်းမေတ္တာပို့ပေိးခြင်းများ ပြုလုပ်ပေးခြင်းဖြင့် သူတို့ဆီမှာ ၀မ်းသာပျော်ရွှင်မှုကို ခံစားကြရမှာ ဖြစ်တယ်။ ဒီလိုဖော်ရွေစွာ ပြောဆိုမှုတွေ ကြောင့် လူတဖတ်သား ပျော်ရွှင်မယ်ဆိုရင် မိမိနဲ့တွေ့ကြုံရတဲ့ လူသားတွေကို ဖော်ရွေစွာ ပြောဆိုမှုက အလွန်ပင် အရေးကြီး လှပါတယ်။ လောကကြီးမှာ ဒုက္ခအမျိုးမျိုး စိတ်သောက အမျိုးမျိုးနဲ့ ရင်ဆိုင်နေကြ ရတဲ့ သူတွေ အများကြီး ရှိကြပါတယ်။ လောကကြီးပိုမို ကောင်းမွန်လာအောင် လုပ်ဆောင်နိုင်ဖို့ ဘုရားရှင်တလွဲ၍ ဘယ်သူမှ မတတ်နိုင်ပါ။ ဒါပေမယ့် မိမိအသက်ရှင်နေထိုင်စဉ် ကာလလေး အတွင်းမှာ မိမိနဲ့ ရင်ဆိုင်တွေ့ကြုံရတဲ့ လူသားအချင်းချင်းပေါ် စာနာစိတ်ထားပြီး ဖော်ရွေစွာ ပြုမှုဆက်ဆံမယ်ဆိုရင် မိမိလည်း ပျော်ရွှင်ရသလို တစ်ပါးသူလည်း ပျော်ရွှင်ရမှာ အမှန်ပင်။ ပေါင်းသင်းဆက်ဆံရမှာ လူသားအချင်းချင်းကိုယ်ချင်း စာစိတ်ရှိမှ တစ်ဦးအပေါ် တစ်ဦးနားလည်ကြမှာ ဖြစ်တယ်။ တစ်ဦးနဲ့တစ်ဦး အားပေး ပြောဆို ဆက်ဆံကြမယ်ဆိုရင် နေထိုင်ရတဲ့ အချိန်တိုလေးမှာ သာယာချမ်းမြေ့မှုနဲ့ ပြည့်စုံနေမှာ ဖြစ်တယ်။ ဒါကြောင့်မို့ "အများအကျိုးဆောင် ကိုယ့်အကျိုးအောင်" ဆိုသလိုပင် သူတစ်ပါးအကျိုးကို ဆောင်ရွက်တတ်သူ ဖြစ်အောင်လည်း ကြိုးစားပြီး နေထိုင်သင့်လှပါတယ်။ မိမိ တတ်နိုင်တဲ့ဖက်က ကူညီပေးမယ်အားပေး စကားတွေ ပြောဆိုကြမယ်ဆိုရင် အကျိုးပြုသူပါ။ အကျိုးပြုခံရတဲ့ သူပါပျော်ရွှင်မှုကို ခံစားကြရမှာ အမှန်ပင်ဖြစ်ပါတော့တယ်။

မနော

Oct 1, 2009

ယုံကြည်ခြင်းနှင့် ဥာဏ်ပညာ


ယုံကြည်ခြင်းနှင့် ဥာဏ်ပညာ

သခင်ယေဇူးက သူ့ရဲ့ အသင်းတော်ကြီးကို တည်ဆောက်ရာမှာ ထာဝရတည်မြဲစေဖို့ရာ ယုံကြည်ခြင်း (Faith) နဲ့ ဥာဏ်ပညာ (Wisdom) ဆိုတဲ့ မဏ္ဏိုင်ကြီးနှစ်ခုကို အခြေပြုခဲ့ပါတယ်။ တပည့်တ်ာကြီး သံပေရူးနဲ့ သံပေါလူးတို့ဟာ ယုံကြည်ခြင်းနဲ့ ဥာဏ်ပညာကို ကိုယ်စားပြုတဲ့ အသင်တော်ရဲ့ မဏ္ဏိုင်ကြီးနှစ်ခုဖြစ်ပါတယ်။ သခင်ယေဇူးက သူ့ရဲ့ အသင်းတော်ကြီးကို ယုံကြည်ခြင်းပြင်းပြတဲ့ သံပေရူး၊ ဥာဏ်ပညာကြီးမားတဲ့ သံပေါလူးတို့နဲ့ ဘယ်လို တည်ဆောက်ခဲ့သလဲ ဆိုတာ လေ့လာကြည့်ကြပါစို့။


သံပေရူး
သူဟာ ဂါလီလဲနယ်က စာပေမတတ်တဲ့ တံငါသည် တစ်ဦးပါ။ သူ့ရဲ့ ညီအင်ဒရူးက ခေါ်လာလို့ သခင်ယေဇူးနဲ့ သိခွင့်ရတာဆိုပေမယ့် သူ့ရဲ့ ယုံကြည်ခြင်းကြောင့် သခင်ယေဇူးက သူ့ကို သွားလေရာ ခေါ်သွားတတ်ပါတယ်။ "လူအများတို့သည် ငါအား အဘယ်သူဟု ထင်ကြသနည်း" (လုကား၉း၁၈)ဆိုတဲ့ သခင် ယေဇူးရဲ့မေးခွန်းကို တပည့်တော်ကြီးတွေက အမျိုးမျိုးဖြေကြပါတယ်။ သံပေရူးကတော့ "ကိုယ်တော်သည် အသက်ရှင်တော်မှု သောဘုရား၏ သားတော် ခရစ္စတူးသခင် ဖြစ်ပါ၏" (လုကား ၉း၂၀)လို့ အမှန်ဆုံး အဖြေကိုပေးခဲ့ပါတယ်။ ယုံကြည်ခြင်းရဲ့ အနှစ်ချုပ်ဖြစ်တဲ့ ဒီအဖြေကို ခမည်းတော်ဘုရား ကိုယ်တော်တိုင် ဖော်ပြတော်မူတယ်လို့ သခင်ယေဇူးက ချီးကျူးခဲ့ပါတယ်။ ဒီအဖြေကြောင့် သူ့ကို အသင်းတော်ရဲ့ အုတ်မြစ်အဖြစ် ရွေးချယ်လိုက်ပြီး ကောင်းကင်နိုင်ငံတော်ရဲ့ တံခါးသော့နဲ့ တကွ ၀င်ခွင့်ပြုမပြု ဆိုတဲ့ အာဏာကိုပါ ပေးအပ်တော်မူခဲ့ပါတယ် (မာတေဦး ၁၆း၁၇-၁၉)။ တောင်ပေါ်မှာ သခင်ဘုရားအဆင်း သဏ္ဍန်ပြောင်းလဲတဲ့ အချိန် ခမည်းတော်ဘုရားရဲ့ သက်သေခံချက်ကို ကြားရပြီးတဲ့ နောက် သံပေရူးရဲ့ ယုံကြည်ခြင်း ပိုမိုခိုင်မြဲ လာပါတယ် (မာတေဦး ၁၇း၁-၈)။

သံပေါလူး
သူဟာ တာရှုမြို့က ရာဘီဘွဲ့ရ ကျမ်းတတ်ဆရာ ဖာရီရှဲတစ်ဦး ဖြစ်ပါတယ်။ သူ့ခေတ်အခါမှာ ပညာအတတ်ဆုံး သူတစ်ဦးပါပဲ။ တပည့်တော်ကြီးတွေရဲ့ လက်ထောက်ဦးပဇင်းကြီး စတီးဗင်းကို သခင်ယေဇူးအကြောင်း ဟောလို့ ကျောက်ခဲနဲ့ ပေါက်သတ်ကြတုံးက သူဟာ ကလေး ဘ၀နဲ့ တတ်အားသမျှ ပါဝင်ခဲ့ပါတယ် (တမန် ၇း၅၈)။ အဲဒီလို ခိုင်မာခဲ့တဲ့ ခရစ်ယာန် မုန်းတီးစိတ်ကို လူကြီးဖြစ် လာတဲ့အခါမှာ ဆက်ပြီး အကောင်အထည် ဖော်ခဲ့ပါတယ်။ ခရစ်ယာန်တွေကို ဖမ်းပြီး ထောင်ထဲ ပို့ခဲ့ပါတယ်။ တစ်နေ့ ခရစ်ယာန်တွေကို ဖမ်းဆီးဖို့ ဒါမာစကူးမြို့ကို အသွားလမ်းမှာ သခင်ဘုရားက တန်ခိုးထင်ရှားပြပြီး တပည့်တော်ကြီး အဖြစ် တိုက်ရိုက် ရွေးချယ် အသုံးပြုခဲ့ပါတယ် (တမန် ၉း၁-၃၀)။ သူနောင်တရပြီး သခင် ယေဇူးကို ပြန်တောင်းပန်ခဲ့ပါတယ်။ ဖာရီရှဲစောလုဘ၀ကနေ တပည့်တော်ကြီး ပေါလုဖြစ်လာပြီး ကျန်ရှိနေတဲ့ ဘ၀သက်တာမှာ သူ့ရဲ့ပညာစွမ်းနဲ့ လူမျိုးကွဲ ဘာသာခြားတွေကို သခင်ယေဇူးအကြောင်း ဟောပြောသက်သေခံတဲ့ တမန်တော်ကြီး ဖြစ်လာခဲ့ပါတယ်။ သူဟာ ကျမ်းတတ် ပုဂ္ဂိုလ်တစ်ဦးဖြစ်တဲ့အတွက် ဖာရီရှဲတွေနဲ့ ယှဉ်ပြိုင်ပြီး တရားဆွေးနွေးနိုင်သလို ရောမနိုင်ငံသား ခံယူထားတဲ့အတွက် အုပ်ချုပ်သူအာဏာပိုင်တွေကိုလည်း တရား ဟောခွင့်ကြုံခဲ့ရပါတယ်။ သူရဲ့ ဓမ္မသင်္ဂြိုလ် ကျွမ်းကျင်ပိုင်နိုင်မှုကို သူရေးသားခဲ့တဲ့ သြ၀ါဒစာ (၁၄)စောင်က သက်သေ ပြနေပါတယ်။

တူညီချက်
တစ်မျိုး ဆီအားသာတဲ့ ဒီတပည့် တော်ကြီးနှစ်ပါးမှာတူညီတဲ့ အဓိက အရေးကြီးဆုံး အချက်ကတော့ "သခင်ယေဇူး ကိုချစ်ခြင်း" ပဲဖြစ်ပါတယ်။
သခင်ယေဇူး ရှင်ပြန်ထမြောက် ပြီးတဲ့နောက် သံပေရူးကို ထင်ရှားပြပြီး "သင်သည် ငါ့ကို ချစ်သလော" လို့ သုံးကြိမ် တိုင်တိုင် မေးတော်မူခဲ့ပါတယ်။ သံပေရူးက ချစ်ကြောင်းဝန်ခံတဲ့ အခါ "ငါ၏သိုးတို့ကို ကျွေးမွေးလော့"လို့ တာဝန်ပေးခဲ့ပါတယ်။ သခင်ဘုရားပေးတဲ့ တာဝန်ကို သံပေရူး ကျေပြွန်အောင် ထမ်းဆောင်ခဲ့ပါတယ်။ သခင်ယေဇူး အကြောင်း ဟောပြော သက်သေခံတဲ့ အတွက် အဖမ်းခံခဲ့ရပါတယ် (တမန် ၁၂း၁-၁၁)။ ရောမ အာဏာပိုင်တွေက တစ်ဖက် ဂျူးလူမျိုး ဘာသာရေး ခေါင်းဆောင်တွေက တစ်ဖက် ၀ိုင်းပြီးနှိပ်စက်လို့ ပြေးလွှားနေရတဲ့ကြားထဲက သြ၀ါဒစာ (၂) စောင်ရေးခဲ့ပါသေးတယ်။ နောက်ဆုံးရောမမြို့က စိန်ပီတာကျောင်းတော်ကြီး နေရာမှာ လက်ဝါးကားတိုင်း ဇောက်ထိုးတင်ပြီး အသတ်ခံ ခဲ့ရပါတယ်။
သံပေါလူးကတော့ သခင်ယေဇူး အကြောင်း လှည့်လည်ဟောပြောဖို့ ကုန်းတတန်၊ ရေတတန်နဲ့ သာသနာပြုခရီး (၃)ကြိမ် ထွက်ခဲ့ပါတယ်။ ဒီအတောအတွင်း ကြုံတွေ့ခဲ့ရတဲ့ ဒုက္ခတွေကို ဒု-ကောရိန္တု ၁၁း၂၃-၂၇ မှာ အသေးစိပ်မှတ်တမ်းတင် ထားပါတယ်။ နောက်ဆုံးသူလည်းပဲ ရောမမြို့မှာ ခေါင်းဖြတ်ပြီး ကွပ်မျက်ခံခဲ့ ရပါတယ်။
ဒါတွေကို ကြည့်ခြင်းအားဖြင့် သခင်ဘုရားကို ချစ်တဲ့သူတို့နှစ်ဦးရဲ့ မေတ္တာတရားဘယ်လောက်ကြီးမားတယ် ဆိုတာ သိနိုင်ပါတယ်။

နိဂုံး
ကျွန်တော်တို့ တစ်တွေ သံပေရူးနဲ့ သံပေါလူးတို့ကို ဂုဏ်ပြုဖို့ရာ ကျွန်တော်တို့ရဲ့ ယုံကြည်ခြင်းကို ရဲရဲဝံ့ဝံ့ ၀န်ခံဖို့ လိုအပ်သလို ယုံကြည်ခြင်းကို ပျံ့နှံစေဖို့လည်း ကြိုးစားရမှာ ဖြစ်ပါတယ်။ ကျွန်တော်မှာ သံပေရူး လောက် ယုံကြည်ခြင်းနဲ့သံပေါလူးလောက် ပညာပါရမီ မရှိသေးပေမယ့် သခင်ယေဇူး အပေါ်ထားရှိတဲ့သူတို့ နှစ်ဦးရဲ့ ချစ်ခြင်း မေတ္တာမျိုးပေးသနားတော်မူပါလို့ ဆုတောင်းပြီး ကျွန်တော်တို့ ယုံကြည်ရာကို ကျွန်တော်တို့ တတ်တဲ့ပညာနဲ့ သက်သေခံ နိုင်ဖို့ ကြိုးစားသွားကြပါစို့။

ခံပွင့်

Everyday God


Everyday God